مزعلة النساء
Game Over
مو....شيء
لوليا احمد
hagy
بيرو
منير 11
olofi
منسية

الف شكر على الرد من جد حسستوني اني مو لوحدي وان فيه احد يساعدني واعطيتوني دفعات معنويه قويه
الله لايحرمني منكم وان شاء الله يارب تشوفون كل خير وسعاده بحياتكم

أختى العزيزة
الله يبارك لك ويسعدك
أعجبنى رد الاخت جمرة كثيرا
لا تحاولى الضغط على نفسك وعليه كثيرا فى البداية لانه ممكن تنعكس الامور وتملوا من بعض
حاولى تأخذين رأيه فى بعض أمورك كأن تقولى له بأسلوب حلو وإبتعدى عن دلع الكثير لان بعض الازواج يحب الدلع فى حجرة النوم فقط ويكره فى مكان آخر فمن الافضل تحاولى أن تعرفى هومن أى شخصية وشو أهتماماته وهذا أهم شئ لان الرجل يحب من زوجته تحترم هوايته (مثلا اذا يحب القراءة وفى أي مجال حاولى تتثقفين فيه وناقشيه وخذى رأيه فيه أو كان يحب لعب الكرة حاولى تمدحى فريقه وسوى مفاجأه له وإلبسى له قميص او فستان بلون الفريق فى الزيارة الثانيةمنه...........لكن لا تحاولى إتبينى تلهفك عليه وخلى لك شخصية بعد عشان ما يحس إنك ما مصدقه ويبتدى يتكبر

ومن صيغ الاسئلة

(إهتمى بالسؤال عن أهله وخاصة والدته ولا تجيبى سيرة لعلاقة الزوجة بالحماة بتاتا أمامه )

( بما إنك زوجى أى لون تحب ألبسه أوهل تعجبك التنورة أو الفستان لانى أحب رضاك عنى )

( أبى آخذ رأيك فى شئ ممكن تساعدنى )

( ابعثى له مسجات أدعية أحيانا )

بعد مده من التعارف قوليله ( حبيت فيك هاى الصفة أو مثلا حببنى فيك هذا التصرف وأحمد ربى إنى أصبحت زوجتك والله يقدرنا نسعد بعض )

وتمنياتى لك بالسعادة والوصول لهدفك إن شاء الله

__________________
اللهم إنى أسألك العفو والعافية فى الدنيا والآخرة

keep-In-touch
تسلمين يارب على النصايح الحلوة ويارب احاول اطبق اشياء منها واذا عندك بعد زيدي
قمر
شكرا على التفاعل وشكرا على النصايح والله يوفقك يارب
الماستر
شكرا على التعديل ..اشوى انك تكلمت قبل احوس الرجال وابوسه ويجيه ردة فعل عكسيه ويحرم مايدخل بيتنا

جمره
من جد

من جد




من جد




مدري وش اقولك

ردك اكثر من رائع حسيت انه هذا الشي الي اقدر اسويه
لان زي ماهو مجروح وزعلان واكيد ما راح يتقبل شي مني
انا بعد ما اقدر اسوي اي شي موجه لك احس اني انا بعد مقهوره منه لانه خلاني بهالموقف السخيف
بس نصائحك كانت رائعه وربي لما قريتها من الفرحه حسيت نفسي بابكي
يااااااارب تعيشين بسعاده وينولك ربي كل الي ببالك يارب
واذا تقدرين تعطيني نصايح ثانيه اكون لك شاكره
على فكره ما احد قالك انك عبقريه ؟


انا اقول

الأخت /معالى 2
الف مبروك وجعل الله حضك أحسن وأجمل
المهم نحن الرجال نحب الفتاه التي سوف تكون شريكة الحياة ان تكون الطباع مقاربه لطباعنا وهوايتهم مقاربه للهوايات التي نرغبها
فعليك اولا معرفة الهوايات التي يحبها زوج المستقبل ومناقشته فيها والبحث عن اشياء تتعلق بهذه الهوايه وحاولي ان يكون تلك
الترصفات عفويه وليست مسطنعه
والله يوفقك ويميل قلبه وعقله فيك

__________________

الله يوفقك يااخت معالي وتأكدي ان الشي هاذا موصعب ابداً بالعكس الايام تنسي الواحد كل شي وشلون لوعنده زوجه خلوقه مثلك ودامنك شاريته ثقي انه راح يكون لك اولا واخيراً000 لاكن الي ودي فيه انك تخجلينه من نفسه بطيبتك الزايده علشان تكوني له الوطن والعاصمه وانا يااختي مريت بالتجربه هاذي مع امراه لاكني اول ماخطبت بنت الحلال كرست حياتي كلها لها وصرت مااحب بالكون هاذا الاهي00000 وعلى قولة عبدالله رويشد مسألة وقت وأنسى0000



