مشكورة اختي داماس

الحوار امس كان بالصالة مو على السرير

وامس كله كلمته رسمي وبالصامت

لكن هو اذا عرف نفسه غلطان يراضي بطريقة (( سكري الموضوع))

يعني ما يبيني اتكلم ويبوس راسي وانتهى الموضوع

حتى وعد ان ما يعيدها ما يوعد

واذا اصبح الصبح يقعد ولا كان شي صاير ويسولف ويضحك وانا قلبي يغلي

على الاقل ابي افضفض ابي اطلع اللي بقلبي

هو ما يعجبه هالاسلوب

وطبعا شاطر جدا في قلب الطاولة

الحين كلمني ولا كأن شي صاير امس وعادي

انا نفس الشي كلمته عادي وطاح الحطب


بس ما ابيه يعيدها

الله يكون بالعون

__________________
لا اله الا انت سبحانك اني كنت من الظالمين

شوفي كيف اتجرا بالبدايه باسلوبه الغير مهذب بالكلاو والسب والشتم
عالجي السبب لانه ما معقوله اسلوبه من اول يوم معك سيئ
اكيد كان هناك سبب لاتباعهةهذاالاسلوب
ووالدته اكدت لك انه هذهمو تربيتهم

اليوم عالعشا بدا بمسلسل السب المزاحي

يقول حق بنتنا امج حم....... ؟؟

قلت له مشكور على حسناتك

شكلك مستخسر بنفسك الحسنات وانت بيدك بتروح جهنم

قام تاسف على طول وحس ان وقح بالفعل

الله يهديه ويصلحه

__________________
لا اله الا انت سبحانك اني كنت من الظالمين

لاحول ولاقوه الا بالله
الله يعينك اختي
مدري كيف تقدري تتحملين

انا والله متفاجئه جدا ان فيه ناس بهالشكل والمشكله مع زوجته حبيبته وام عياله
احس لو في مكانك يمكن اوصل الموضوع للوالد او لاخوي يتفاهم معه عشان يخجل من نفسه

الله ياكثر صبر الحريم
احتسبي اجرك على الله

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

اهلا اختي صباح العود

ما ادري اصبر على شنو واللا شنو

المشكلة عذره غشمرة ومزاح


الله يهديه ويسخره لي

__________________
لا اله الا انت سبحانك اني كنت من الظالمين

طيب اذا يعتذر ويقول مزح

بادليه اذا تقدري

يعني جيبيه بدلع ومزح أحبك يا حمار

هههههه افتكرت الأغنيه هذه مع أني ماقد سمعتها لكن أتذكرها ايام الجامعه لما الأستاذات يتكلمو عن انحطاط التلفزيون وذكرو الأغنيه هذه كمثال

مع إني مأأؤيد الحرمة ترد كذا لكن اذا الشخص ماتأدب ولافاد فيه ممكن تكون اخر حل ..

__________________

السلام عليكم ورحمة الله وبركاته

اخبارك حبيبتي موهبة واخبار بنوتك الله يرزقك صلاحها وبرها

شوفي حبيبة قلبي ادري انه البذاءة بالكلام غير مقبولة وجارحة وتبقى جروحها في القلب حتى وإن كانت مزحه

لكن كلما تضايقتي من الموضوع وبينتي ضيقك كلما حاول يستفزك بنفس الموضوع تماما ..زوجك حاب يستفزك ويغضبك بعضهم يجد متعة بهذا الشيء ولا أعلم تماما السبب للأسف !

برأيي مع احترامي لآراء اخواني واخواتي أن لا تبادري برد المسبات عليه مهما تطاول عليك فأنتِ تتعاملين بتربيتك وعندما ننحط بألفاظنا حتى مزاحا يؤثر ذلك على اطفالنا وعلى نفسياتهم .. تخيلي معي بنتك تكبر وتسمع المسبات بينك وبين والدها !!

