أمي من حريم الطراز الأول طباخه مره ماتخرج
كثير مهتمه في بيتها جداً كل زاويه في البيت تلمع وللأسف زوجة أبويه عكسها تماماً
تخرج كثييير واذا منعها تعزم في بيتها ووصل والدي معاها لمرحلة اليأس لاقوة فادت ولا حزم ولا طلاق ولا شيئ كل الوسائل استخدمها

بالنسبه لكلام أمي تقوله وقت الغضب ومجرد مايقول لها أبويه في ضيوف تستعد بزياده ع إنه يقولها لا تعبي نفسك وهي لانه هوايتها الطبخ تحب تطبخ وتتفنن

وأصدقاء أبويه لما يعزمهم يسألون فينك عند الاولى ولا التانيه
لما يقول عند أمي يوافقو يجو ويمدحو طبخ أمي وهي يعجبها
وأبويه مايغصبها أبداً

اكتشفت إنه أخواني الصغار 14 و18 مايعرفو بقرار أمي

وأخواني المتزوجين قاعدين يبحثو عن شقه مناسبه

فكرت أقلها إني رح أشتري لها أنا لوحدي خارج المدينه في منطقه سياحيه متى ماحست بملل تروح تغير جو هناك ولأنه أمي حجازيه وترعرت في المدينه مستحيل تطول عن المدينه كلها بالكثير أسبوع وترجع

وأقولها حرام تخسر أخواني عندهم إلتزامات إيش رايكم 😩


الى الان ماناقشتها توي فرحانه بجيتي لهم ماابغى أخرب الجو من البدايه

يامتفائلة اوكي عندهم التزامات بس هم رجال!

شمعنى انتي اللي مالك وظيفة ولامصدر دخل ثابت "حسب علمي"ماعندك الا هالكم قرش تتكفلين بها كلها؟!

اذا بتدفعينها كلها فادفعيها برا بامك فقط وطمعا بالاجر

مش تدفعين عشان تشيلين عنهم شي

والشقة بمكان سياحي مالها معنى.. هي طلبت الشقة كنوع من الامان مش كنوع من الترفيه ولا؟

__________________

اختلافي عنك لا يعني اختلافي معك

فانتي

أنا بستعطف أمي ع أخواني عشان تتراجع عن الفكره

وبما إني أنا الي بدفع لوحدي أقدر أحرجها إني لو بشتري في المدينه ضروري أبويه يعرف إذا حابه إنه مايعرف أشتري قي غير المدينه وأقصد في ينبع وهي منطقه قريبه جداً من المدينه وتحبها أمي
وطبعاً بكتبها بإسمي لكن بخصصها لأمي
وبقولها إذا حابه أكلم أبويه يقفل الجهه الي تؤدي لبيته الثاني ماعندي مانع

هي قالت لنا قبل لكن حسينا إنه تعب عليه يأخذ لفه طويله عشان يدخل لبيته الثاني وهو ضروري يمر بيت كل وحده مرتين في اليوم

ولي كلام كثير معاها يخص زوجات أخواني وان شاء الله تقتنع لأنه من خلال الكلام حسيت إنه لهم يد في الموضوع
( ياخالة إذا أنتي مو مرتاحه أطلعي لا تقعدي فيه أهم ماعليك راحتك )
والسبب غيرتهم من وجود غرف للمتزوجات في بيت أمي ويقولو لأمي استخدمي غرف بناتك ووو كلام حريم ماله داعي

ان شاء الله تتقبل مني ورح أطلب من اخواني الصغار يضغطو عليها ماتخرج 😢

أمي فتحت الموضوع معايا ورفضت إقتراحي ومصره ع الشقه حتى لو ماتزوج وتبغاها في المدينه إيش الحل

أختي مطلقه رفضت تروح معاها عندها جناح سويناه لها من غرف أخواني المتزوجين وماتبغى تخرج منه بحكم قرب مكان دوامها

ماعرف أمي من جدها تتكلم ولا كيف بكره بتروح تشوف الشقق بنفسها تبغى يخلص الموضوع قبل رجعة أبويه


ساعدوني😢

كلمي الوالد يقنعها وإن شاء الله تقتنع وتشيل فكرة الشقة

أمك ثم أمك ثم أمك. ثم أبوك
ابوك و قدرتي مشاعره و ايدتيه
تستحق امك ان تقفي معها.

__________________

__________________

أبو البنات ؛ توي جايه عند أهلي صعب أكلم أبويه رح تزعل أمي مره أبغى أعيش أجواء رمضان وأمي راضيه عني


كلمت أبويه قبل السحور وقلت لا تكون متزوج بالسر قال مو والدك الي يشتغل في الظلام وبعدين أنا كبرت ماهو لي الزواج 😃فرحت قلت طيب متى بتجي قال ع حسب سرعة اليد العامله قصده الدكاتره اذا انتهو من أسنانه قلت طيب أشتقنا لك وهذي أول مره تخرج من المدينه في رمضان ليه ما أجلتها لبعد رمضان( أبغى أكشفه&#128517 قال مستحي أروح زواج ولد عمك في العيد وعندي سن أمامي مكسور ومره وحده أخلص كل الاسنان ...

غمرتني فرحه إنه بجد مابيتزوج لمحت له انه يعجل ويهدي أمي وزوجته موسوسين ومتوقعين إنك بتتزوج قال قوليهم إني متزوج خليهم يستقبلوا العريس أحسن إستقبال 😅


ماقدرت أقول لأمي إني كلمت أبويه لانها بتقول أكيد قلتي له ماأبغى فلوسك مادري حسيت بخوف وتسحرت ساكته



مسز كيف أقف معاها أنا ماعندي مشكله إنها تروح المكان الي ترتاح فيه لكن يصعب علي أنه أشوفها تترك بيتها الكبير الي يجمعنا كلنا ورح تندم خاصه لو أبويه زعل ورفض رجوعها مااعرف ماابغى أستبق الأحداث الي يهمني بيت أمي عندي شك في زوجة أخويه الكبير لها يد في الموضوع استغفر الله ماابغى أشك لكن أمي الي يتضح لي إنها محرضه لانها تقول فلانه جات أحسن منك وتقول دوري لراحتك وانتي بنتي تقولي فكري بعقلك 🌚

ان شاء الله أبو مريم بحاول أضيع الوقت نفسيتي زفت خايفه تدخلنا بينها وبين أبويه