هلا والله اخوي الاسطورة العظيمة .. اسمك حلو ماشاء الله وش رايك نتبادل انا وانت وتاخذ اسمي الي مدري وش كان يبي يوم اخترته ههههههه!
المهم يالحبيب الموضوع هذا حساس شوي وطبعا يتأذى الطرفين فيه وليس الزوج ومهما قالت المرأة انها لاترغب مثل رغبة الرجل فهذا غير صحيح بل ان لم تكن الرغبة متساوية بين الطرفين ربما تكون اكثر عند الرجل او حتى المرأة !
طيب نجي للتأثير في الحرمان من العلاقة .. انا اعتقد انه والله اعلم حسب السبب ان كان السبب مشكلة بين الزوجين راح تفهمه المرأة بانه عقاب حسبما ماهو مفهوم بين كل الناس .. وحسبما هو مذكور .. واهجروهن في المضاجع ..
ولكن لو كان السبب هو عدم رغبة المرأة او الرجل بالعلاقة فلابد من سبب اخر هو المسبب لهذا ولابد من ايجاده وحله .. لان الطبيعي انه حينما يبادر احد الطرفين على الطرف الثاني ان يتجاوب معه وبشكل سريع لان اي تأخير او اعتذار قد ينعكس على شخصية الرجل او المرأة .. ويفهم بعدم الرغبة والتاخر في ذلك يعني عدم الحب والاهتمام والخ الخ ..
اما عن موضوع المبادرة فانا معاك وقاعد ازن على راس زوجتي كل مرة حتى تبادر هي عشان ينكسر الروتين الموجود احيانا ويشعر الزوج بالرضا ان زوجته ترغب فيه مثلما يرغب فيها .. وطبعا شوي هالموضوع صعب عند حريمنا والسبب البيئة الاجتماعية وثقافة العيب والخجل الزايد الي المفروض اي مرأة تمسكه وتعلقه على باب غرفة النوم ولكن الله يعين وانا اخوك ويسخر لنا زوجاتنا ويعيننا عليهن ويعينهن علينا !