والله يوفق الجميع وانتي يامعالي وشكراً

::. برأي مو اللبس ولا الاسلوب الى راح يأثر بالرجال .::

::. حبيبتي بأقول لك رأي وانتي مالكة نفســـك .::

.:: اذا جاكي سلمي عليــه قولي له كيف حالك .. وايش عامل .. بعد كذا قولي له انا عرفت انك مغصوب على انك

تتزوجني .. بس أنا راح أخليـــك تحبــني يمكن من كثر حب الى كنت تحبها بس راح اخليــك تحبني .. .::

::. وبعدها أسألي عنه دايماً .. كل مايتضايق كوني معــاه بتصرفك هذا راح تكبري في عيــنه صدقيني .::

::. ومبروك والله يوفقكم .::

السلام عليكم :
اتمنى اني ما تأخرت في الرد..ولكن قصتج يا اختي وكأنها الخيال بذاته وكأنها قصه تحكى لطفل في وقت نومه..انا مع الأعضاء في إلي قالوه..هذه الفتره حرجه بالنسبه لكما ومع الوقت وبإذن الله ينقلب الخيال حقيقة وتسعدي انشالله في حياتج

ماشاء الله عليكي يا جمرة ...

بجد أن كيدهن لعظيم هههههههههههههههههههههه

احم احم ...بااااك.. اول شي السلام عليكم .. ثاني شي اشوى انك عبرتيني يامعالي لاني انقهرت لما شفتك شكرتي كل اللي رادين الا انا اهئ اهئ ..بس اشوواا قلبي ماطاوعني اقفل الصفحه قبل اطمن ..ولقيتك معبرتني ...اليومين اللي فاتوا كلها وانا اتخيل وافكر ..قلبتي مخي وانا عندي اختبارات ..بس من جد حسيت ان اللي قاعد يصير معك قمممممه التحدي وممكن يصير لاي بنت...ومن يدري يمكن من حظك انك عرفتي عشان تحاولين تصلحين الوضع..المهم نرجع للحررررركات اياها...بكرا الخميس ومادري عنك وش بتسوين وكيف بتتصرفين وربي شااااايله همك...اسمعي معااالي ...طبعا احنا متفقين على حكاية انك ماتقدري تقولي له كلام حلو او تتقربي منه بالحركات الللي المفروض تكون بين الخطيب وخطيبه...فالحين بقولك شوية حركات ...تخليه يحس انك لك قيمه.. وان خطيبته مو اي بنت وخلاص... مميزه ومحبوبه ولها شخصيه جذابه...وانا اظن ان الاشياء هاذي فعلا فيك لان معرفتك للحقيقه ماهزت ثقتك بنفسك..بالعكس خلتك تتحدين عشان تكسبين الرجل اللي ربي انشالله كاتبه لك...شوفي ياستي ..طبعا انتي ماتقدري تقولي له انا محبووبه وانا شخصيه وانا .... هههههههه ..قصدي يعني لازم يكون في مواقف معينه يستننتج من خلالها الشي هذا لان هو بعقله الباطن يدور لك زله عشان يثبت لنفسه ان محد ينفع له الا الللي حبها.فيوم لما يكون عندكم...ويفضل يكون بوقت متاخر شوي ..يعني مو من اول مايجي ..ابيك من بدري تروحين محل ورد وتشترين باقة ورد رووووووعه على ذوقك...الباقه هاذي بتكون مهداه من صديقتك لك..فهمتي؟؟.. يعني خلال مانتم قاعدين مع بعض .. يرن الجرس .. دقايق الا الباب يطق عليكم مين؟؟ معالي (اي هين )والله جايه باقة ورد باسمك.. وروحي خوذيها عااااادي كانه مو شي جديد ولاشي غريب..خوذيها بهدوء.. شميها وانتي تمشين بحركات ناعمه..واجلسي قريب منه....افتحي الكرت وسوي نفسك تقرين اللي فيه..بعدم اهتمااااام..وقفلي الكرت وحطيه على طاوله قريبه.. وحطي الورد قريب منه.. بعدها بشوي سوي نفسك قايمه تجيبين اي شي او اتفقي مع احد يناديك بعد ربع ساعه تقريبا.. واحرصي انك تقفلين الباب وراك عشان هو يتطمن انه اذا قرا الكرت محد بيشوفه.. طبعا حطيه فمكان قررريب..نجي الحين للشي اللي بيكون مكتوب فالكرت..