اخوانك مابمرونك
ماتقدري تاخذي سياره اجره باذنه طبعا

المشكلة مب في من يوصلني
زوجي يقدر و لو يريد بيوصلني
وابوي ممكن يمرني .. لكن زوجي ما بيرضى

شوق وسوسو .. راجعه لردكم بعد مااخلص شغلي

المشكلة مب في من يوصلني
زوجي يقدر و لو يريد بيوصلني
وابوي ممكن يمرني .. لكن زوجي ما بيرضى

شوق وسوسو .. راجعه لردكم بعد مااخلص شغلي

طيب وش اسبابه للرفض
ابد لاتسكتين وحاولي بكل الطرق
والتزمي بالدعاء بان يسخره الله لك واكثري من الاستغفار وسيلين قلبه لك باذن الله

شوق

- بإذن الله يخلي الامور بيني و بين زوجي طبيعيه .. ولا كأنه صار شيء أو إني اشتكيت من تقصيره أو حتى انه مقصر . راح اشتغل في هالنقطة عدل عدل . لانه بالاخير اريد اكسب زوجي و علاقتي فيه تتحسن .
وبسايره و بمشي على هواه .. متى قال بوديج لاهلج بروح .
اليوم على اساس متفقين يوديني بعد الفطور للعيادة .. وذكرته فالعصر وما قال شي .. بعد الفطور سبحت بنتي و نظفت المطبخ .. يقول لي لا باجر الصبح بنسير
حرب نفسيه .. تعب اتم تطلب و اذكر و اعيد واعيد وارتب اموري بالاخير ياجل واليوم اللي بعده ياجل و ياجل ... لكن ما عندي حل غير اني اسايره و بقلب بااارد . و بدون زعل لاني حاليا متبعه سياسة الانانية اللي عند الرجل .. نفسي اولا
اهم شي راحتي النفسية . و اريد اكسب زوجي و احسن علاقتي فيه بشكل كبير

خلاص .. أفعال االحب والاهتمام اللي عشت خمس سنوات اطلبها ما عادت تهمني و لا راح اطلبها . اذا يبا يهتم بيهتم من نفسه . واذا مااهتم مثل العادة فالامر مب في بالي . انا مسؤولة عن سعادتي و حياتي و قراراتي .

- خيرتيني بين شيئين .. بس انا بختارهم كلهم
اني اعتبرهم مثل البرد والحر واني اشغل نفسي
الحمدلله عندي اللي يشغلني .. مراجعه قرآن ، قراءة ولو اني احتاج اركز عليها اكثر ، خياطة الحمدلله قمت ابدع
و كنت ناوية افتح مشروع بس الخياط اللي يشتغلي لاني مااضبط هالشي .. لكن الغيت الفكرة و قررت اني اخيطه بنفسي و من قبل رمضان ادرب و الحمدلله نجحت وبكمل خطواتي بعد رمضان ان شاء الله . بالاضضافة اني بركز على امور تربية بنتي .



-

هل زوجج يعاني من رهاب اجتماعي ؟!

__________________
"إنه ليقف خاطري في المسألة والشئ أو الحاجة التي تشكل علي فأستغفرالله تعالى ألف مرة أو أكثر أو أقل حتى ينشرح الصدر وينحل إشكال ما أشكل"-ابن تيمية.

اختي سوقي اعتمدي على تفسك
لو كنا نعتمد على الرجال بمشاويرنا مارحنا مكان
ترى معظمهم كذا من التسويف والوعد والاخلاف والكسل
كل الحريم ممشيات امورهم مع سايق او تسوق

شوق اللقاء ... وسوسو

تقولون حماتي اهم شيء
طيب خلوني اوضح لكم ..

حماتي لو لوحدها الامر سهل . لكن حماتي تتبع بناتها . بقولكم كيف

بنتها الكبيرة و هي اصغر مني بسنة ... علافتي فيها منقطعه تمام لاسباب كل اهل البيت يعرفها . صار لنا 3 سنوات

اول سنتين من زواجي .. كان اغلب شغل البيت علي
كنا نتقاسم الشغل .... لكن بنتها ما تسوي شغلها . و ما لاحظت انه امها كانت تكلمها و بنفس الوقت ما كانت تكلمني اسوي
لكن كنت اقوم واسوي لانه بطبيعه الحال ما بخلي الصالة اسبوع ما امتسحت او الحمامات ما تنظفت و بداخلي اقول .. هن بنات ما يحسين بمسؤوليات البيت .

سافرنا يعد السنتين و صارت مشاكل كثيرة و تزاعلنا فيها ... وقتها عمتي ما كانت تكلمني و لا بناتها . وانا كنت بمكان جديد و داخله على بيت فيه ناس غريبين علي و بيئة قروية .
رجعنا من السفر قسمواىشغل البيت و بحكم زعلهم . كل وحده تسوي شغلها ومحد تساعد الثانية
ما اطول عليكم .. فترة و بناتها غسلوا ايدهم من شغل البيت عدا الطبخ .
و عمتي ساكتة

متخيلين وضعنا كيف ..
الحمام وانتوا بكرامة ممكن يمر تسبوعين او 3 ماتنظف
الصالة نفس الشي .

