رد : - ب عفويه .
اخذهم و سافرو .. ابو عيالي اخذهم و راح
طيب ليه اخذهم .. يعني هالحين يقاله يحبهم ..؟ ولا بس شغل عناد
طيب هو ليه يسوي كذا ؟؟ قهرني والله
خلاص انت بطل انت قهرتني .. جيبهم يالله
كسر قلبي ..وانا ما سويت له شي .. كل ذا عشان قلت له يطلقني ..!!
ياما حريم جرجرو رجالهم ووروهم العين الحمرا ., و ما سوو سواته
انا قلت له يروح يتزوج و يفكني قال لي لا .. مالي خلق افتح بيتين
قلت انا مابي منك ولا ريال.. بس ودني لاهلي ورح تزوج , ومتى ما تذكرتني تعال
ما أردك .. بس خلني لعيالي
مابيك يااخي شف اللي تناسبك و تريحك
كل يوم أبكي .. ما اعرف اكتب شي أو يمكن رافضة أكتب شي
محد يحق له يعرف اللي بقلبي .. انا مستغنية عن كل شي
والله ما ابي شي , بس ابي عيالي ودي اخذهم و اعيش بجزيرة لنا
لحالنا انا وياهم بعيد عن الاواادم .. وعن الناس وعن اي احد يمكن يضرني او يضرهم
ليش يصير معي كذا ..وش معنى انا من بد الناس يصير فيني كذا
ليش ربي عطاني هالقلب عليهم ..ودي أكون حجر .. ودي اكون كلبة ولا افكر فيهم
بس يااخي مااقدر .. انا اتعذب كل يوم ,
الخلق تنام .. وانا ابكي
ابي يرجعون لحضني ..طيب انا مطلقة , و اعرف ان اللي يطلق يرمي عياله لأمهم
ما يبيها تتزوج .. انا مابي رجال مابي اتزوج .. بغنى
بس يجيبهم ؟
ودي اوقف بوجهه و ارمي عليه حجر تصقع في عيونه و ينعمي .. ويقول الله حق
اكره نفسي و عايلتي , كل واحد لاهي بحياته ..اخواني مع حريمهم و عيالهم
واللي ما تزوجو كل واحد مشغول بحياته
عيالي ما اشوفهم الا يومين بالاسبوع
كل شي ممنوع .. ممنوع .. ممنوع
حاولت أتأقلم ..ماني قادرة
ظاهريا أنا .. راضيه و مقتنعة و مبسووووطة
داخليا .. انا مكبوتة .. ودي أموت و أرتاح
أهلي يبغوني بس ما يبغون عيالي
انا بنتهم بس عيالي لا ..ولدي اذا تخانقو مع اخواني ..هو يطلع برا
زمان كنت أفكر .. لو عيالي اخذهم ابوهم عنده افضل
يهتم فيهم .. يشوف طلباتهم
لكن هو اخذهم .. و انا اللي انكسرت .. يمكن هم مبسوطين معاه
بس انا لا ..انا اللي خلفت انا اللي جبتهم .. هذول عيالي انا
هو تزوج و جاه عيال .. طيب انا مابي اتزوج .. خلوه يرد لي عيالي ..!!
ما اقدر اعتبر نفسي ما خلفت ..انا عندي خالد و خولة
يقولون لي ام خالد .. صح اني فشلت في الحفاظ عليهم
بس اسمي أمهم .. انا جبتهم هم بإسمي .. يقولون لي ماما
ودي أمسكه مع رقبته .. و أقول فراقك عز ولا تفكر انك كسرتني
لكن عيالي هم الجرح .. هم الكسر
ياليتني ..>> ما ينفع الندم
لا تقولون لي انسيهم , انسى كل شي الا عيالي
واللي تسبب في فراقهم , الله لا يسامحه و يذوقه من نفس الكاس
الله يحرمه عيونه , مثل ما احرمني عيوني
للرجال ..تنطلق رجولتك من حضن أمّك و هي إمراة فلِم تحرم أطفالك من أن يكونو رجال
حسبي الله على كل من ساعد في حِرمان أطفال من أمهم
__________________
الوعي هو الملاذ ..
أستغفر الله العظيم ؛
( الفردوس غايتي )
التعديل الأخير تم بواسطة أم خالد. ; 14-07-2012 الساعة 08:54 AM