انا معكم في ان فترة الملكه غالبا ً تروح بأمور غير اساسيه في معرفة الطرفين و كله سهر و حب و ليآلي ملآح و تدليع
و هذا برضوآ لا ننسى انه من سلبيآت طول مدة الملكـه
و ملآحظ برضوا انه من اسباب كثرة حالات الطلاق هو شغلة اكشط و اربح و اهم شي تصلي و تلبس عباية (ع الرآس : ) طبعا ً انا الى الان الاحظ ناس شروطهم عباية على الرآس مع انه بأمكانه يلبسها خيمه بعد الزواج بتطبيقه الشرع على نفسه اولا ً يعني مو شغلة عنجهيه .. ع كل ٍ مو نقطة نقآشي خلاف الزوجين بعد الزواج و صدمتهم
لكن خلافي هو الحل و البدآئل .. مسألة خطيب و خطيبه يكلمون تلفون معناته بيصير نفس الملكه سوالف و الخ ولاهم ملتفتين الى الجوانب الاساسيه
خروجهم برضوآ لمطعم مافيه حكمه يعني الولد بيتكلف و بتلاقيه هو اللي بيدفع و شايل هم البرستيج الخ
لكن ممكم نقول انهم يسجلون بدورهـ تثقيف المقبلين على الزوآج ويتفقون انهم يحضرونها سوآ هو بقسم الرجال و هي بقسم النسآء و بالنهايه ايش انت استفدت و انا ايش استفدت او ممكن يسجلون بمنتدى و يتفقون انهم يكونون عفوين و على سجيتهم
النظرهـ و حصلت
و النسب و معروف و رضيت به
الاجوبه على انها تصلي و غيرهـ من امور البيت اللي تجيدها اي بنت
يجي دور الفكرو الايمان ببعض المبآدئ و الميول و طريقة تفكير كل منهم
يعني لو فتح كل منهم مدونه او ناقشوا نقاط مهمه بقسم الحوار و النقاش الجاد
او مسآئل مهمه ايش رايك فيها من وجهة نظررك
مع الوقت يقولك ياخي ياعليها ثقآآآآلت دمممم يرحم شكلها آللي مو لايق على ثقالت دمها انغشيت بها
و لا بيقول ياخي مثقفه نفس اسلوب تفكيري خصوصا ً في الشغله الفلانـيه و كوميديه فرفووشه يعني كل و الكريزما اللي يتمتع فيها و يرغبها في زوجته و شريكة حياته
طبعا ً مافي شك ان كل منهم بيصير ذوق بالمنتدى و لا فيه تميلح لكن الزبده تكمن في الفكر و المبآدئ و الميول الشخصي الخ من الآشيآء اللي ماتخفى عليكم
انا اعرف ناس استخدموآ هذي الطريقه بس طبعا ً هم مايدرون عن بعضهم ( برغبتهم )
سجلت بنك و هو برضوآ سجل في منتدى عدد اعضآئه الفعالين قرآبة 200 عضو في اليوم
نشطين و اغلبيته بنات يعني 90 بالميـه
اتفقوآ على انه بعد مده تقريبا ً قالي شهر او شهرين يصرحون لبعضهم بافضل الاعضاء واللي تحس انها تفهمت له و اللي تبغضه من اسلوبه و طريقة تفكيرهـ هذا متى قبل الملكه مجرد خطبه و بعد النظره وخافوا يملكون و يتوهقون و الوسيط اختك يالولـد : )
وخذوا شهر كله على المنتدى مشاركات و استفاده و نقاشات وحماس و تزبيد بالردود يعني مواضيع ساخنه و أسريه
و هي تمارس جوها الانثوي بقسم حوآء و المطبخ يعني كل واحد عايش جوهـ
اتفقت هي روحيا ً و سبحان مسخر الاوراح ... مع اعضاء بنات و شباب في نقاط و تسخروا لبعض و هو نفس الحكايه و اختلفوا بشده مع اعضاء و صار فيه كره لاعضاء لدرجة انهم ماصار كل منهم يرد على العضو اللي يكره في مواضيعه
يوم انتهت المده قام و طلب من اخته تكلمهآ و تسألهآ عن نتآيج المعسكر الكشآفي
>> حاب الفكرهـ
كل منهم منحررج و يضحك ها انتي يالله قووولي معرف اخوك الثانيه لا انتي وش معررفك لا انتي قوولي
انصدمت بعد ماترد تقووول ياشيخه قسم بالله انه اسمج ماخلق ربي يوميا ً اشرب ليمووون من الحموضه اللي تسببها لي
عاد تبون الصدق هو والله انه كتلة سمآجه متحركه بس حبوب و يحب يكون هو الصح ويفرض نفسه عن حسن نيه يعني يحتاج توجيه .. يوم عرف معرفها قال لا اله الا الله ياصبر الارض كان يقولي مايسميها الا منال الشريف رآعية حقوق مرأه و النسآء لهن حقوق عاد هو مايحب النوع هذآ و شغل الاوبن مآينـد
اتفقوآ انهم يحاولون انهم يقربون النقاط لانهم في النظره الشرعيه ارتاحوا لبعض و يجاملون بعض ومرتاحين لبعض بس برضوا الامور الاساسيه مختلفين عليها باطنيا ً ولا حبوا انهم يفرطون ببعضهم
تزوجوآ رغم انهم يعرفون عيوب بعض و لكن مؤمنين انهم يقدرون يحلونهآ وتهون ولا ينصدمون ببعضهم بعد الزوآج
وتصعب عليهم حلهآ يعني فيه طرق افضل من اني اطلع مطاعم اقعد ابصبص وكله مجاملات و برستيج
او اني اقعد اكلم و اعلق بنت النآس فيني و اتعلق فيهآ ثم اقول بنحاول مع اننا مختلفين كليأ بنحاول بنحآول وبالاخير نفشل و نطلق
على شان اني حبيت صوتها و انهآ كيووت وهي برضوا حبته لان سيارته فارهه و بيتهم ملك و راتبه وافر بس مافكرت في عقليته وانه ممكن يكون يعتبر هالبيت للنوم و لقضآء الحاجه فقـط و ان الزوجه بتكون له مجرد آله تفريغ ....
انا آدليت باللي آأومن به و آرآهـ آنسب و في النهآيه هذآ رأي يقبل و يرد