ابدا بالرد من الآخير .. انا اعطيته حبا فيه وبأولاده وكتبت لانه مرت فتره ماقصر علي فيها
وبالنسبه لزغللة العيون بالفلوس ... مشكلتي من 18 سنه .. وزواجه من 5 او 4 سنين ... ووظيفتي ماكملت فيها 7 شهور

والحمدلله مااعطيته نفقات سفر ووناسه .. انا سددت الالتزامات الماليه اللي كانت تثقل كاهله والحمدلله كانت بعد استخاره
واذا هو مايستاهل فأنا اتعامل بأصلي



سبحان الله..... سبحان الله
كل هذا الظلم ظلمها اياه هي عيالها والضرب والاهانه والطر
ولما جت تنتقم تنتقم من حرمه ضعيفه زيها... لا حول ولا قوة الا بالله!!!!!!
قال ايش ما حثته على العدل وايش دراك انها ماحثته؟؟!!
ويمكنه حتى هي مظلومه باشياء انتي ما تعرفينها

لاتعليق

ولا هو طفل تحثه وتعلمه يعدل
انتي قلتيها تزوج يتحمل نتايج قراره
طيب ليش تحملين زوجته معه مسؤلية العدل؟!
هذي مسؤوليته يا عزيزتي مو مسؤلية زوجته
لو بغا يعدل محد بيمنعه بس هو مايل بمزاجه لا تغالطين نفسك

أشياء وتفاصيل كثيره ماكتبتها
لكن بجاوبك على هالنقطه بشي ماحبيت اذكره .. كانت تحلفه انه ماينام معي لما يجي عندي وعذرها انه طاقتها عاليه وماتبغاه يكون شبعان لما يرجع لها .. هذا مو ظلم لي
ثانيا اتهمتني بالزنا والفسق لاني حملت قبلها .. وقرأتها برساله نصيه لها لزوجي
ثالثا اخذ زوجي مني مبلغ قبل اتوظف وكنت متسلفته عشان تحاليل ولدي وترجيته يرجعه ورفض ورحت اتصل عليها وبقلبي هم وحرقة الدنيا وردت علي برد تافه .. انه هي مادخلها وانها رزقتها وجاتها
مع اني شرحت لها انه سلف وخاص بتحاليل ولدي وقالت لي هي رزقتي بكل وقاحه اسأل الله ان يجعلها جمر في قلبها
أتوقع يكفي .... وانا مصره اني مااظلم نفسي اكثر

و تقولين لحد يقولي حرام اني اخيره بيني وبينها!
الا حرام ونص
هو اللي ظلمك وضربك وطردك واهانك واهمل عيالك
مو على وليه زيها زيك!!!!
ومدري من وين جاتك الجراة تخيرينه وهو طول عمره من حرمه لحرمه
ما وقفتي الا للي استقر معها وانجب منها!!!
وكله على راسك اطفال زياده وعنايه
وتتحولين لبيبي ستر وهو يتزوج اخرى واخرى ويرمي عليك العيال

يااختي ليش مو قادره تفهمين أنه لكل شخص طاقة احتمال واني تعبت .. رجاء لاتلوميني على صبري اللي راح
جالسه تحاسبيني كأني غلطت أو اجرمت بشي ... زوجي اخل بشي مهم لما كان يتزوج قبل كان مقتدر الان هو بدون عمل وكل المصاريف علي .. واتوقع ان القدره الماليه شرط أساسي
وانا مااجبرته يطلقها انا عندي أولاد وهي عندها ولو قالي خذي اولادك وروحي ماجلست دقيقه واولادي معي

انتي جربتي الظلم فلا تمارسينه على غيرك فيعود عليك
ولا اعتقد بصراحه ولا تزعلين مني
ما اعتقد انه شاريك لهذي الدرجه حتى تخيرينه!!!!
فلا تلعبي بالنار نصيحه

ماادري اذا شاريني أو لا .... بس كتب لي ورقه وفيها شروطي وموقع عليها ومعاه رجالين شهود


