أخي الكريم ..
أشكرك من أعمــــاق قلــبي على هذا الموضوع ..
وفعلا لســان الحال يقول .. ليتنــــــــــــــي وليـــتني .. ولكن بعد فوات الأوان لا تنفعني ليت ...
وها أنا ذا أنصــح أخواتي بألا يستعجلوا حتى لا يقعوا في فخ الزواج مع اني ظاهريا أبين لهم باني مرتااااحه آخر راحه لكن كلامي لهن على أساس اني فقدت حريتي ومسؤولياتي زادت وأثقلت كاهلي ..
لكني والله .. وربي يشهد على كلامي ..
على كثر ما مدحولي زوجي لكن .. للأســــف كلامهم وحتى كلامه كان مجرد وسيله للارتباط واشباع للرغبات لا أكثر ..
وزوجي بكل أســف انسان عديم المسؤوليه .. وليس بالمستوى الثقافي لفتح بيت وتكوين أسره .. ولا حتى من الناحيه الماديه مع انها ما تهمني لكنها بالتأكيد تؤثر على أبنائي .. نحنا أحين عندنا مولود واحد عسى الله يحفظه لكني ما أشوف أي اهتمام من زوجي فيه ولا حتى يفكر يلعب وياه وما احس بحبه له .. اللهم يطلع ويدخل وتعالب سويلي ورتبي واطبخي يا فلانه وخاطري بالشي الفلاني والغرفه يعفسها ويطلع دون مراعاه لمشاعري ودون اي احساس باني هلكت من التنظيف والطبخ والغسيل و ولدي 24 يصيح ويبي حد يجابله ويهتم فيه ويغسله وينظفه ويسبحه ويلعب وياه ويكلمه ويرضعه وغيره وغيره .. هذا طفل واكيد هالمرحله بتأثر فيه وااايد في المستقبل .. وطبعا أنا أهم ما عندي هالطفل ..
هو حياتي كلها .. يكفي انه جالس وياي في البيت مب كله مع ربعه .. فديته والله ..
واللي يقهر انه يفكر دايما يفتح مشاريع ويسحب سلفه ورا سلفه وكل مشـــاريعه فااااااااااااااااااشله وتطيح في راسنا ..
وللاسف ليته يصرف درهم واااحد من اللي ايحصله علينا .. كلها تروووح بالهوا وعلى الشيشه ..!
عســى الله يهديه ويغفر له ..
أبسط شي .. صار له يومين راجع من سفره سياحه وخلاني وانا بنفس اليوم كنت طالعه من الاربعين ..!! وكل حد يعتب عليه وهو عاااااادي عنده وانا بينت للكل انه ساير مرافق لانه صديقه العزيز بيتعالج ويبي حد وياه ..
وشوفوا جزائي بانه رجع وهو يايب أغراض بيفتح فيها مشروع جديد .. و اللي جرحني انه ما فكر اييب لولده حتى لو بدله وحده او لعبه .. ولا أي شي ... كيف هذا أبو ..؟؟ في أبو ما ايفكر في عياله .. ويوم عاتبته قال ما عرفت شو آخذ له مع انه ماخذ لأهله كلهم ولي أنا بعد .. وياليته نساني مثل ما نسى ولده كان أرحم عندي ...
و لا يوم رجع ما فكر ايقول مب ناقصنكم شي .. ما تبون شي .. مع انه يوم راح ما فكر اييب شي في البيت أو يعطيني حتى درهم لوقت الحاجه سبحان الله .. والحمدالله انه أهلي ما امقصرين وانا محتفظه بالفلوس الي عطوني اياها وصرفتها والي بقى اشتريت فيه هديه حقه باقه ورد وخلاص فلست .. ويوم رجع ايقولي ما عندج فلوس مووول ..
ليش هو عطاني شي عشان يســأل .. مب جنه كل درهم ينحط في جيبي أعطيه اياه وهو يلعب فيه للأســـف ..
آآآآآآآه ... الله ايسامحك يا أخوي فتحت جرحي الي ما ودي أفتحه ...
وعســى الله يرزق كل انسانه بزوج صالح تقي يخاف ربه فيها وفي عيالها ويراعي دينه ..
26-05-2006, 09:59 PM
ضوابط المشاركة
العرض العادي
