اهلا بالجميع
5 أيام غاب عن شغله كان فيهم كل شوي ينط يبي العيال مره الصبح مره العصر مرره الظهر......... حسيته بس يبي يلفت انتباهي ويسوي شي مالقا غير انه يحط العيال سبب في انه يروح و يجي عند بيت ابوي أخواني و ابوي ما يسلمون عليه و لا يسلم عليهم بس أخوي الصغير
صار يرسل لي مسجات ردي علي كلميني ضروري وووو وفي مره رديت عليه اول ما قال لي : ما وحشتك ؟؟؟؟
لو انه قدامي ذبحته ليه ما قال لي وحشتيني المهم انا رديت عليه وش اللي بيوحشني فيك حضنك و لا حنانك و لا ...
قال لي خلاص يلا مع السلامه
كسر قلبي ساعات احس من جد انه مريض نفسي
بعدها بيومين جات فاتورة الجوال حقه توصل على صندوق البريد حق ابوي و فتحتها لقيت فيها مكالمات دولية للإمارات كثيره و مسجات بالهبل تعجبت انا ماأعرف ان عنده احد هناك
المهم رحت دقيت عالرقم من جوال اخوي و طلعت لي وحده اهو صوتها مررررررررررررررررره مايع
على طول سألتها من انتي و صار بيني و بينها كلام بهدوء عرفت انه هي اللي كانت متصله عليه غلطانه وهو قام يراسلها و يكلمها و فهمها مشاكلنا و قال لها انه طلقني وو
حسيت وهي تتكلم عنه ان زوجي يروح يدور على جو يعيش فيه خيالاته و اوهامه و يبي احد يصدق كلامه و يواسيه حتى لو كان الموضوع مو صحيح بس المهم انه يكون الرجال اللي حياته سوده و محتاج فيه لبنت تووقف معه في محنته
وهذا مو بس كلامها كلام اللي كلمتهم من قبل (عادة اذا اكتشفت رقم لبنت عنده ) اروح اتكلمم معاهم بهدوء و آخذ كل اللي دار بينهم و يهمني اعرف هو وش يبي منهم
انا بعد ما قفلتها من عندها دقيت عليه و قلت له جمله وحده ماراح تشوف عيالك الا لما تطلقني قال لي ليش ؟ وش صاير بعد ؟
صارت هوشه مره كبيره فيها كل انواع السب انا اللي سبيته صراحه و قلت له عن سالفة الإماراتيه قام بينكر قمت قلت له انا اللي دازتها عليك
كذا سكت و صدق اني انا اللي دزيتها عليه و لا هو يبي يقلب الموضوع علي
مدري
هو ما قرب بيت ابوي من يوم صار هذا و هددته اذا وصل عند الباب بخلي اخواني يطقونه وبس اعطوني رايكم باللي صاااار