قرأت وصفك لزوجك وعرفت انه اتكالي ومتعود احد ينبهه او يتحمل المسؤوليه عنه اخوي نفس طبع زوجك ولا اطيق هالشخصية كيف انتي الله يعينك اختي وش فايدة الحياه اذا انتي تركضين وتهتمين وهو حضرته حاط رجل على رجل اصبح رجل متزوج يعني استقر وصار عنده زوجه اي استقرار وده يوصل له راتب وظيفة خلاص وش يبي زود واضح جدآ انه يتهرب من المسؤوليه عزيزتي انتبهي لا تضيعي عمرك ورا شخص اتكالي

آمين
انا معك بس لازم اتأنى عشان ما اندم
صح اعطيته فرص كثيرة ومانفع لكن ما احب اكون يائسة
صح تحسين طيبتي وصلت حد الحماقة وعطيته وجه اكثر من اللازم
لكن لما استخير ودي ارجع وهو بعد نفس الشيء مع اني قاعدة اخاطر
جزاك الله خير

استخيري اختي
مدري وش اقول لك
لكن هالنوعيه تتزوج وتظلم الي معاها

الله يكتب اللي فيه خير
للاسف مافيه تفاهم بيننا ماعاد اقدر اسوي شي اكثر
بديت ايأس ..

الله يعينك ويفرج همك
طيب ليس ما تشوفين استشاريه تكلمينها عن وضع زوجك
يمكن تعطيك طرق تنفع مع شخصية زوجك

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

للاسف كلمت 3 ومانفع ماعطوني حلول بس قالوا تحمليه وتقبليه مثل ماهو لانه ماراح يتغير كثير وانا تحملته لكن هو ما تحملني حساس جدا ويحس اني متحكمة فيه تعبت وما شاف نفسه قبل يدقق ويحط فيني سلبيات غريبة
عجزت لو اغلط غلطة بسيطة يقلب علي احيانا توصل للانفصال

ياويلي يا اهتمام
لو ادري ان زوجي مو متزوج غيري كان قلت انك قاعدة تتكلمي عن زوجي
روحي للمواضيع واقري مشكلتي
الفرق انا صارلي عشر شهور متزوجة والحمدلله مافي طلاق
لكن نفس الاحداث تعرفي الي يقولك رضينا بالهم والهم مارضى فيني
كل مااصارت مشكلة جاب الموضوع من الناحيه وقال انا مو متحمل وماقدر اتحملك شوفيلنا حل
يعني حتى ف قرار الانفصال يبغاني انا اقوله خلاص ننفصل
والفرق كمان اني صرت ما اطلع له من البيت يقول خلاص ننفصل اقوله خلاض تصرف انا مالي دخل انت الرجال
يقولي وانتي إمعه اقول اي الي تقرره انت بسويه انا استسلمت
يكرر دائما انتي تبغي تمشين كل شي ع كيفك وتبغين رجال تسيطرين عليه هذا غير تعليق كل مشكلة ف دوامي الي ماله علاقة
انا كنت نفس وضعك الفترة الي فاتت لكن ف بيتي قال ننفصل وانا قلت بنتظر
وجلست انتظر اسبوع ابوي جا كلمنا وصالح بينا ع ايش تصالحنا وع ايش تخاصمنا ماعرف
الي استنتجته اني يبي حياة امنة مطمئنة مستقرة من غير تعب ولا تفاهم ولا مسؤليه
ويبغا انسانه ملاك تغفر وتتنازل ولا تخطئ ووتتحمل بل وتشكر ع عيشتها معه
لكن المحاولة لا باس بها انا قلت بحاول انشاءلله اعرف كيف اتعامل معه هالنوعيه يبغالهم مسايرة وتمشيه
عاد انتي سنتين مفترض تكوني عرفتي وش يبي زوجك او يمكن تكون عرفتي بس مو متقبله الوضع
اذا كان كذا انا اقولك تقبليه وحاولي تغيريه بس من غير لايحس
والله يقويك ويفرج همك ويهدي زوجك ويلم شملكم

دايم يقول ننفصل واحنا في البيت
و علي فكرا الطلاق مقصود المرة الاولى
اما الثانية كان بس يبي يقهرني ومايدري انه يقع طلاق
انتي لا تردين عليه بالانفصال وبيني انه مافيه شي اسمه انفصال بين اي زوجين عشان ما تعيشون على هذي الدوامه اقصد انسوا سيرة الانفصال اهم شي لو عصبتي لاتجيبين سيرة طلاق او بيت اهلك ابداً عشان هو بعد مايقولها
فعلا يبي له مساير وكلمة سم وآمر وابشر وان شاء الله ومن عيوني تمشيه هالكلمتين
لكن انا عند اتفه مشكلة يقلب علي
حتى لو امشي بالسوق وهو جنبي يطقطق بالجوال يقول تمشيني ع كيفك ولما اشاوره وش اخذ هذا والا هذا يقول مادري مايعطيني وجه ويقول تتصرفين بدون اذني
حتى لبست نقاب ضيق وغيرت عبايتي ولبست شراب وانتي بكرامة ومع ذلك يقول عبايتك ماتعجبني
الملابس يدقق علي
وطول الوقت ع الجوال
روتيني وممل ويقطع القلب لا وبعد اذا قربت يدفني ولا يطيق يتروش ولا يطلع من البيت يالله يطلع للمسجد والدوام ومايبي حمل الى الان

تعبت
قررت انفصل

اختي اهتمام

بناء على ماذكرتي زوجك يختلف عني اختلاف جذري وانتي كذلك لست مثل زوجتي لذلك مااقدر اتكلم عنه بشكل دقيق

وبشكل عام انصحك بالتالي

1- بيني له الاحترام والتقدير ولايحس انك مغروره او شايفه نفسك عليه

2- ابتعدي عن مايثير شكه واذا كلمك عن حجابك سوي اللي يبيه واحتسبي الاجر

3- لاتعاملينه بندية

4- اشكريه على الاشياء اللي يسويها حتى لو هي واجب عليه فالكلمه الطيبه صدقه ومن لايشكر الناس لايشكر الله

5- ركزي على ايجابياته وتجاهلي سلبياته فيما بينك وبين نفسك

6- بيني له محبتك بهديه قيمه او كلمه حلوه خليه يحس بالاهتمام وأكيد راح يبادلك نفس الشي


ولا انصحك بالانفصال وتأكدي ان مافيه بشر كامل


اسأل الله لك التوفيق