ممممم ممكن تكتبين بس طبعا مو بخطك.. الى احلى صديقه وارق اخت .. اعتذر اذا كنت ضايقتك الصبح.. واتمنى تسامحيني على اساس انها زميلتك.. او اي شي يناسبك بس مايكون تهنئه او من هالخرابيط.. لا يكون بسبب موقف معين والباقه اعتذاااار..بيحس ان لك قيمه.. الحركه هاذي من جد خطيررره ..ولها تاثير قوي على نفسيته.. على الاقل ماراح يعدي هالموقف بدون مايخليه ذيك اللليله لما يروح يفكر بينه وبين نفسه وش هالانسانه هاذي اللي لها قدر وقيمه عند صاحباتها لدرجه انهم مايعتذرون لها عادي او حتى يطنشوون..واذا تلقف وسالك عن شي..حاولي تقولين له سبب عادي .. ماتحسسيه ان في مشكله كبيره صارت ....ممممم كمان ممكن.. وقت ماتكونون مع بعض.. ويفضل تكونون مشغولين بشي..وتجيك مكالمه على جوالك..طبعا خلي اختك او اي وحده تثقين فيها تسوي معك الحركه هاذي .. ردي انتي .. وهي بتكلمك على اساس انها زميله لك اذا كنتي تدرسين او زميله فالعمل ..او صديقه اذا ماكنتي كذا او كذا..وخلي محور المكالمه هو انك مسؤله عن شي .. والشي هذا يضم مجموعه بنات بحيث انك انتي تراسينهم ويرجعون لك بكل شي ..اذا كنتي طالبه... خلي المكالمه تكون عن محاضره فالكليه مثلا .. او طبق خيري او شي منهالقبيل...واللي تكلمك تقولك مثلا الساعه كم تبينه.. ؟ ماقلتي لي سويتي الكلمه اللي بتلقينها او لا.. واي شي يجي فبالك ..وانت طبعا تردين باختصار وبكلمات تبين انتم تتكلمون عن ايش .... واذا ماكنتي طالبه او معلمه.... مممم سوي نفسك.. كانك مثلا مخططه مع مجموعه من صديقاتك انكم تسوون حفله لوحده من شلتكم تكون مفاجئه وانك انتي اللي مخططه لكل شي ...وهي تسالك مثلا جهزتي الاشياء حقت الحفله... طلبتي جاتووه؟ .. وانتي تجاوبين .. وانتي تضحكين ضحكات ناعمه.... قولي اوريك فيها بنجننها .... بجيب قالب كيك مكتوووووب فيه اسمها او معيارتها ههههههه..وبنلبس ملابس غريبه .... واللي يجي فباالك بس لاتطووولين ابد ابد فالمكالمه... هو بيسمعك طبعا .... وش بيجي فباله؟ ..... بيقول البنت حبوبه.... رومانسيه..... كلها حيااااة وخفة دم.... والشي هذا كله بينه وبين نفسه..... وانتي قيسي على هالموقف وسوي اللي يعجبك... والفكره الاساسيه انه شي يصير لك مع احد ثاني غيرررررررررره... هو يستنتج منه.. الشي اللي انتي تبين توصلينه.... يارب انك فهمتي قصدي.... تبينه يحبك؟ خليه يحس ان الناس كلها تحبك... تبينه يقدرك؟ .... خليه يحس ان لك قيمه عند ابوك واخوانك.... اذا دخل ابوك عندكم .... قومي وبوسي يده.... اذا دخل اخوك لاتسوين نفسك مستحيه... اضحكي مع اخوك وامزحي معه....خليه يحس انك مميزه بكل شي ....مررره من المراارريت .. لما يجي ... بدون اي سبب سوي نفسك تفكرين بشي شاغل بااااالك... سوي مثل حرركاته... سوي نفسك سرحانه ..وبنفس الوقت مو مطنشته.... تسولفين بس بنفس الوقت بالك مشغول ... تبتسمين ونفس الوقت... عيونك فيها نظره غريبه.... اشغلي باله .... لانك بتوصلين له ان في شي .... وبشكلك الخارجي مافيه شي .... يعني حركاتك ماتخليه يقولك وش فيك؟؟ وبيننه وبين نفسه بيكون اصلا مايبي يسالك.... بس في مثل يقووول كلن يشوف الناس بعين طبعه؟؟ خليه يحس ان في شي طبعا ابدا ابدا مو قصدي تشككينه فيك... لكن العبي باعصابه.... ولو يطلع من عندك ويسال نفسه مره وحده ياتري وش فيها؟؟.. بيكون انتصاار لك..بنفس اليوم اللي بتسوين فيه الحركه هاذي .... خلي شكلك رومانسي لآخر درجه....