زوجتك هذي بيعها بترااااب ..اجل كيف تسمح لها تناقشك مجرد مناقشه ..عن مبيت اهلك او بخصوص بنتك؟؟
هذي ماتأمنها بكره تسوي شي لاهلك او لبنتك ..صدقني
ياما حريم قتلو عيال ازواجهم
انتبه اخوووي

وبالنسبة للزوجه الاولى اعتقد انك كنت تحبها وتعذبت انك طلقتها بلارجعه
اخوي اذا كنت مطقلها بنفس الوقت مايعتبر الا طلقه واحده
تأكد .. لانه لازم بين كل طلاق والثاني عده ...

والله يوفقك

لاحول الله ولا قوة الا بالله
الله يهديهااا
حقوده حسوده انااااانيه ووووالخ
ماافي صفه حلوه فيهاااا!!!!!

كلو كوووم وظلم الصغيره كوم ثاااني!!!!!

خلك حااازم معاهااا
عشان تعرف شخصيتك..

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

ما أقول غيرحسبي الله ونعم الوكيل فيكل من قال عني كلمه سيئه وأولهم زوجي
اقسم بالله ما انقهر الا من حكاية انك تقول عني اناظر للرجال الاجانب
الله ياخد لي حقي منك ان شاء الله زي ماظلمتني بكلامك هدا عني
ليشما تقولهم الحقيقه والقصه كامله عن امك والي سوته وبنتك انا كيف كان تعاملي معاه من البدايه
وكيف اجبرتك ننزل السوق واسويلها غرفه كامله
والله لعظيم انها لمن جات ورب الكعبه يشهد عليه الله ان شاء الله ماقول كلمه كدب
لانه محد را يحاسبني غيرالله لذلك مني خايفه من احد الا ربي
انا كنت اهتم بالبنت هدي من ايام الخطوبه واللهالعظيم ياما قلت له جيبها عندنا تتبربى
و تتعود عليه عشان اعوضها لو شي بسيط عن امها واكيد انه مهما كان ماراح اكون زي امها في الحنان و الحب
لكني اهتميت فيها اكثر من نفسي والله كم مره نزلت السوق واشتريت لها العاب مو لعبه وحده واغلفها بنفسي
وارسلها معاه لمن كنا مملكين او اشتري لها بنفسي لمن اتزوجنا وقبل ماتجي
لفلفت معاه كل الاسواق عشان ناخد لها سرير حلو وتسريحه على قدهل صغيره عشان توصلها وشبشب اكرمكم الله عشان بيتنا سيراميك وفرشة ومعجون وكل شي تحتاجه هدا من قبل لا تيجي
ولمن جات والله ماكنا نقصر انا وماما عنها شي وحتى تصير احيانا بيننا انا وزوجي مشاكل عشانه بس يضربها وانا ضد بقوه
انه طفل ينضرب حتى لو ما اعرفه كيف هدي مسكينه مالها ام تدور ولاتزعل عليها
وماشاء الله البنت مرررررررررررره تغيرت لمن جت عندنا والكل شهد بهدا الكلام اولهم ابوها وجدتها وجدها واخواته وكل جماعتهم من ناحية وزنها عندنا زاد ومن ناحية نفسيتها صرت اقول له لام نخرج كتير عشان البنت تغير جو وتتعود على الاختلاط ومن ناحية ادب قل عندها السب الا وقت ماتزعل بس
وعودتها قبل ماتنام لاااااازمتروح تبوس راس ابوها ويده واول مايجي من الدوام كمان تستفبله كويس وتسلم عليه وكنت مرررره حريصه على ظافتها اصحى من الصباح اروشها وامشط لهاعشاان ابوها يشوفها حلوه ومرتبه وينبسط رغم انهم ابدا ابدا ابدا اخرشي يفكروافيه اهله النظافه والشياكه لكني كنت اسوي كل هدا والله عشان ربي ثم فرحة زوجي
لن الي قلبتها عليه امه البت كل ماتروح عندهم تيجي تسبني وترمينيي باي شي والله حتى لو كان تقيل رغم اني منت حامل
كانت تدخل يدها في انفها وتشد شعرها وتقطع شفايفها وتتكلم مع نفسها وكنت تنبه زوجي وكان دااااايما يقولها طنشيها لاتقهري نفسك عشانها و لازم عادي ومن ده الكلام واتحداه ينكر
