بصراحه موضوع حلو
الازواج الشرقيين وخاااصه الخليجيين يعتبرون التعبير للزوجه عن الحب والاهتمام عيب كبير
وانتقاص لرجولتهم وشي حلو انه يمسك يد زوجته مو شرط بالاسواق الا بكل مكان مب شرط كل مره
بس بين فترات ودامهم متزوجين كيفهم
يعني بعضهم اذا طلعو مع الحبيبه مسكو يدها لكن الزوجه لا وكأنه ي حرام
مع انه بالعكس
وحتى بالمكالمات الهاتفيه وكأنه يستحي يقول ان اللي تكلمه زوجته او يستعر منها
يتكلم باختصار وايجاز الو نعم وشتبون شبغيتو ايه ايه لا مادري يصير خير بشوف مادري ايه وحتى بدون مع السلامه مافي الا يسمعها القطار تووووت تووووووووت
لكن لو حبيبته او صاحبته مابيخلي كلمه حلوه مايقولها هلا هلا والله هلا بهالصوت الخ
هذا حال الشرقيين
بس بصراحه في رجال نادرين يبردون القلب تلقاه يفتخر بزوجته ويكلمها بكل حب وود
ويمشي معاها وهو ماسك يدها يحسسها بحبه واهتمامه
وفي ناس بالنص
ودهم وما ودهم يحسون انه شي حلو بس لى جى وقت التطبيق خافو من كلام الناس


تحياتي

__________________

أختي رووووح زوجها شكرا على هذا الموضوع المهم صراحة


أنا واحد من الناس أحب أمسك ايد زوجتي في الاماكن العامة


خصووصا وأنا قبل الزواج كنت استانس لما اشوف واحد ووحده ماسكين ايدين بعض


وكنت اتمنى اصير مثلهم


والحمد لله لما تزوجت تحققت امنيتي ومسكت ايد زوجتي


وهي نفسها تستانس لما امسك ايدها


فما اشوف فيها اي شي


وشكرا مره اخرى لأختي كاتبة الموضوع

__________________

مستغربه كثير لردت فعل بعض الاعضاء من مسك يد الزوجه!!!!

شي عادي زوجي بيمسك يدي ..اول في البدايه للرومانسيه

اما الحين المجمعات مزدحمه بالشباب انا امسك يده حتى لا يسرع

لانه اسرع مني

وتصدقون مررره كنت ناويه اطلع اتمشى مع زوجي


دق علي اخوي وكان يبي يجي لي

قلت له طالعين قال بطلع معكم

وطلع معنا وكان زحمه كثيرلدرجة ان اخوي مو مسك يدي الا لف يده حول كتفي عشان بس لاحد يلمسني

وذكرني بالحج وحنا نطوف لمن زوجي يحميني

وانبسط كثير وعطيت غمزه لزوجي قلت له لييييييه ما انت بعد تسوي جذيه

بصراحة زوجي كان يمسك يدي لما كنا في شهر العسل
وأول مارجعنا ووصلنا المطار

؟!؟!؟!؟!؟!؟!؟!؟!؟!؟!؟!؟!؟



زين منه بس إنه يمشي جنبي

..................................

__________________

اللهم إني أسألك بإسمك العظيم الذي إذا سألت به أعطيت ..
وإذا دعيت به أجبت .. يامن بين يديه الكاف والنون ..
وتقول كن فيكون .. أسألك واشهدك بإنك أنت الله
الواحد الأحد الفرد الصمد الذي لم يلد ولم يولد ولم يكن له كفوا أحد
أسألك أن ترزقني بالولد الصالح يارب العالمين ..يامن قلت
وقولك الحق ادعوني استجب لكم إن الذين يستكبرون عن عبادتي
سيدخلون جهنم داخرين .. هانحن دعوناك فأجبنا ياأرحم الراحمين..

بصراحة زوجي كان يمسك يدي لما كنا في شهر العسل
وأول مارجعنا ووصلنا المطار

؟!؟!؟!؟!؟!؟!؟!؟!؟!؟!؟!؟!؟



زين منه بس إنه يمشي جنبي


وأشكرك ياحبيبتي
على طرحك للموضوع

..................................

__________________

اللهم إني أسألك بإسمك العظيم الذي إذا سألت به أعطيت ..
وإذا دعيت به أجبت .. يامن بين يديه الكاف والنون ..
وتقول كن فيكون .. أسألك واشهدك بإنك أنت الله
الواحد الأحد الفرد الصمد الذي لم يلد ولم يولد ولم يكن له كفوا أحد
أسألك أن ترزقني بالولد الصالح يارب العالمين ..يامن قلت
وقولك الحق ادعوني استجب لكم إن الذين يستكبرون عن عبادتي
سيدخلون جهنم داخرين .. هانحن دعوناك فأجبنا ياأرحم الراحمين..

يعطيج الف عافيه اختى روح زوجها وانا اشوف مافيها شي وعجبني رد الاخت مهاوي فعلا يبطون الجبد مب كلهم الاغلبيه يعني

عندهم الحبيبه ايه يدلعها وووووو اما الزوجه لا تعليق00000000000000



مع تحيااااااااااتي

أخت مووقه أنا وبكل صراحه أيدج بكل الكلام الي قلتيه لأنه بالفعل أنا لما أشوف مثل هذه الحركات أحس أنها مالها معنى خاصة في أماكن عامه وأحب أقول لكل وحده ثقلي............................

مرحبا أختي مووقه وريم الحلوه أنا بصراحة ما ادري شو اللي تستحقرونه لما اتشوفون اثنين متزوجين ماسكين ايد بعض في زمن يحتاج فيه الازواج جرعات حب واهتمام بطرق مختلفة سواء مسك اليد أو المدح لبعضهم بعض وذكر المحاسن سواء بين الأهل او غيره فما اتوقع ان الله يستحقر ازواج ماسكين يد بعض سواء جدام الناس او غيره وانما يمكن يحتسب لهم اجر ..لكن اذا انتي يا اخت مووقه تستحقرينهم فاتوقع هذا الشي الله نهى المسلمين عنه (الاستحقار) ويمكن تؤثمين عليه ..والشي الثاني يا اخت ريم الحلوه اذا هالحركات ما اتشوفين لها معنى فعند غيرج لها معاني كثيرة يمكن انتي ما تفهمينها والثقل يا اخواتي ماله خص بهالموضوع فقبولي انه زوجي يمسك ايدي في اماكن عامه ما يدل ابدا على اني خفيفة وانما يدل على علاقة زوجية راقية وصحية بعيدة عن العقد وتشرب العادات الشرقية اللي دايما اتقول للرجل افعل ما يحلو للك ترى انت رجال مب عيب لكن انتي ياالحرمة عيب اتسوين جذي اثقلي، استحي ،ترى هالشي عيب ..فيتهيألي انكم شاربين كاس العادات والتقاليد لين اخره بدون تمييز الصح والخطأ فيه ولا الطالح ولا الصالح ،ومش معنى كلامي اني مب مهتمه في العادات والتقاليد لا بالعكس لكن بتمييز دام انه مب حرام ولا يخدش الحياء العام فأنا اقول مب عيب ...وسلامتكم ..واشكر اختي روح زوجها مرة ثانية على طرحها هالموضوع

بصراحه ما ينفع امسك يد زوجتي قدام الناس ... يعني ضاااقت هي !!!!

و الا الدعوه استعراض !!!!

اذا وصلنا البيت امسك يدها و اضمها بعد ,,,

ما تلاحظين فيها مبالغه شوي ذا القصه