المشاركة الأصلية كتبت بواسطة ريف الأشواق

المشاركة الأصلية كتبت بواسطة ام مريمي

عندنا في العرف كمجتمع نعم غرفة النوم بشكل عام وسرير الزوجية بشكل خاص يعتبر خط او حد لايمكن تجاوزه ! السبب ،، لما سألت الوالدة قالت لان كل الامور الخاصة اللي تحصل بين الزوجين تكون فيها ويكره نوم شخص اخر على السرير ( مادري شنو المقصد 😂 ووممكن مثل ماذكرت زين ) ...

الللي شفته وعشته مع اهلي ،، غرفة الوالدين فعلا مايدخلها حد والضيف يكون بمكان خاص مريح له ولكن لما مرضت جدتي وضعتها والدتي من نفسها بغرفة نومها لكونه اقرب للحمام اكرمكم الله وايضا لراحة الفرش ايضا لما حصل مرض جدي ايضا وضعته بنفس المكان لكنه رفض وغير لغرفة اخرى ...،،

بالنسبة لي مرة من المرات اخت زوجي جات لي زائرة وطلبت النوم عندي فببساطة تركتها بغرفتي كون وجود حمام فيها اجلكم الله عشان تاخذ راحتها وانا عادي نمت شوي جنبها وبعدها شدني المفرش اللي صنعه زوجي 😊😂 كونه جديد وبه مساج .. فاحس الموضوع عندي عادي ، اللهم الاطفال ماحب يدخلوها تجنبا للاتساخ ..

اعتقد ان كل شخص وعنده فكرة بهالموضوع واعتقاد معين يمنعه من تواجد اي شخص بمكانه او يكون عادي ماعنده مشكلة ،،، في الحالتين اجوف ان له حرية الموافقة او الرفض ولكن اذا كان الشخص عزيز جدا على احد الطرفين فلازم يغض نظر شوي عن الموضوع ويصبر للفترة المؤقته

المشاركة الأصلية كتبت بواسطة زين ابيها

القلوب ضيجة يا مهرة

المشاركة الأصلية كتبت بواسطة مصري قطري

انا كرجل الامر متروك لزوجتين
الاولى عندها غرفة نوم خط احمر واخضر وزرق ...
الثانية تتساهل عادي يعني

المشاركة الأصلية كتبت بواسطة شاطى الراحة

بصراحة المدام ما تعترف حتى بالحالات الطارئة او الاستثنائية
في بادى الامر استغربة ..وبعدين رضخ شاطي الراحة للامر الواقع لاني متعود
على غرفة الوالدة الله يحفظها احيان نقلبها كنتاكي ومفتوحة
على طول والمدام معلقة مفتاح الغرفة بكفر جوالها
وتعليماتها صارمة في هالموضوع حكم القوى على الضعيف
اقولها والله او هالغرفة فيها مال قارون تقول هذي خصوصية
واي زوجة تسوي كذا بس انا استغربة من بعض الردود
انا ما نقشها كثير بخصوص غرفة النوم خشسية انظم
مع الاولاد والا ادخل الغرفة

المشاركة الأصلية كتبت بواسطة مسز داني

بما انها مستثنية لبعض الظروف
فلها اذن خصوصية🌹🌹

المشاركة الأصلية كتبت بواسطة مبتعثة متفائلة

بصراحه غرفه نومي اغراضها كثيره ومكتبي فيها
وضعها مؤقت الى ان يتم تغييرها
ولا احب اي احد يدخلها بوضعها الحالي
وذلك للبهذله والفوضى الي فيها
حتى انا ماارتاح فيها
لانه وضع مؤقت ماحب احد ياخذ فكره عني
لكن لو غيرتها باذن الله بتخف عندي الحساسيه من دخول اي شخص
لان الاغراض مرتبه ومقفل عليها شالمانع
الشي الثاني الخوف من ضياع الاغراض وسرقتها
لو يضيع شي بتههمني مين ولا مين
الاطفال ولا الشغالات ولا اي احد
عشان كذا النوع الثاني من خصوصيتي اني احط اغراضي بدون قلق انها تنسرق او تضيع واتورط انا باتهامات
ترى غرف النوم فعلا تكون مخزن اسرار

المشاركة الأصلية كتبت بواسطة حظي حلوو

اش رايك يا مهره بحركه سوتها اختي
تزوجت واول زياره لبيتها
تفرجت سريع على بيتها ولما وصلت لغرف النوم " وهي معي خطوه بخطوه تقولين خايفه اسرق شي"😅

فتحت هي باب غرفة النوم فتحه صغيره وهي ماسكه الباب بيدها زي اللي يقول لا تدخلين بس شوفي من بعيد وقالت اتفقنا انا وزوجي محد يدخلها

انا انحرجت مره ولو دريت والله حتى نظرة من بعيد ما نظرت
لكن على بالي عادي بتخليني ادخل واشوفها زين!

مع انها غرفة اقل اقل من عاديه بل لم تعجبني ابدا
لا الوان تفتح النفس ،ولا وسع، ولا ديكور خيالي تخاف عليه من عيني!

المهم بعد ما جابت بنتين زرتها مره لقيت غرفتها مفتوحها على الاخر
وحوسه وحليب وحفايظ
هههههه راحت ايام العرس والعطور ومتفقين محد يدخل ومدري ايش
ولاحظتها تبيني ادخلها كنها حست انها غلطت لما منعتني ادخلها😏



ومواعدتها داخل نفسي ان كتب الله وتزوجت ما افتحلها باب غرفة نومي
لا فتحه صغيره ولا كبيره
بقولها نفس كلامها اتفقنا انا وزوجي محد يشوفها خير شر😎

المشاركة الأصلية كتبت بواسطة مهره