المشاركة الأصلية كتبت بواسطة زوج في المستقبل

شوفي يا اخت هناوي


زوجك ينظر للموضوع على إنه خدش لكرامته ، كيف يصير هناك واحد في قلبك وتكنين له محبة غير زوجك ؟

يعني زوجك ما ملا عينك ؟ يعني زوجك فيه عيب علشان كذا صرتي تقدرين صديق أبوك-الله يرحم أبوك- ؟

شوفي يا أختي الرجال مهما كان ما يحب إن زوجته تمدح غيره مين ما كان ، يعني تخيلي إن الرجال هذا أبوكِ صدق وانتي أهديته هالهدية ، تدرين إن زوجك راح يزعل وتحز بخاطره ، بس وقتها ما عنده عذر يمنعك من إنكِ تهدين أبوكِ ، أجل وشلون لو كان صديق أبوكِ يعني مهو من محارمكِ أكيد إنه بيمنعك ، وراح يمنعكِ بقوة بعد ، وهو معذور في هالشي .

موضوعك له اكثر من زاوية ، وزوجك ما نظر إلا من زاوية وحدة ،وهي زاوية إنكِ جرحتِ كرامته

وكذلك إنتِ ما نظرتي إلا من زاوية وحدة وهي إنكِ تنظرين لهالرجال نظرة أبوة لا غير ، وبما إنك محرومة من الأبوة فإنتي معذورة بتصرفكِ هذا خاصة وإن هذا الرجال يذكركِ بأبوكِ - الله يرحمه -

فإنتي معذورة وزوجك معذور ، لأن كل واحد منكم يناظر إلى القضية من جانب آخر

اللي أنصحك فيه ، إنكِ تفهّمين زوجك بنظرتكِ وإنكِ محتاجة للأبوة ، لأنك كنتِ محرمة منها ، وحاول توصلين له فكرة إنكِ تقدرين هالرجال مهو لذاته ، بل لأنه صديق أبوكِ ولا الرجال اللي تعرفينهم كثير ، ليش ما قدرتيهم مثل هالرجال ؟


عموما


ترا مهو شرط إن يصير تواصلكِ مع صديق أبوكِ تواصل مباشر ، تقدرين تخلين تواصلكم عن طريق زوجكِ ، يعني خلي زوجك اللي يهديه هالهدية ، او خلي تواصلكم عن طريق الجوال بحضور زوجك

بس اهم شي إن زوجك يدري بكل شي بينك وبينه علشان ما يزعل




بالتوفيق

المشاركة الأصلية كتبت بواسطة jeans

وعليكم السلام ورحمه الله وبركاته

طبيعي بيزعل يا هناوي خلاص حاولي تلطفين الجو وتوعدينه انك ما تعيدين الي صار

وحتى لو هو صديق ابوك وتبين تسلمين عليه طبعا بالكلام ماهوب بتدرعمين عنده امزح ترا هههه وتهدينه عادي

مافيها شئ

بس هديتك بصراحه قويه ممكن تهدينه قراءن ودهن عود وهالشغلات مو درع وفيه كلام صورتك معاه يومنك صغيره

ترا مو حلوه بحق زوجك وحتى الكلام الي قلتيه عن صديق ابوك وام كان عفوي ترا مايرضاه اي رجل على زوجته

الله ييسر اموركم ومبارك عليكم الشهر

المشاركة الأصلية كتبت بواسطة ام السوسه

الحمد لله على سلامته


وان شاء الله ترجع المويه لمجاريها


بس شوفي الهديه منك مو حلو تحطي فيها صورتك حتى لو من زمان


وهالرجال مثل الوالد وصعب نقولك اتركيه ولكن احسني دوم له

وزوجك ان شاء الله بيروق مع بدايه هالشهر


الله يحنن قلبه عليك ويديم عليكم السعاده يارب

ويرزقك الذريه الصالحه

المشاركة الأصلية كتبت بواسطة دلوعه زوجي

بصراحه انت الغلطانه

بدليل زوجك يحبه وعامله معامله حسنه

بس انت كيف رحتي و اشتريتي هديه له وما استاذنتي زوجك وغير كذا ما شافها ولا عنده خبر عنها ؟؟؟

والي اعرفه ان الدروع تاخذ وقت يعني ما تستلمينها بنفس الوقت ؟؟؟؟

ولو كان هو ابوك الحقيقي اقل شي تستشيرين زوجك وتاخذين رايه بالموضوع وتقدمين الهديه باسمك واسم زوجك وهذا المفروض يصير

اما بالنسبه لنوع الهديه اعتقد الاخوان والاخوات ما قصروا وضحوا لك ايش مفروض تهديه

الله يهديك ويصلحك ويهدي زوجك ويهدي ما بينكم ولا يحرمكم من بعض

وصدقيني مثل هذي الاخطاء كثيرا ما تحدث في السنه الاولى من الزواج


انا اقترح لتلطيف الجو انك تعتذرين من زوجك وتوضحين له انك غلطانه وما فكرتي بالموضوع صح وتقترحي عليه تهدون عمك هديه باسم زوجك واسمك




تحياتي
دلوعه زوجي

المشاركة الأصلية كتبت بواسطة apple-green

والله ياهناوي اتوقعت المشكله القاها في المشاكل المحلوله اليوم .... ليه خليتي الزعله تطول بينكم لهالدرجه؟؟؟؟
شوفي انتي موغلطانه لانك تصرفتي بنيه طيبه وماتوقعتي كل هذا يصير ...
وهو موغلطان بس من حبه لكي وغيرته عليكي زعللك ....
يالله شددي حيلك ولاتخلينه لين يرضى ... قوليله هذا اعزه لانه صديق ابوي بس انت ابوي واخوي وحبيبي وزوجي وولد عمتي ... يعني لوغلاه مرة انت غلاك الف مرة .... وقوليله مالك الا اللي يرضيك ...
واستناكي تبشرينا اليوم ان شاء الله..