معليش بس الي فهمتة انك الوحيد الولد بين بنات
واخواتك كلهم تزوجو وانت بتتزوج وتجيب زوجتك عند امك
صح اولاا ؟؟؟
اذا كاان الي فهمتة صحيح فطلبهااااا مرفووض مع سبق الاصرارررر
وقولهم طلبكم مرفوووض بتشووف كيف بتتراجع عن قرارهااا
اذا كانت شاااريتك طبعاااا اما اذا باايعة شوفللك بنت ثااانية
تقبل بالوووضع وبكل صدر رحب

في النهااية الله يوفقك ان شاء الله

__________________

أخـي موضوعك مايبيله أيّ نقـاش ,,

الي خلق هالبنـت , خلـق غيـرهــا .. وبــس ..

السلام عليكم

اخوي من حقها تطلب بيت لها الحالها === سكن مستقل

قبل زواجي اغلب اللي تقدمت لهم كانوا يطلبون سكن مستقل للبنت

وانا بصراحة كنت ارفض لاني ابي أبر بأبوي وأمي وأبي اكون قريب منهم سبحان الله يحتاجون شئ تعبانين اكون قريب منهم

اذا انت ما تقدر تبعد عن الوالدة الله يحفظها لك بعد ما تعبت وهي أرملة وربت وكبرت ودرست حتى تخرجت مهندس ماشاء الله

قولهم آسف شرطكم ما قبلناه انا ظروفي ما تسمح لي ابعد عن الوالدة

لكن اعيد واكرر من حق البنت تطلب سكن مستقل

ولو فيه امكانية لترميم المنزل وفصل الدورين عن بعض

<<< هذا اللي سويته انا سكنت فوق واهلي تحت

والله يوفقك ويقر عين امك فيك وجزاك الله خير على كل تضحياتك لأهلك وأسأل المولى ان يرزقك بنت الحلال اللي تهنيك باقي حياتك

تحية طيبة

أخي الفاضل..

سؤال: هل السكن (المنفرد) هو حق شرعي للزوجة أم مجرد ترف ومطلب كمالي؟!!!!


لا أقول لك تخلى عن والدتك .. ولا حتى أنصحك بقبول الشرط الذي طرحته خالتك .... ولكنني فقط أطلب منك أن تجعل رد فعلك متوازناً.

شخصياً أعيش مع أهل زوجي .. ولكن في نفس الوقت أرى أن السكن المنفصل هو حق للزوجة .. وبالتالي سواءً كان هذا الشرط هو شرط خالتك أو زوجها أو حتى شرط الفتاة نفسها فهم جميعاً يطلبون حقاً ... وهذا ليس خطأ.

لذلك فإنني لا أرى سبباً لشعورك بالصدمة .. وإن كنت ترغب في أن تعيش زوجتك مع والدتك في منزل واحد فلك أن تبحث عمن تقبل التنازل عن حق السكن المنفصل .. وهناك الكثيرات اللاتي يقبلن بذلك.


مرة أخرى .. لك أن ترفض شرطهم ولكنني لا أريدك أن تنظر للفتاة وأهلها وكأنهم ارتكبوا خطأ.




وأخيراً .. ردي السابق يخص الموضوع بشكل عام .. مع افتراض أن والدتك بارك الله في عمرها بصحة جيدة وتستطيع تولي شؤونها والعناية بأمورها ...... أما إن كانت لا قدر الله مريضة أو تحتاج لمن يقوم على شؤونها ورعايتها فهذا بالتأكيد أمر آخر.

__________________


اللهم طِيبَ الأثر .. وحُسْنَ الرحيل.

بلاشك انك بتختار أمك ، وهذا أنت قلت من سابع المستحيلات إنك تترك أمك



لكن فيه نقطة أخرى


قد تكون خالتك طرحت هذا الشرط بتشوف ردة فعلك ، لا أكثر ولا أقل ، يعني إن رفضت فهو حسن ، وإن وافقت فهو أحسن





عموما ، ما يحتاج أوصيك على أمك

__________________

الفتاة لم تطلب لبن العصفور!
كل ما طلبته هو سكن خاص لها...وأرى أن ذلك من حقها...
ولو أردت لوالدتك العيش معكم فابحث عن فتاة لا تعترض على ذلك...
تحياتي..

__________________

أنا بنتكلم بصراحة وأتمنى ما حد يزعل مني

من حق اي بنت تحط الشروط الي تبيها على الي تقدم لها

والبيت المستقل من حق اي وحدة .. وفي نفس الوقت من حق الرجل أنه يوافق أو يرفض الشرط

حسب ظروفه

وين المشكلة ... بالعكس بيت خالتك سواء البنت أو الأم أو حتى الأب إذا اهو الي طلب

يستحقون الاحترام لشي واحد وهو أنهم كانوا صادقين وصريحين وشفافين معك وقالوا الي يبونه

والي يريحهم وهذا من حقهم

ناس غيرهم كانوا استخدموا آساليب ملتوية يعني يتمسكنون لين يتمكنون .. كان قالوا ما نبي شي

وبعد الزواج كل يوم أهلها يوزونها تدق دقه ابي بيت لحالي !!