البسي لون فااااااتح .. ياليت يكون وردي .... والبسي حلق لولو وخلي شعرك نازل على كتوفك...وحطي بشفااايفك لمعه بس لاتحطي روج..وحطي كحل خفيييف مرره .. وشدوو وردي فاتح يكون فيه شوي لمعه....الاضاءه بتكون فيها شوي رومانسيه... خلي الجو باااارد قد ماتقدرين ...باارد = درجة الحراره حقت الغرفه.. مو درجة حرارتك انتي ..هههههههه..ابيه لما يطااالع شكلك كذا وعيونك فيها مسحت حزن... يحسك ملاك..ابيه يتمنى بينه وبين نفسه انك ترضين غروره بكلمه...او يحس انك منجذبه له وميته عليه.... يعني ابيك تصيرين السهل الممتنع... ماتحسسينه بجفاا ولا تحسسينه انك ملك يده.... خليه هو اللي يقعد يفكر ويخطط شلون يخليك تحبينه....معاااالي ادري ان افكااري مو مررتبه... يعني اطلع من جنان لرومانسيه والعكسسسس...هههههه بس اللي يجي فبالي على طول اكتبه عشان كذا اعذريني....خطرفبالي شي بس بصوره ثانيه ويدي تحكني ابي اكتبه...مممممم.. ابيك تكوني لابسه جنز... يفضل بنطلون واذا ماتبين تنووره... البسي بلوزه ستاان من درجات البرونزي او اي بلوزه تكون مع الجنز كشخه ... مو سبورر... يعني مو تيشيرت اوقميص بازرار ... والبسي حزااام ناعم الموديل اللي يجي على الورك مو على الخصر .... البسي صندل ناعم.... ومكياااجك برونزي... شعرك ملفلف بنعومه ولو مرفوع بشكل مو مرتب بيطلع احلى ... يعنى خصل نازله على وجهك بعفويه..واكسسوار كامل حلق عقد ناعم.. وخواتم فايدك...فاليوم هذا ابيه مايحس انك بنوته رومانسيه ...ابيه يحس انك كلك شبااااب..انيقه .. لك ذوق خاص باللبس حسب مزاجك... فاليوم هذا ..... ابيك تكوني جريئه مررره...المكان اللي تجلسون فيه خليه رومانسي وبنفس الوقت فيه حوسه بنت مو متعود عليها.. حوسه حلوووه.... يعني الطاوله عليها مجلااات... وشوكلاته انواع حلوه مرميه على الطاوله... جوالك.... كيس مقفل مايدري طبعا هو وش فيه.. مرايه صغيره شكلها ملفت مرطب شفاايف خاتم منزلته من يدك. ابيه يروح بجووو مايحس بالرسميه ابد ابد عشان ينعكس على نفسيته... لاتهتمين كثير بالتقديم... ولايكون تقليدي يعني شاي وقهوه...حطي اي مشروب ثاني بكاسات غريبه وشكلها شباابي ...جيبي تشكليه حلويااات ولو تكون من انوواع الجلكسي يكون احلى ... كيك شوكولا.. اي شي على ذوقك بس مايكون من الاشياء التقليديه للصغاار..خليه يحس انك اليوم مثاره.. قولي له ان كان عندك صديقاتك العصر مثلا ... بعد ماتجلسون بشووووي ... قولي انا تعبت من الكنب شرايك نجلس على الارض... افتحي التلفزيون على شي حلووو فلم آكشن .. اي شي بطريقك يطلع حلو.. سولفي عادي كانك قاعده مع احد من اصحاابك.. وانتي تاكلين وبعدم اهتماااام.. عطيه قطعه بفمه... طالعيه وسوي كانك شايفه شي على وجهه شوكولا او اي حاجه... قربي من وجهه وطالعي خده او قريب من فمه... وحطي يدك عليه كانك بتمسحينه.. وعيونك نظراتها حنونه.. ولاوصيك بالعطر الحلوووووو اللي يخلى قلبه يدق بقوووه لما تقربين منه. امسحيه وابتسمي ابتاسمه تذوب الحجر...حسسيه شوي ان مزاجك متقلب اليوم... شوي اضحكي شوي ..قولي فيني صداع باكل اسبرين... قومي بحركات متثاقله وكلها دلع.. تركي على كتفه وانتي قايمه..مممممم وربي صار فلم ههههههههه...احس الكتابه طلعت طووووويله مررره...مادري ينفع كذا ولالا... بنزل المجموعه القصصيه هاذي وبعدين اكمل ههههههه يارب تعجبك ويكون عندك الجرأه تسوينهااا