اللي خوفني امس لأول مرا يقول لي ترى للصبر حدود وعادها اكثر من مرا .. هو فيه شوية قسوة بطباعه رغم حنانه وطيبته


اليوم قلت له اني ما صرت أحب اكون ع طبيعتي معاه لانه شرير ويخوف .. قال ماني شرير بس أعلمك دروس للدنيا .

تعلمي التطنيش وعدم التدقيق ،، تخيلي نفسك بمكان زوجك ! يدقق على كل حركة تبدر منك كردة فعل بسيطة مثلا او تجهم وجهه غير مقصود او نظره او سرحان غير مقصود ويفسره بمزاجه بكل مرة ،، هل راح تتحملين هالشي بكل مرة ؟؟

عندك طريقة حلوة لاستقبال ردة فعله اللي ماتعجبك ،، فبدل الزعل والسؤال والتنكيد وعدم التقبل اقلبي رده فعلك للابتسام و اطالة النظر وان سال عن السبب قولي له حبيبي شكلك مو معاي ؟! ان قال لم اقصد اذن خلاص افهمي انه مستمتع ولكن كشخصية ممكن مايتفاعل فعليا او حركيا معاك ولكن بقلبه هو مركز معاك وهو بين لك هالنقطة ...

تقبليه كما هو كما هو متقبلك كما انتي وصابر ،،، لاتقولي ماقدر اسيطر على نفسي هالقاعدة غلللط بالعكس انتي المالك لهالجسم وانتي القادرة عل عمل هالتوازن والقادرة على التحكم بما انك سليمة عقليا وفكريا وجسميا اذن مافي اي مبرر ..

حاولي بدل المرة الف لان هالشي بتحتاجيه بعد قدوم النونو تحتاجي لنفس طويل وباااارد والا فما بتقدري تواصلي وتكوني بحالة اكتئاب متواصلة وهالشي بيتعبك ! .. طنشي ثم طنشي فطنشي ،، ابعدي نظرك عن زوجك عشان ما تشوفي رده فعله وتنفعلين وشوي شوي بتقدرين تتحكمين برد الفعل ...

دائما اذا ما حسيتي بالغضب ،، تنفسي نفس عمييييق وقولي استغفر الله ربي واتوب اليه او تعوذي من الشيطان الرجيم واغلقي عينك هالطريقة تدربك على ان تكون اعصابك بالفريزر شووي ومنها يبعد ابليس وحركاته عنك ...

ومعليش بمرحلة الحمل تحس الوحدة بضغط عليها وزيادة حساسيتها لفترى مؤقته وبعدها ترتاح شووي ،، ربي ييسر لك امرك وتقومي بصحة وسلامة ويديم المحبة والالفة بينك وبين زوجك ويحليك بنظره ان شاء الله

فيني كل الرغبة اني اكون إنسانه حليمه..
وراح اكون بإذن الله.

هو جالس يحذرك
حبيبتي انتي تقدرين تمسكين نفسك وقت الغضب

بس معطيه الشيطان مجال بحياتك مابيرتاح لحد مايخرب بيتك
ترا البيوت مليانه بنات والمسيار حدث ولا حرج
والرجال مب ملزوم يتحمل حرمه تنكد عليه بيدور راحته
بنهاية انتي الخسرانه وخلي اعتقادك ونظرتك انك ماتقدرين تمسكين اعصابك تنفعك < اتكلم لك بلسان بعض الرجال وزوجك مادري عن حاله هو زيهم او لا

سوال ع جنب كاني فهمت ان زوجك عنده بيت ثاني؟
عادي تتهوشي معه ويطلع ويروح للبيت الثاني وتستقبله بنفس زينه ودلع وراحه بيتها
وش تتوقعين داخله بيقول او شو بيقارن

__________________
سبحان الله وبحمده

عشان نقدر نقيم معاك اكثر ممكن تعطينا مثال بشرط يكون اخر شي عشان ما تنتقين

حبيبتي تعلمي تطنشي وتدوسي على قلبك

ما ابغى أوصل لمرحلة ما اقدر اوازن فيها تصرفاتي
الان نسبيا مقدر أسيطر ع نفسي
مدري تاخذني عزة نفسي ولا تتراكم المواقف بداخلي وتستمر حالة البكاء والزعل

ربي يفرج همك ويريح بالك ويقدّرني على التطنيش

انا زوجته الثانيه
يقول انه الفرق بيننا 180 درجه
ان زعل منها بيومها.. يجيني
بس ان زعل مني ما يروح لها
يقول انتِ الحياة بالنسبة لي ويحب يكون معايا لآن الابتسامة مرسومه ع وجهي طول الوقت بس يكره زعلي وينسيه كل حسناتي.. ما يحب الدموع .. ما يحب اني أتكلم وانا زعلانه..
كيف يحب الضحك والوناسه وهو دائما عاقد حواجبه مدري ..
لما يزعل مني اقوله روح لها اطلع ما ابغاك بس ما يطلع... تدري والله لما اهدأ وأتذكر كلامي وقت الزعل نفسي أدي نفسي كف واوعد نفسي ما اكررها وترجع بدووووون سابق إنذار فجأة الا الزعل وسطنا.

تغاري من زوجته الاولى

اخر موقف:
صحي من النوم وقال اتجهزي نفطر بالبحر
خرجنا
لف ع كذا محل علشان يجيب كل اللي ابغاه
واحنا نفرش السفره علق تعليق وانا ضحكت قال
مو وقت ضحك والله ... وهو مكشر .. سكت انا تراجعت ع ورا وأخذت عصيري
شربته وهو يقول امممم الاكل لذيذ طنشنه بعدين قال تبغي ولا أدي العامل الاكل ما رديت عليه
بعد ساعه طلعت انا السياره وطلع ورحنا قلت له ايوا أسرع خلي النونو يموت اصلن انت ما تبغاني احمل
قال استغفر الله لا حول ولا قوة الا بالله
واستلمني البكا وكل شوي أتذكر له موقف
وأقوله له وأسبّه وأبكي
وقلت له أعوذ بالله منك إنسان ما تحب الحياة كئيب تحب تنكد ع الناس
انت مو طبيعي روح اتعالج
ما عمره رد ع كلامي بس هالمره غييييير
قال والله تصرفاتك تصرفات مريضه راح تكرهيني فيك سبب تافه ما يستاهل وانا صبرت كثير واصلن ماني مبسوط معاك كل مرا دموع ونكد وقت المشكلة كابر وسوا نفسه ما غلط
بس اليوم قال انه اللي قاله بالبحر مجرد هفوه المفروض انا أقول له انا حره بضحك كان انتهى الموضوع ويقول انا لما قلت لك فرحان بالنونو لفرحك هذا الشي اكبر من فرحتي لآني انا عندي أطفال وقلت فرحان لفرحك ... يعني انا افهمه بطريقه غلط وأبكي واقلب الدنيا وهو وقت البكا ما يبرر ويشرح لي يبغى الوقت اللي يناسبه هو علشان يشرح تصرفاته...

الموقف ما كان يستاهل دموع بس ليه انا ابكي وأمسك الخط السريع بالبكا مدري