الحبيبة وفا ❤
عادي چان قلتي له .. امدحيه عشانج قبل لا يكون عشانه
مدح الآخرين ترى فيه لذة للمادح...
إذا شخص فيه شيء جميل احب ان اقول له تصرفك جميل
أو لبسك أو أو أو ...
السعادة اللي اشوفها في عيون الآخرين تخلق في القلب سعادة
حتى لو الطرف الآخر ما بادلج ذات الأمر 💕

.

توتيييييي فين مخبيه كل دا عني
🤗 حبيييييت .. كيييياته
الله يهنيكم ..
عادي تستفيصين شوي بموضوع الايحاء ؟؟

.

رفيئتي ميمو ..
يختي ما شاء الله اللبنانيين دكتوراة في الكلام الزين
عيني عليكم باردة ❤ ...
تصدقين يا ميمو .. ان ازواج 3 من صديقاتي يشتكون
إن صديقاتي ما تطلع منهم كلمة مدح...
يقولون نستثقل كلمة يعطيك العافية
أو اشتقت لك
أو تعجبني في كذا و كذا ...
مع ان ثنتين منهم متزوجين بعد حب اكثر من 5 سنوات
ووحدة منهم زوجها يقول لها كنتي تقولين لي انتظر بعد الزواج باقول لك هالكلام الحلو .. والحين تزوجنا وصار عندنا عيال وللحين ما تقولين ....

الكلمة الحلوة الزينة للزوج و لغير الزوج
وان كان للزين ديرة يا ميمو فـ انتي العاصمة

__________________

حاجة الناس إليكم من نعم الله عليكم ، فـ لا تملوا النِعم ☁✨

أخوي ثنيان....
شيء جميل ما شاء الله
الله يخليكم حق بعض...

🤗 الله يسعد اللي كتب ذاك البرودكاست
إن اللبنانية اذا كتبت ورقة الطلبات حق زوجها
تقول له بدي ئشطة متل ألبك
و زيتون اخضر متل عيونك
😂😂 .. بعدها تزوجت و طبقت الفكرة بطريقة خليجية شوي
😬 بس بدون زيتون اخضر لان عيونه مو خضرا

.

صديقتي مسك
يا حبي لج يختي ❤ يا رب و يجمعج باللي يسر قلبج
قولي آمين ..

هههههه 😂😂 اقول له كنحمق عليك يفكرني ان انه زعلانه منه
انه اساسا كنت استخدمها وقت الزعل
اثاريها مدح 😂😂😂😂

.

حلوتي بياض
💕 اكيد شيء وايد مهم
والله يزيدكم محبة حبيبتي
🤣 انه من تزوجته صرت خبيرة الازياء
حتى صرت انسقهم بالكبت عشان اذا بغى يبدل وانه بره البيت يكون كل شيء جاهز

.

جود .. برأيي ما يغتر أو تغتر ويشوف نفسه
الا قليل الثقة بنفسه
اللي ما صدق على الله ان احد يمدحه
و صح لسانج يالطيبة

.

عيوشه صح اتفق معاج حبيبتي 💕
اللي محلي الموضوع وجودچ فيه حلوتي
صحيح زوجي الحمدلله تثمر فيه الكلمة الطيبة والمعاملة الحلوة

__________________

حاجة الناس إليكم من نعم الله عليكم ، فـ لا تملوا النِعم ☁✨

صديقتي روان...
حتى مع زوجج لربما يكون التأثير خفي عليچ
ولكنه لربما موجود!
وفعلاً عند رب العالمين ما فيه شيء يضيع
كل شيء بأجره
❤ الله يقدم لج اللي فيه الخير و يرزقج صلاح الحال

.

العقل نعمة .. حلو اسمج ❤
صح وآنه چذي رأيي إن المدح أكثر تأثيراً على النساء...

.

همس 😂😂🤣 الخوف من الحسد يختي صاير مرض العصر
قبل لمن وحدة تولد ما شاء الله الكل يشوف صورة الطفل و عادييي
اما الحين .. ما يصورون الا اصابعه
😑 صرنا نعرف عيالهم من اصابعهم 😂😂😂
واللي تسب في ريلها تخاف من العين 😕 شدعوووااااااه
على اساس انه يعني آخر حبه !
ويحفظج ربي ويحفظج حبايبج ❤

.

