بصراحه زوجتك فاضيه ما حصلت شي يشغلها قالت خليني اطقطق عليه ... طنشها وهي بنفسها هترجع

وأزيد حذر زوجتك أن لا تخرج مشاكلكم خارج جداران غرفة النوم

فعلا جسيت من يوم ماااستقالت شخصيتها تغيرت كثير ..

عموما خالها كلمني اليوم وقال يبيى لها كم غيار ملابس ويبى يتكلم معاي ع موضوعنا !!!

والله عيب على خالها يتدخل في امر زي هذا بين زوجين
اجده امره مخجل دخوله بينكم

اخي نصيحه قول هالكلمتين لخالها
قول يااخال لو الامر يستحق كان من حقك ومن حق اي احد خارج منزلنا يتدخل
ولكن الامر كما سمعت انت مفروض ماتتدخل
الرجال مايتدخلون الا بالكبيره يعني اذا فعلا فيه مشكله يصعب حلها ويستدعي تدخل الاهل حكم من اهلها وحكم من اهله

اخي خليهم يحسون انك رجال وقد المسؤلية وانك شايل بيتك وماتحتاج منهم رقابه وتوصيات

الله يهديها ويسخرها لك..كثر من الدعاء ان الله يسخرها لك..واكثر من الاستغفار ففيه تفريج للكرب عجيب

موضوعكم ان شاء الله سهل ومفاتيح الحل بيدك ..

اولا انت اخي الكريم في بداية الزواج وتذكر انه من الطبيعي يكون فيه مشاكل وتافهه بعد ..


انت يا عزيزي عاملها بما يرضي الله وحاول تغرقها حب وحاول تكون مرن في نقاشاتك معها ، لاحظ ان كل مشاكلكم من النقاشات ، يعني لو انت عندك اسلوب ذكي كان تدخلها من كمك اليمين وتطلعها من اليسار ، بمعنى انه اذا دخلتوا في حوار خليك هادي وذكي واعرف كيف توظف الكلام في محله الصحيح ، وتذكر انها زوجتك ومو عدوه يعني حاول تبتعد عن الاسلوب الجاف ..

بالنسبه لروحتها لاهلها تمنييتك تكون مرن شوي وزودتها كم يوم لكن دامك اصريت وكسرت كلمتك فكان لابد من اتخاذ موقف قوي منك علشان ما تكرر اللي سوته ، اما بالنسبه للثلاجه وهالامور فاتمنى تحرص يا عزيزي ماا تخلي ثغره تمسكها عليك ، يعني مو معقول تكون ثلاجتكم فاضيه وحتى شفت ردة فعل اهلها ولا يلامون لانهم مو عايشين معكم وما يعرفون وضعكم ، ايضا اذا سوت لك شي او طبخت امدحها واكثر عليها المدح علشان تحفزها للمرات القادمه وتعطيها دافع لهالامر وانا اتوقع انها ما تسمع منك المديح على اللي تسويه ..

اخيرا اخوي سامحني ردي ملخبط شوي لكن صدقني موضوعكم سهل وانا معك انها غلطانه لكن انا احملك السبب الكبير في وصول الامر الى هذا الحد وصدقني لو استخدمت عقلك وكنت هادي معهاا في النقاشات وتركت عنك العصبيه كان ما وصل الموضوع لاهلها وكبر على الفاضي ، وصدقني تقدر تستخدم اساليب غير اسلوبك وتقنعها وتعيشوا بسلام ..

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

الكلام اللي بذكره قاله الراسي بيض الله وجهه


المرأه في بداية الزواج تدلع وترفع الضغط لاتلوم النساء عقليات الجيل هذا كذا
مو زي الدقه القديمه
لو يقول لها زوجها القبله شرق صلت عليها

اصبر واقرا اول سطر لرد اخي الراسي انت في بداية الزواج طبيعي الاختلافات

بعد عشر سنوات والبيت مليان اولاد ان شاء الله بتتذكرون المشاكل اللي حصلت بينكم وتبتسمون
لنت للحين في مرحله التطبيع والترويض اصبر ثم اصبر ولاتشيل في قلبك وتذكر كلامي بعدين
اغلبنا مرينا بمشكلتك في بدايات الزواج خلافات على امور تافهه جدا جدا
والحمد لله مشكلتكم بسيطه سوء تفاهم فقط لاتدع للشيطان مدخل
فيه مشاكل اكبر من كذا الله يبعدنا عنها


موفق

اخوك


ليتك معي..

يا كرهي في هذي النوعيه من النساء
الله يعين كل مبتلى بأمثالها

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

هل الثلاجة فعلا فاضية ؟
او تبلت عليك

اتفق مع كلام أخي الفاضل/الراسي