اهله ياريته بس شوي يقول لكم هم ايش يسووا في بيتي لم يجوا وعشان كدا مو كرهتهم هم طيبين نوعا ما
لكن كرهت طبايعه الوسخه يعني عياللهم كسروا لي في بيتي والله هدايا وتحف معايه حطيتها في بيتي كانت تجينيهدايا قبل ما اتزوجهوكنت احلم ازين بها بيتي بعد الزواج يعني ذكريا مرررره غاليه على قلبي
وطقم صحون فزاز يجنن ماما جابته لي هديه من جده وكسروه كله
اقسم بالله كان عندنا طقمين كاسات مويه وعصير مابقي الا كاسه وحده غيرانهم كسروا كنبة الصاله ولعبو في غرفة النوم كسرها وضيعوا لي اشيائي واستخدموا بعضها
انا مايزعلني شي من هدا كله عادي بس يقهرني والله محد يرد ولده عن شي منهم
اسألكم بالله ياحريم خليكم شويه في مكاني
ضيوف من اول مايخشوا من الباب تنقلب ريحة البيت وينقلب البيت
تخيلي تكوني انتي وحده في بيتك مافي احد يساعدك بشي وهم عايله مررررررررره كبيره وزحمه
والله اكتر من عشري نفر تخيلوا امه جايبه اثنى عشر ورى بعض بعا زوجي لبكر وقدي
وطبينتها جيب تلاته ورى بعض وحامل طبعا ساكنين في بيت واحد يعني يجو سوا
واخته عمره 21 حايبه سته بنات اكبرهم سنه اولى وحامل
غيرجماهته لمن يجو مايجوا بيت واحد اقل شي 6 او 7 بيوت مره وحده تخيلي يجك وانتي لوحدك هدولا كلهم ايش حتعملي
بسيطه والله في عيوني لو ما يعبوني ويساعدوني على عيالهم
لكن مافي وحده تخاصم واحد ولا ترده عن شي كنب الحريم كله تقطع ماله سنه لسى عرسان كلهاتبش وصرت مره اتفشل منه
كنب الصاله كسروه
الحمام شوهوه والله ما اقدر اخش واهم من الريحه مايسحبو سيفون ولا تقدري تدعسي الا على برازهم وبلاويهم ويخشو تلاته اربعه سوا مع بعض هادي تعملها على الارض والتانيه تطلع على الحوض بستجلس على برجولها زي القرود مو زي الاوادم والتالته تمسح في المغسله بحقتها البراز والله حتى حديده المغسله ما اقدر امسكها
لمن اخش بغى انظفه والله زوجي بنفسه مايرضى يدخل الحمام الين اظفه ومره دخل انفجع وطلع محمر وزعلان وقالانا بخاصمهمايش دا القرف
طبعا زيارتهم تبدا من الساعه اتنين الظهر يعني يجوا واحنا لسى بنتغدى واحيانا والله مايمديني يتغدى زوجي وانا ابدا اجهز البيت
انا اصحى من الصباح اجهز اغراض بنتي لامي واروح الجامعه وما تتخيلون قد ايش كرف ومشاوير وطلعه ونزله
واجي احيانا 2 او 3
اول ما اجي انظف البيت وابخره واسوي حلى او كيك واجهز القهوه والشاي للحريم والرجال
وطبعا ما اقعد معاهم زي الناس لاني اقعد في المطبخ اجيب شي للحريم شويه اجهز للرجال شوي زوجي يبغى شي تخيلوا يجوه الرجال اكتر 31 نفر اقعد اوزع لهم حلى وبكوت ومكسرات لحدي غير حقت الحريم قدهم لحاااااااااااااااالي
ولمن نبخ العشاء طبعا عندهم عيب من برا تجيبامه قدرها مع قدري للرز
والله اصلن تجيبه محروق فيه الاكل اقعد ساعه بس ادعكه وانظفه لانهم يجون من الظهر يتغدوا وعلى ياخدوه معاهم عشان قدري ما يكفي هادي الجيوش لغفيره
المهم والله يسيبوها بعد العشا قدور الرز والايدامات وتلاجات القهه والشاي وصحون الحلى حريم ورجال والكاسات والفناجين
والبيت المقلوب والحمامات الي تسد النفس تخيلو كله على راسي لوحدي



