مشكورين يا شباب والله ماني عارف كيف اشكركم على تفاعلكم معي معا اني مجرب معظم الكلام الي قلتوه بس حصلت تطورات اليوم و برد على كل واحد من الفرحة
الاخ حسام الغامدي
1- البنت تحبني والحمد لله صحيح اني ما كلمتها وقت الخطبة نهايئاً لان هذا شي يرفضونه اهلي واهلها
2- الله اعلم بس صراحة مافيني من راح فيها من شيخ لشيخ وقعد اعلق نفسي في اوهام وهذا الكلام صراحة ما اصدق فيه من هذا الي بيسرح عشان يخرب علية مافي احد الحمد لله يكرهني ولا في احد يحبها غيري بس انا راجعت دكتور نفسي اليوم
وان شاء الله ربك سهل لاني حس ان الحل موجود عنده بإذن الله
3- صراحة هذي ما جبرتها بجربها
الاخ sameersamir22 صدقني جربت اكثر من كذا اما عن حماتي انا ما حصلت فرصة اقعد مع حماتي لانهم سكانين في مدينة ثانية وما زارونا الي مره وحده بس اما بالنسبة اني اصارح ابوها او ابوي انسى
ان شاء الله الامور تسلك بس
اخوي الشمس والقمر انت اكثر واحد فهمني انا راجعت اليوم طيب نفسي وكلمتة بالحالة قالي لازم تجي هنا وانا صراحة ما قدرت اجيبها عنده ابش اقلها يالله نروح عند دكتور نفسي ما اعتقد انها راح تقبل نهائياً خاصة اني وعدتها اني ما عاد افتح لها هذا الموضوع ووعدتها كمان اني ما راح اقربها الي وهي ميته
المهم اني كلمت الدكتور النفسي واعطاني طريقة بس المشكلة يقولي لازم تجيبها هنا عشان يقدر يقيمها كم تقعد الطريقة شهر ولا ستة اشهر تخيل اني اقعد ستة اشهر اما عن ناحية الحنان فاعتقد اني قلبت حنين لدرجة كبيرة وابشرك طبخت معها اليوم هذا من افكار الدكتور طبعا قدامها ما اسوي اي شي ...
اخوي آهاات ماحصل ان احد خوفها تقول انها تخاف وتحلف ان محد خوفها هذا الي مجنني ويقول الدكتور ان هذي الاشياء كانت تزيدها خوف وهي من غير ما تحس
اخوي ترفه على قولك المسئلة وقت بس ستة شهور ولا سنة ماهي شي يموتون فيها كم مليون ادمي ويخلقون مليونين وانا صابر
اخوي المجاهد اشكرك على تفاعلك الله بهدي البنات المفروض اي وحدة تقعد تخترع قصة نرفع عليها قضية
الاخت ام طاهر@ طارق كلامك جميل بس لاتزعلي لو قلتلك انه هذا اول شي سويته تصدقين
الاخ فهد الشرارى فعلا هي صغيرة في السن وهذا سبب اما عن كلامك الباقي فانا اتبعته بعد ما شفاتني بالوضع المزري ووعدتها اني ما عاد اعيدها في حياتي ووعدها اني واني ماسوي ومافتح سيرة هذا شي ولا افعل عشان بس تهدء لانها كانت بتموت من البكاء
اخوي ابو سامر كلامك كله حكم اشكرك علية لان الدكتور قالي نفس الكلام الي في البداية وقالي ان الي سويتة راح يطول مدة العلاج واشكرك من كل قلبي يا ابو سامر ياليت كان معاية اخ مثلك يرشدني اكرر شكري لك والله يقويك ويعطيك الف عافية
اخوي maha rashid معليش لا تزعل من كلامي بس الدكتور قالي الشي الوحيد الصح انك ما كلمتها عن الانفصال لنك لو كلمتها كان راح تحطها تحت ضغط نفسي زيادة على الي هي فيه معليش اخوي بس كلامك غلط لاكن اشكرك لتفاعلك معي اخوي
الاخت **أميرة الحزن** اشكرك اول شي بالنسبة للمس فكلامك كان منطقي لان الدكتور اصر علي اني ما المسها نهائياً هي الي تلمسني انا احاول اكون حذر حتى من لمسها بالغلط الي في وقت هو يحدده
اخوي جيفاراا صراحة لو بس سمعت هل الكلام منك امس كان سويته لانه هذا الكلام كان يدور في راسي لاكن الله هداني بواحد ارسلني على الدكتور اسئل الله انه يوفقه في حياتة على العموم تدري اني لو طبقت الكلام الي قلت علية كان ممكن تصير الحالة ((جسدية)) على كلام الدكتور وكان ممكن انها تصاب باشياء ما يتوقعونها فشيل الفكرة من راسك طول حياتك لانك لو اتخذ االاسلوب هذا ما اعتقد فيه وحدة في الدنيا راح تصبر على العيشة معاك
الاخت بنت العالي اشكرك على الرد قد حاولت بس مافي احد اقدر اكلمة صدقيني بس
ان شاء الله الان ربي يسهلها
الاخ حوارات نفسية
صراحة انت يبغالك رد لحالك اسبشل
تدري انه لو سمعت كلامك امس كان اخذته في قلبي انك تحاول تهزئني ولا تستخف بي بس الان بعد ما راجعت الدكتور الكلام حقك هذا كانه طالع من فمه عشان كذا بصراحة اوصي الاعضاء او اي واحد عندة مشكل ياخذ برأي الاخ (( حوارات نفسية )) لانه بصراحة ماشاء الله علية كلامة منطقي ومفيد جداً وان كان قاسي بعض الشي بس تحليلة تحليل اخصائي نفسي على فكرة اخوي انت اكيد اخصائي نفسي ووينك من امس اشكرك مرتين ليش مرتين الف مرة على الرد
في الاخير اشكركم اخواني جميعاً على تعاونكم معي ومساعدتكم كل الي ابغاه منكم الدعاء لاني اتمنى ان مشكلتي تنجل بأسرع وقت ممكن
وبصراحة يا شباب بديت احس بمتعه الحياة الزوجية لان الحياة الزوجية مالها طعم من غير مشاكل بس اذا كنت تحاول الوصول الي حل المشكلة وتتذكر ان مرتك تحبك وتذكر انك كنت تحبها في وقت المشكلة راح تشوف الطريق سهل
ان شاء الله وطبعاً نخلص النية لله قبل كل شي
احس اني تعلمت درس خلاني اغير نظرتي عن الحياة فعلاً رب ضارة نافعة صرت الان بدل ما اني اتذمر واشكو من الحال الي فيه بالعكس صرت فرحان لاني عرفت شي كنت اجهله وتعلمت الان قبل ما تجي مشاكل اكبر عشان اقدر اواجة المشاكل وانا مستعد لها
الأخ الفاضل:
برجاء الانتباه لكتابة كلمة (إن شاء الله)