ردك اخذ من نفسي الكثير وللأسف كان كشف ومحاسبه ومافيه أي نصيحه او تقديم حلول
.. ماراح ارد على ردود تحاسبني وماتقدمني خطوه المعذره

1 / ما ذا تريدين بالضبط ؟ بِغضِّ النَظرِ عنْ طلاقِ زوجَتِهِ الأُخرى !! لأنَّهُ لا يَخصُّكِيِ , فالفَصْلُ في يَدِ زوجُكِ في هذا !!
2 / ماذا فعلتِ لِتحقيقِ مٌبتغاكِ ؟ وهل أدَّتِ الخُطواتُ التي قُمتيِ بِها بعضَ ما تَتَمنّيهِ أم لا ؟

جزاك الله خير ... بصراحه بالبدايه توقعت الخلل مني واني مقصره معاه وطورت من نفسي كثير حاولت احتويه واشوف وش ناقصه ولما اقتنعت ان هذا طبعه استسلمت واكتفيت بحقوقي
لكن الوضع الان تغير انا بدون حقوق نهائي

انا تطلقت مرتين وكان يضغط علي بلاولاد وهم بصحه وعافيه .. الان ولدي معاق يحتاج عنايه خاصه ولو بترك البيت مااضمن زوجته تهتم بولدي يادوب بنفسها وأولادها

وهو رافض تماما اني اخذ الأولاد على اني واثقه انها حجه والا ماله أي دور تجاه أولاده
بالنسبه للحلول كلمت اهلي وأهله بدون فايده
اهلي مايرضون على بنتهم وأهله مايرضون على ولدهم وكل واحد بيدافع عن معتقداته
مافيه احد حكيم اقدر اعتمد عليه
حتى هو بنفسه والله العظيم أي مشكله تواجهه مايعرف الا انا .. سواء تخصه او اهله او أي شي ... يبغاني صاحبه ومستشاره لكن زوجه لا

3 / هذا السؤالُ يَتعلَّقُ بِسابِقهِ ,, لِماذا لم تُجرِّبي حُلولاً أخرى يَكونُ أهلكِ طرفاً فيها ؟

مثل ماذكرت جربت .. اخواني صغار بالعمر وابوي متوفي يعني مبدأ التكافؤ الفكري في طرح الحلول لما يتواجهون ماراح يجيب نتيجه وغالبا ماجاب مشاكل وامتلت النفوس

أُختي الكريمة ,, كثيراً ما يَتنازَلُ البعضِ بُغيةَ تغييرِ الطرَفِ الآخرِ ,, فيتألَّمُ حَدَّ الموتِ ,, ويَضَعُ مِظَلَّةَ لَعلَّ والأمطارُ كالسِهامِ المسمومةِ ,, فإذا انقطعَ المطرُ المميتُ ,, لم يتقبَّل الإنسانُ الأرضَ لأنَّها أصبحتْ غَيرُ صالِحة ,, فيعيشُ لِغيرِهِ أيضاً وَرُبما يَهربُ بَعيداً ,, إذا لِماذا كُلُّ هذهِ التضحياتِ !!

قدر الله وماشاء فعل والحمدلله واسأل الله أن يعوضني خيرا مما ارجو

ما الذي ترجينه منه بعد 18 سنة؟!!
رجائي في الله .. يوفى الصابرون أجرهم بغير حساب ..




ياليتك استقليتي انتي واولادك ببيت مستقل بعيد عن اهلك وبلا هالرجعه وهالذل....

قدر الله وماشاء فعل .. استخرت وماامشيت خطوه الا باستخاره وربي كريم


مثل هذا وش ترجين من وراه
عزي نفسك واولادك دام عندك وظيفه
والقروض غلطة عمرك

الحمدلله على كل حال
__________________

هو المسؤول بكل شي

وغلطك بحكاية عملت باصلي!!
اصلك انك توفري بيت لك ولعيالك وتصرفي عليهم
وكثر الله الف الف خيرك انك شلتي مصاريف عياله
اللي هي من مهامه وليست من مهامك