الحل برأيي "زعلة جايدة" مرة واحدة فقط ليتعلم الدرس

تقولين أنه لا يتجرأ على نفس الأقوال مع زوجته الاخرى لأنه يعرف انها "حريقة" وما رح تسكت له .. بينما انت طيبة وحبوبة وترضين بكلمة

اتذكر دائما قول والدي المستشار رجل الرجال حين يقول أن الرجل لا يتعلم بالتهديد بالكلام ولا يأخذ الزعل محمل الجد إلا اذا كان ترجمة زعلك أفعال! هم كذا يختي تصرفي على هالأساس

المرة القادمة اللي يقولك فيها كلمة تيس او حماره أو ثورة الله يعزك ويكرمك تسكرين التليفون بوجهه وما تردين يومين ثلاثه أربعه وتتعاملين معه برسمية (اقرصيه قرصة قوية) وإذا هددك بالطلاق لا تخافي لن يطلق فهو يحبك جدا ومررتم مع بعض بما هو اشد من هذه المشكله.

وفي لحظة صفاء على سريرك وانتي في حضنه اكسري من حدة صوتك وتدللي وقولي له انت تجرحني في كل مره تمزح معي هذا المزح الثقيل.. اهون عليك انا مرتك حبيبتك ؟؟ انت سندي وحبيبي والمفروض اي كلمة جارحة من اي انسان تجاهي تدافع عني وتاخذ بحقي تصير انت ضدي من دون هالبشر؟

لعل الله يلين قلبه ويطهر لسانه ويسخره لك يا رب

__________________

اشكر مشاركتك اخاي سكر

نور موضوعي بوجودج بكر الشايب - ولا هانوا الباجي -

اليوم اعترف لي بطريقة غير مباشرة

بعث لي صورة ولد يضحك وميت من الضحك مع بنت تبكي

قالي هذيله انا وانتي

اثاري كل ما في الموضوع ان ماخذني اضحوكة

حسبي الله عليه

ومشكلتي لما ايي يراضيني بسرعة ارضى

شكلي باسوي مثل ما قلتي الله لا يقدر اذا عادها باشيل قشي وبارجع بيت اهلي لان ادري اذا حقرته وانا هناك اخاف من ردة فعله

وانا الصراحة ما اعرف اكون عالصامت احس قلبي بيوقف

لازم افضفض واطلع اللي بقلبي

__________________
لا اله الا انت سبحانك اني كنت من الظالمين

اختي دام انه مستواه اعلى منك يعني القصة مش تسفيه الك او انتقاص من قدرك
ثم بما انه كل هالدرجة في العلم ليش يسب هيك
جيبيه من ناحية دينية
وان ماتغير
جربي انك فعلا تطنشي
لما يسب خليكي ماشية ولا تبدي ايييييييي رد فعل
صراحة زوجك غريب لو انو وقت الخناقات ينفعل وتفلت اعصابه كان قلنالك ماتوصليه لمرحلة الانفلات هي
لكن المشكلة يتسلى بالالفاظ البذيئة
الله يهديه

__________________

يزاج الله خير اختي ملك شادي

هو اذا انفعل ما يعرف امه من ابوه

بس الحمدلله بفضل الله قدرت ما اخليه يوصل للعصبية الزايدة

هو فيه نواحي كثيرة وايد حلوة وزينة بس مشكلته لسانه


اليوم منا صايمين - وهو اللي شجعني -

بعد ما فطرنا قلت له ان انا احسن من بعض الناس اللي نا ابي اخرب صيامي عشانهم

قالي خلاص اخترب صيامج

قلت له عادي بعد جم يوم بييني صيام مجاني - قصدي عن حسناته لما يسب-

قام يضحك

ما ادري تصرفي صح

احس لو بتكلم من الناحية الدينية وايد راح يعاند او يمكن يمل


دعواتكم

__________________
لا اله الا انت سبحانك اني كنت من الظالمين