شاطئ اخوي الفاضل
المدح مو لزيادة الثقة ولا لتعزيزها
فالثقة لازم تكون موجودة سوى احد مدحك او لا...
ولكن المدح احسه باب من ابواب الامتنان للشخص على شيء ما
أو باب من ابواب التقريب بينك و بين الاخرين....

.

مهورتي ❤ اللي طبعه الطيب مثلج ما يقدر يغيره
لأنه موجود من الأصل لا تمثيل ولا اختلاق....
❤ الله يريح بالج يالغالية ويفرح قلبج
دعواتي لج دايما مع كل اذان يرتفع
💕 كوني بخير

__________________

حاجة الناس إليكم من نعم الله عليكم ، فـ لا تملوا النِعم ☁✨

هههه زين خذيت بكلامك
هو الحين مقابلني قلت له
النظارات الي اشتريتهم لا يقين عليك كثير
الظاهر فرح
ما رأيك؟

اعتقد المدح أمام الشخص فيه نوع من النفاق

__________________

طعنة العدو تدمي الجسد،وطعنة الحبيب تدمي القلب

اللهم بارك اعجبتني افكار قيد الدراسه والتنفيذ بحول الله

لان. معدنك طيب ربي يسعدك اختي مهره

الرجال يختلفون حسب طبايعهم وشخصياتهم , لكن بالمجمل حاجة الرجل للمدح ماهي مثل حاجة المرأة .. الرجل مو شي أساسي له ... والي يكون من النوع العملي مرة مرة مرة .. مايهتم للمدح خصوصاً إلي بدون مناسبة ..




شخصياً أستلطف المدح المعتدل بدون مبالغة.


يعتمد على شخصية الزوج والزوجة , والسلبية أنه ممكن فعلاً (يشوف نفسه/تشوف نفسها) ويكون فيه تقصير في بعض الشغلات ..

الي ملاحظه -مع الأسف- الطيب دايم يوكل حقه , وفي الحياة الزوجية طيبته تعتبرها بعض الزوجات ضعف شخصية .. و مايُعامل بالقدر الكافي من الإحترام لأن : "فلان طيب مايقول شي" ..

وعلى النقيض : الشديد , مع ان شدته متعبة لزوجته .. لكنها مع الوقت تتأقلم معه .. وإذا في يوم من الأيام أرخى بس شوي على زوجته في موقف معين .. تحصل الزوجة تمدحه وتطير من الفرحة .. وتحس بأمتنان كبير له على عكس الأول (الطيب).

ممكن فعلاً عامل نفسه مو شايف , لكن في احتمال انه مادرى اصلا أنك غيرتي القصة , الرجال مع الأسف مايركزون على التفاصيل كذا الله خلقهم , ولو يبغى يركز على التفاصيل بيحتاج إلى مجهود أكبر مو مثل الحرمة عندها التركيز على التفاصيل طبيعة...


ماعندي معرفة بشخصية زوجك لكن اذا هو ممتنع عن المدح لسبب ما .. وانت ممتنعه عن المدح كيف ممكن تلتقون في المنتصف ؟ طبعاً هذا في حال كان زوجك يعرف يقيناً أهمية المدح والثناء للأنثى وإلي ممكن نقول انه يقابل أهمية الفراش للرجل.

__________________

الله يزيدك سعادة اختي زين

احبذ المدح المعتدل بدون مبالغة

طبائع الرجال تختلف

انا مثلا علمتني الحياة ان مدح المرأه له تأثير كبييير على تعاملها وينعكس على الزوج ايجابا

اما مدحها لي فيشعرني بمدى قربها مني لا سيما عند مدحها صفات خفية مثل طيبة القلب وبعد النظرة والحكمة في التدبير والتخطيط لنيل هدف معين
مدحها يجعلني اقتنع بهدفي ويشجعني لبذل مجهود اكبر لنيله

__________________
اللهم استرنا فوق الارض وتحت الارض ويوم العرض