لا احنا نحسبها بالميلادي
مو الهجري

انا لسى مو رايحة لاهلي الا بعد يومين
وهو اصلا ماقال لي شكرا ويقول مو عاحبته
اذا ما سأل عنها خلاص اعطيها اخوي
حرام ارمي 600ريال كذا بالزباله
ولاحظوا اني ربه بيت مو موظفة
والهديه شي للتقدير والذكرى
هو ما اعتبرها كذا.. براحته
مو غصب ياخذها


زوجي برضو اليوم قرر يتسحر برا
علمني وقلت عليك بالعافيه وطلع
لاحظوا مايبغى يناقش ولا يتكلم ولا شي
هو مايعمل كذا الا اذا صار مقتنع انه غلطان
بس يكابر


انا قاهزتني جملته (الباب يوسع جمل)
انا ينقال لي كذا بذكرى زواجي!!
مو هاينه علي والله
والا طز بالهديه وبالتاريخ وبهالامور

جوالي يعلق له كم يوم
قال لي قبل التراويح ايش رايك اشتري لك جديد؟
قلت لا شكرا يتصلح.. شغلته بسيطه

يعني كذا بيراضيني
وهو امس طاردني من البيت

لاحظي زوجك لم يصعد الموقف

و أنت تسعين لتصعيده

الموقف أنتهى لا تكبرينها

صحيح هو غلط لكن سبب خطأه أنك (كذبتي بحسن نية ) قلتي مره و اللي عطاك الهدية رجال - الموضوع ليس بسيط - مع حسن نيتك في ذلك و جهدك تشكرين عليه

ولكن فعلاً فعلاً وضعك أفضل من قبل ساعدي على تحسينه
لا تكوني معول لتهدميه
الشيطان بينفخ في رأسك لتكبير الموضوع

ياكثر ماتصير هالمواقف ياكنافة .. يقتلون فرحتك قتل .. يجيك احساس انك كاسرة خاطر نفسك 😂💔
صح هو غلطان .. وألف غلطان .. لكن زي ماقال أخوي اللي قبلي لا تصعدين الموقف ..
وزي ماقالوا اللي قبلي .. بطلي عطاء وخوذي بس .. بكذا ترتاحين

أنتِ مشكلتك إنك مثالية ..وهو مليان أغلاط ..

بس مشّي ياختي مشّي هذي الدنيا ..
الهدية صح عليك ولا يشم ريحتها .. أعطيها أخوك ❤
وجوالك خليه يصلحه ..
واطلبي منه سلة تشوكلت كبيرة تاخذينها لأهلك منك ومن عيالك ❤ واطلبي واطلبي واطلبي ع قولتهم الدراهم مراهم 😂 تتلهّين عن ضيقة الصدر ..

عشان نفسك وعشان العيد السعيد ان شاءالله وعشان عيالك وأسرتك مشّي هالموقف ولا تصعدينه .. مثلي دور الحزينة .. وراح يبدا بعطاءاته وأنتِ اخذي لا ترفضين .

الله يطمن بالك ويهدي زوجك ❤

__________________
سبحان الله وبحمده ، سبحان الله العظيم

خلاص لا تضغطي على نفسك ولا ترجعيله الهديه
الا لو سال عنها قبل تعطيها اخوك قولي شوفها في الدولاب رح خذها
واذا سال عنها بعد ما عطيتيها اخوك
قولي انت قلت انها مو عاجبتك وعطيتها اخويه حرام 600 ترمى كذا
بعدين ربي يشيل عنا نعمته

ولو منك بقول ايه جيب جوال جديد
واي شي يعرضه خذيه نفسك تستاهل

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

كنافة
وبعديييين😏
كنتي ماشية صح
يااااكثر ماتصير هالمواقف
عادي خلاص تعودي المشاكل ماتأخذ حيز كبير من حياكم خلاص سكريها وتعاملي معه عاااادي
والهدية لاتعطينعا أحد خليه له بس هو يكابر..
ردة فعله طبيعية جداا انه فيه رجال جاي للبيت ولافيه احد يستقبله الا انت وانتي برضو ماغلطتي لانك طلبتي على اساس هي بتوصل
يعني اصلا مافيه خطأ بالموضوع اللهم خلل بالترتيبات
كلامه مو جديد
وحاول يعتذر لما طلب يصلح جوالك..

قبل أمس بنتي تجهز طاولة الفطور
وجابت مشبك استخدمه للبوفيهات لما يكون عندنا ضيوف عند السخانات اكيد عرفتيه
كتبت حياكم الله على الفطور الشهي
المهم لما جلسنا على الطاولة ابوها ماانتبه للمكتوب اخذ الورقة وحطها بالزبالة يحسبها من خرابيطها العادة وانكسسسر خاطرها
قلت لها وهو يسمع ياماما ياااما كسر مجادافي جاء دورك😅
المهم استوعب انها مقصودة له وراضاها
اللي احب اوصله لك ياااااما استعدينا وركضنا والنتيجة عكسية
لذلك انا بطلت مفاجأت حتى الهدية تخيلي اشاوره فيها علشان مايقول كان بخاطري كذا والا لو داري انك بتدفعين هالقيمة كان وصيتك على كذا..

الحياة دروس
بس لايمتد الزعل💐🌼

لا فض بؤك يا نبض الدان

__________________
اللهم صَل وسلم على نبينا محمد

جزاكم الله خير
ويارب ماتتعرضوا للموقف اللي تعترضت له
احس قلبي ضاق من اللي صار
لكن بسمع نصيحتكم واعدي الموقف

انكسر خاطري مكانك


مشكلتنا نحنا النساء ما نصدق نفررح يعني لما هداك زوجك كان اكتفيتي بالهدية
وخليتي حالك تعيشين جو الفرح والسرور اللي قدمته لك هديته
لكن انت او بالاحرى كلنا نطمع بالاكثر ونبي نبسط الطرف الاخر زي ما بسطنا وشوفي النتيجة!

خلاص المرة الجاية اذا هداك انبسطي ومو ضروري تحتفلين وترجعين له الهدية ها الامور هي لي بتخرب علينا كاننا بنعين حالنا ههههه

وخلاص دامو يكلمك لاتصعدين الموقف والمسامح كريم

بلاش يا اختي.. بتعطيه فرصة يكبر المشكلة.. انتي صح بدك تفرحي اخوك بس كمان بدك تغيضي زوجك وصدقيني راح تنجحي..


بالنسبة للموقف هو غلطان... بس ما فهمت كيف انتي شفتيه متغير وماشكيتي انه شافك.. وحكيتي الحقيقة لوجود هذا الاحتمال؟

هو غلطان ويكابر لان تفكيره راح بعييييد ولما هبرتيه لازمو وقت ليستوعب.. خلي المياه ترجع لمجاريها.. والهدية حطيها بدولاب في مكان ما..