وأنت أنسان محترم بعد عشان التضحيات الي قدمتها وعشانك بار بأمك

وهذي نقطة إجابية في حياتك وفي شخصيتك

وبعدين لا تقول خالتي وبنت خالتي هليام مافي هالشي ..

البنت لما تكون صغيرة وتملك مواصفات فأهلها ما يشوفون أي داعي عشان يتنازلون

خاصة إذا عارفين أن قدمها فرص كثيرة وأن ممكن يتقدم لها شخص يقدم لها حياة تريحها

بأختصار إذا أهلها مصرين على شرطهم معناته أنه يبي لها رجل ظروفه غير ظروفك

وأنت أنسان تحتاج لبنت مختلفه في شخصيتها وفي درجة نضجها ..

أنت أنسان عانيت في حياتك وتحملت المسؤولية من صغرك والمصاعب والمسؤزليات تكسب الانسان

نضح يسبق عمره .. أنت تحتاج بنت صدرها أوسع وعندها قدرة على التعايش مع ظروفك الي انت ما أخترتها

لأن سكن زوجتك مع أمك في بيت واحد ومطبخ واحد وغرفة ضيوف وحدة إلا ما يكون في مشاكل

لا تقول أمي طيبة .. شوف مهما كانت الام طيبة والزوجة طيبة إلا ما تصير مشاكل واحتكاك وحساسيات

حتى بين الام وبنتها تصير مشاكل .. شلون بين الزوجة وأم الزوج .. ضروري بتصير

عشان كذا أنا اوقولك أنت تحتاج لبنت ناضجة وتقدر تدبر أمورها وتحسن التصرف

بنت خالتك صغيرة .. وأمها تمشيها وراح تبقى وراها لأنها تحس أنها لسه صغيرة

وهي أنها تشوف أن هالشي من واجبها أنها ترشد بنتها عشان سعادتها ..

المهم .. الحين شنو تسوي ؟؟

تكلم خالتك أو زوج خالتك وتقول لهم أني ما أقدر أترك أمي لحالها مدام أنها عايشة وهذا شي اساسي

في حياتي ..

وطبعاً من حقهم يرفضون أو يقبلون ..

قبلوا بشرطك .. كان بها

ما قبلوا .. ربي يسهل دربها ويسعدها وتحصل لها رجل ظروفه مختلفة

وربي سهل ودربك وتشوف بنت نفسيتها مختلفة تقدر ظروفك وتساعدك على البر بأمك ..

دور لك على بنت ثانية

أو مثل ما قالوا الأخوان قبلي .. غذا تقدر تفصل بينهم أنت في دور وأمك في دور ثاني

بعد حلو .. إذا وافقوا طبعاً

أهم شي أن يكون في خصوصية لزوجتك وحياتك


ربي يوفقك ويسهل أمرك

__________________

ياناس أنا أبغ أطرح سؤال ..

ليش دائما نحكم إن أم الزوج وزوجة الولد لو عاشو في بيت واحد تصير مشاكل ؟؟

خلونا نمسك الموضوع من أوله وحبه حبه .. المشاكل بتصير من إيش ؟؟ من كثر الإحتكاك والشراكة في كل شي

زي المطبخ والحمام الله يعزكم والصالة وعلى حسب كبر البيت ..

طيب ليش مايكون من البداية في تنظيم أكثر .. وإستقلاليه

ومن حق كل وحدة مانقول شي .. يعني الأم أم وكبيرة في العمر .. والزوجة زوجة .. ومن حقها كمان ...

طيب .. إيش الحل ؟؟

أنا أشوف زوجات مرتاحين في حياتهم وعايشين مع أمهات أزواجهم ..

بحيث ..

كل وحدة لها غرفة نوم طبعا .. أم الزوج وزوجة الأبن ..

كل وحدة لها خط تلفون خاص ..

كل وحدة لها حمام داخل غرفتها ..

وفي صالة تجمع الجميع .. وصاله خاصة بالزوجين .. يعني غرفة وصاله وحمام (جناح )

المطبخ مشرتك ..واللي تحب تدخل وتطبخ عادي .. يعني ممكن أم الزوج يوم ماطبخت ولا الزوجة ماطبخت يجيبو

من برا .. يوم وحده طبخت خلاص أكلو عادي ..

الصالون يكون لأم الزوجة .. ولو حبت تستقبل فيه زوجة الأبن تستقبل وترجع تنظفه وترجعة زي ماكان ..

أهم شئ يا أخوات كل وحدة تراعي الله في أم زوجها وتتذكر إن هذا سلف ودين .. وبكرة راح تصير أم زوج

طبعا لاتقو ما اخذ راحتي وما أعرف ايش .. لا بالعكس في غرفة نومك البسي على كيفك .. وفي الصالة مع زوجك

برا الغرفة ماقلنا البسي عبايتك .. لكن حاولي تكوني محتشمه شوي ..

طبعا أنا طلعت برا الموضوع الأساسي ..

أنت أخوي الان بنت خالتك هذه أصرف النظر عنها لأنهم طالبين سكن لحالهم .. وهذا صعب ..

وعادي ياأخي لاتزعل .. ربي بيعوضك أحسن وأحسن إن شاء الله

الله يوفق الجميع