انا زوجته قولوالحق

الله يعينك عليها .. هذه عمرها ما بتتغير لانه طبعها الحقد والنكد

السلام عليكم ورحمة الله

الصراحة لا اعلم ما اقوله لكم

اردت ان ادعي لكما بالتوفيق والسداد وان يؤلف الله بين قلبيكما وان يزيل مايكدر صفو حياتكما

اخي الكريم واختي الكريمة

انا ارى ان كل واحد منكم معذووور في بعض الاشياء طبعا ولا اقصد كل التصرفات لانكم من الاساس فيه تفاوت اجتماعي بينكم ولم يتحقق التكافؤ الاجتماعي من زواجكما
ولكن صدقوني كونكم تحبون بعض فهذي نعمة كبيرررررررررررررررررررررررررة من رب العالمين تستوجب الشكر والحمد

غيركم يتمنى الحب ولايجده
لذا المفروض ان تحاولان جاهدين ان تذيبا كل الخلافات وان تذللا كل الصعوبات من اجل ان تستمر السعادة والحياة بينكم

من ناحيتك انتي زوجته
1-بري بوالدته واحترميها واكسبي ودها فهذه بمثابة امك واحترامك لها من احترامك لزوجك ويأجرك عليه رب العالمين
وزوريها في الاعياد والمناسبات ولاتحدث مناسبة او فرحة الا وتتصلي فيها وتهنيها وتعملي الواجب معها.

2- بنته لاتيئسي في كسب حبها والعطف عليها ..وارحمي ضعفها وفقدها لامها .. اعرف انك قد تجدي صعوبات لكن هذا كله لان البنت صغيره ولاتفهم كثيرا لكن بمجرد مايتعدى سنها السبع سنوات صدقيني راح تفهم عليك وتحترمك واصبري انتي واجرك على الله وحاولي تخليها تندمج مع اختها ويحبون بعض وتاخذيهم الملاهي مع بعض .. اعلم ان تربية بعض الاطفال وخاصة اللي فيهم شوي دلع يعتبر صعب لكن انتي لالوميها ظروفها هي التي جعلتها هكذا حاولي تحطي نفسك مكانها والله البنت وضعها يقطع القلب ..
والدنيا ماتدوم لاحد يوم لك ويوم عليك .. تخيلي لاقدر الله تخربي بيتك بيدك وتؤخذ منك بنتك ويصير فيها نفس اللي صار بهذي الطفلة البريئة
3- من ناحية زيارات اهله رتبي وقتك قليلا وتحملي وحاولي انتي تزوريهم اكثر لانك اخف منهم .. لكن اياكي ان تتضجري من زياراتهم لك ولولدهم هذولي اهله والواحد ماله غير اهله ..
وهو لم يقصر معك في شي من هالناحية حتى شغل بالبيت يحاول يضغط عل نفسه ويساعدك كله عشان ماتتذمرين من اهله وزياراتهم ..
ولاتلوميه يعني ايش تتوقعين يسوي يمنع اهله من زيارته طبعا شي مستحيل ولا يرضاه لا الله ولا المنطق..

لذا لابد ان تتحملي وتكثري من الدعاء لله ان يعطيك الصبر والتحمل والفرج من عنده لاتعلمين ماذا يحدث غدا باذن الله تتخرجين وتشتغلين وتقدرين تجيبين شغاله تساعدك وتشيل عنك بعض التعب اذا كنتي فعلا صادقه ان الوضع عليك شاق جدا .