فكنت اقوم اسوي

لكن اخر فترة ومن كثر المضايقات .. ووالمشاكل . ولانه بنتها طلعت من دوامها وتمت سنة او اكثر فالبيت ما كانت تمسك شي فالبيت غير الطبخ . والحمام تنظفه بعد اسابيع .. وامها ساكتة

قمت مااسوي الا اللي علي ..

الحمامت وضعها تحسن بعد ما كلمت زوجي و كلم خواته ..
لكن البقية لا

اللعلم عمتي مرت فترة شهور علاقتها ببنتها منقطعه تماما .. حتى انها مة سافرت و بنتها قاعده ما قامت تودعها .

لكن بعدها تحسنت امورهن . و بدت عمتي تتغير شوي و شوي و تدقق

اضافة لانه صار عندي بنت .. و هي تتدخل بكل شي يخصها .. و انا ما احب كثؤة الاوامر . غيري البامرز اكليها الشي الفلاني
لدرجة تعبت نفسيا جدا من هالموضوع .. صرت خدامة عند بنتي مب ام . حتى لو الاعبها ممكن تعلق .

اللي صار انه قبل رمضان بيوم .. تقول لي
انتي تاركة بقعه على طاوبة المطبخ ما تنظفت .. ليش مانظفتيها
مع العلم اتفاقنا الاخير اني اطبخ يوميا الغدا مع غسل المواعين ا لكن النظافة على البنات .. وتقول لي انتي تتعمدين توسخين .
وشوي تقول لي .. بنتج فرت تمرة فس الارض و ما شلتيها .. يعني ما شفتيها
اكيد شفتيها بس ما تبين تشلينها .

وانتي تغيرتي .. اول كنت تسوين . الحين تشوفين و لا تقومين ...الخ
وتقول لي .. هاك اليوم انتي قمتي تساعديني عشان عمج وريلج يقولون والله سوت و ساعدت

بصراحة ردي كان بلهجة قوية .. و قلتلها هيه تغيرت
و بتعامل تماما مثل تعاملكم ... محد يدق شي الا لو دوره ز. انا نفس الشي
شايفه الشي وصخ مثل ما انتوا شايفينه فخلاص ليش ما تقولين لبناتج يسوون شغلهم.
تحاسبيني على نقطة صلصلة وبنتج تاركة الفرن بدون نظافة اسبوعين . ...الخ

و طبعا ذكرت موقف انها شافت حضرة الباشا بدون بطانية
و اشرح لها اللي صار .. تحلف اني ما لحفته .. قلتلها بؤاحتج ... هالحلفة محسوبة
و االشي بيني و بين زوجي

تقول لي .. ما تهتمين فيه .. ما ناقشتها حاوبت اسكر ابموضوع لانه كل ما قلت شي ما تصدقني .

بدينا رمضان .. واشوفها ما تكلمني فقلت الحمدلله .. براااحتهااا .
الايجابيات من النقاش
- كل وحده من بناتها قامت تسوي شغلها .. صار المطبخ يوميا يتنظف .
وكل شي انضبط .
- توقف التدخل بامور بنتي .. الحمدلله هااهم شي .
انا ما حب على طول الخط اوامر . حتى لومن باب النصيحة .

اميرة ادري انه اللي ايده في الميه مش زي اللي ايده في النار
بس المقروض تخالطينهم، وفي نفس الوقت يكون في مجال لنفسك
اخليك لين تهذا نفسك، و الله صعبة بعد ما كان الواحد سيد نفسه يجي واحد ثاني يتحكم فيه، و نحكي ان شاء الله

قبل كلامي مع عمتي بيوم
قالت بنغير شغل المطبخ برمضان . يا نمسك يوم بيوم .. يا انا الفطور و بنتها السحور
قلتبها خلاص بسوي الفطور . بحكم انه بنتها احيانا بتكون في الدوام و لو سوينا يوم بيوم عمتي اللي بتطبخ .

فالليل .. ينتها تكلم زوجي انه مب عاجبنها
وتقول الفطور تؤى سهل .. و الوجبه الاساسية هي السحور وانا برد تعبانه ....الخ
وامها تايدها
مع انها اللي حطت الخيارات ..

انقهرت قهر مب طبيعي
لانه الكل عارف شو يعني فطور و مع العشا بعد . واخترته بناء عالمصلحة العامة . وبعد معارضة وحاسة انها مظلومة .

كثرت المواقف تقسي قلب الشخص .. وتخليه يعامل بناء على مصلحته الشخصية فقط و لاااغير ..