الزبده بطلي عطاء يوجع قلبك بالاخير

اعانك الله

كان الله في عونك

لاتطلبي الطلاق الا اذا كان لك نيه بالزواج وتعويض مافاتك مع زوج يقدرك ويحترمك ويحبك
اما ان لم يكن لك نية زواج فاستمري ع ذمته
ولكن استقلي ببيت خاص بعيد عنه وعن زوجته واهله وكل المشاكل معهم وتفرغي لنفسك ولابنك المريض شفاه الله ولبقية ذريتك حفظهم الله
ومالك الذي انعم الله به عليك بعد طول صبر وعناء وكفاح لك ولذريتك فقطططططط
سخري هذا المال لكم ولخدمتكم ولاتصرفي هلله ع غيركم وانسي أمره وزوجته واهله
وعيشي بما يرضي الله بين اولادك
اعانك الله وعظم اجر صبرك واذاقك بر ذريتك وشفى ابنك وقرَّ عينك بكل مايسعدك وأراح بالك
ولاتندمي ع مامضى فكله محفوظ في ميزان حسناتك ولو انكره خلقه وجحده عباده
وبما ان لنفسك عليك حق التفتي لها ولذريتك وهنيئا لك أجرهم أخيه 💕💐

نسيت نقطة القروض الحمدلله قدر الله وماشاء فعل
اكملي ماعليك من قروض وبعدها توقفي تماما عن اخذ اي قرض لزوجك او غيره او صرف هلله الا ع نفسك وبيتك الخاص وذريتك وكثر الله خيرك
ذريتك هم ان شاء الله الثروه الحقيقيه ان هداهم الله واصلحهم وسخرهم وزوجك اعتبريه مات واحتسبي اجرك عند الله

وزوجته بالعكس لاتطلبي طلاقها ابدا
انسي امرها وأمره تماما
وانشغلي بحياتك وأولادك وابتعدي عنهم تماما
لتنعمي براحة البال ان شاء الله فإنها لاتقدر بثمن
وماعانيتيه منه ومنها يكفي ولايرجى منهما شيء
ابتعدي وفقط

لا حول ولا قوة الا بالله

الله يعظم أجرك و يعوض صبرك بفرج قريب

زوج لا يعدل ولا عيشه عدله ولا معاشرة بالإحسان ولا يعتمد عليه هذا وش تبين فيه ؟
وش الخير اللي ترجين منه دامه مايخاف الله و ماغير يزوج و يطلق هذه وظيفته بالحياة
للأسف هذا مايعتبر رجال هذا عاله على المجتمع و عليك خصوصا

وانا اختك صبرتي 18 سنه و كل ماله يزيد و يتجرأ لهنا و ستوب
لازم توقفين معاه وقفه حازمه و فكري قبل قرار الانفصال مع اني اشوف ماله رجا بعد اللي سواه طول 18 سنه .. الأفضل حبي نفسك و حبي عيالك و اهتمي بنفسك و بعيالك عيشي معاهم وعوضي فيهم الحنان اللي فقدتوه من زوج و اب ظالم ما يخاف الله .. الحمدالله ربي عازك و عندك وظيفه و راتب يغنيك عنه
اما هو خليه صفر على الشمال ولا كأنه موجود وانسيه هو و زوجته تماما و عيشي لنفسك و عيالك فقط
استقلي بذاتك و القرض اعتبريه صدقه عنك و عن عيالك و اسأل الله ان يوفقك و يسعدك و يرزقك .

خليك مع أطفالك لا تتركينهم وهم بأمس الحاجة لك مع اب زي هذا راح ينظلمو اكيد
وهو لا تتاملين فيه الا ان يهديه الله ادعي له بالصلاح والهدايه دائما
راتبك لا تعطينه منه ولا ريال خليه لك ولا طفالك وهو رجال وش ناقصه خليه يدبر نفسه والا الرجولة بس في الزواج والتعدد.

__________________
السعداء أشخاص علموا أن الحزن ؛ لا يجدد قديماً ؛ و لا يعيد ماضياً ؛ و لا يرد غائباً ؛ فتركوه جانباً و ابتسموا .