هذا مايخطر ببالي

من ناحيتك انت اخي الكريم

1- طبعا امك لاتقصر في اي حق من حقوقها ولاتتهاون ابدا في احترام زوجتك لها وزيارتها واداء الواجب معها

2- بنتك الكبيرة اياك ان تقصر معها واعطف عليها وتلمس حاجاتها واحتياجاتها ولاتنساها وتنشغل في الحياة وتغفل عنها
فهي كاليتيمة ولكن لاتفرط في تدليعها وعدم تربيتها التربية الصحيحة فهذا يضرها اكثر من ماينفعها حاول تعودها على الكلام الطيب ودخلها روضه واهتم بكل شؤونها واسمع لها ولشكواها لانها ربما تكون تعاني من شي لاتستطيع التعبير او الشكوى منه واذا كبرت شوي عودها على الاذكار وعلمها للصلاة .. وهكذا

وايضا حاول تعودها على اختها الصغيرة وتالف بينهن وتحسسهن بانهن اخوات ولاتفرق بينهن

3- بالنسبة لزوجتك اعذرها قليلا في بعض ماتعانيه لكن لاتتهاون اذا كانت مخطئة في مسألة تتعلق بامك او ابنتك

وحاول تكون زياراتكم انت وزوجتك لاهلك اكثر من زياراتهم لكم لانه الحق لاهلك في انك تزورهم انت الصغير وبعدين بيتكم صغير ولا اقصد انك ماتعزمهم او تكثر الترحيب بهم لا بالعكس لكن اذا انت كثرت زيارت لهم ستقل زيارت اهلك لبيتكم وبكذا يقل الضغط على بيتكم الصغير وحتى لو عزمت اهلك حاول يكون بوقت مناسب للجميع مثلا بالاجازات وبالخميس والجمعة فيكون سهل على زوجتك انها ترتب وقتها ..
وخفف عزايم الاصدقاء وخاصة ايام الدوامات الواحد يكون تعبان وحيله مهدود وبالكاد يجد الوقت للاشياء الضرورية

وبالاخير حاولو تتفاهمون مع بعض وكل واحد يقول للثاني ايش اللي يحب وايش اللي يكره وحلوا اموركم بينكم
صدقوني الدنيا ماتسوى انه نقضيها بالكره والحقد والمشاكل عيشوا حياتكم واستمتعوا ولاتحاولون تكونون الضد بالضد فانتم حبيبين وزوجين وليس عدوين

واكثروا من الدعاء والتعلق بالله والاستغفار

اسأل الله العلي العظيم بمنه وكرمه ان يجعل السعاده من نصيبيكما في الدنيا والاخره وان يوفقكما ويبعد عنكما كل شر ..




**هذا رأيي وهو قابل للصواب والخطأ واتمنى ان لا اكون تسببت بضرر لاي واحد منكما بسبب كتابة رايي هنا


نسيت ان اقول شيئا

مشاكلكم بسيطة اذا حاولتم تتعاملون معها بشكل صحيح ورغبة حقيقية في حلها

فمشاكلكم الحمدلله لم تكن مثلا

وجود عيوب في الشخص نفسه لايستطيع الاخر ان يتعايش معها

بل على العكس انتم تحبون بعض ومتقبلين بعض بقوووة

لو مررتم على المشاكل في هذا القسم لحمدتم الله على مانتم عليه وحاولتم ان تصلحوا وضعكم

الله يوفقكم ويسهل امركم


اختكم د.المتفائلة

__________________
حمداً لله على نعمه وفضله

ياريت الزوجة تسامحني على الحكي اللي حكيته عنها فانا كنت منفعله وكمان ما قرأت ردها على زوجها

وبعد ردها اقول كل واحد فيكم عنده اخطا والله اعلم واستمعو لنصيحة الدكتورة المتفائلة نصيحتها حلوة كتير

almond flower

جزاك الله خيرا على كلماتك الطيبة
واسأل الله ان يلهمهما الصواب

__________________
حمداً لله على نعمه وفضله