من زاوية أخرى
مافكرتي تشوفين سلبياتج ؟؟ مافكرتي بخيانتج لزوجج ؟؟
على الاقل زوجج ماخانج ولا قبحج مثل ما انتي خنتية وقبحتية!!

شنو صداقة وبريئة وطيبة؟؟ وش هالمصخرة وقلة الحيا؟؟ وين قاعدة انتي ماتخافين ربج ؟؟ والا ماحولج رياجيل؟؟

أحشمي نفسج ومن الأحرى انج اطالعين بعيوبج قبل لا اطالعين عيوب خلق الله ، ودام الله ساترج هذا مو معناتة انج صح؟؟ هذا معناتة ان الله سبحانه وتعالى قاعد يمهلج عشان ترجعين للطريق الصح!! لكن إن تماديني أكثر راح يكشف علاقتج مع الواطي اللي اتكلمينة!! ووقتها عاد قولي ياليت اللي كان ماصار!!

ساعدي زوجج لانه مسكين ووقفي معاه واذا كل محاولاتج بائت بالفشل انفصلي منة ورديلة كل حقوقة!! بس المهم انج ماتخونين ربج ونفسج واهلج بعلاقة غير شرعية!!

أستغفر الله واتوب إلية.

__________________
استغفر الله واتوب إليه

ردك عجبنــــــــــــــــــــــــــي
برااافووووووووووو

اختي
لا احب ان اتكلم كثيرا
الامر باختصار شديد
ان المرأة تتمسك بزوجها لاجل اربعة امور
الجنس ...... و هو لا يشبعك و لا ترغبيه منه
الحب ..... انت تكرهينه
المال ..... ظروفك الماليه جيده و لا تحتاجين المال منه
الامان .... سريع الغضب و ضربك مرتين .. يعني هو من اصبح مصدر التهديد

اذا فما حاجتك به ؟؟

من اجل ابنك ؟؟
ابنك يحتاج لامه اكثر من حاجته لابيه .. و باستمرارك معه تدمرين نفسيتك و صحتك و تصابين بالامراض النفسية و الاكتآب و بالتالي سيؤثر ذلك علي عطائك لابنك .. و لن تعطيه ما تتمنين ان تعطيه له

لذلك انصحك بالطلاق .. و فورا .. فالطلاق بالنسبة لك له مميزات كثيرة ..
1- سيريح نفسيتك من كل هذه الضغوط التي تعانيها مع رجل مثله
2- سيكون بالك مرتاح و نفسيتك هادئه فتربين ابنك ببال رائق
3- سيفتح لك هذا الامر باب الارتباط بمن تحبيه و تجديه مناسبا

صح لسانك يااااااااااااا بطل ... وهي تستاهل اكثر.... زالله كلامك صح.. بس مو ملاحظ انك تجاوزت حدود التهذيب في كلامك معها؟؟!! هذا ما اتهمتني به عندما عندما كنت اخاطبك في مواضع ومواضيع ثانيه!!! شفت اخوي كيف انه القلم .. حر .. والدم .. يفور ... بس عجبني ردك عليها

أختي... اقري رد دانة سوريا و رد سيدة الموقف عدل...

شو الخطوات العمليه اللي اتبعتيها معاه؟

استغرب انه طبيب و ما يهتم بنظافته الشخصيه!!!!!

ننتظر ردج اختي...

السلام عليكم و رحمة الله و بركاته

اشكر لكم جميعاً مشاركتي مشكلتي و كل حرف كتبتموه من أجلي

لن أرد على اساءات البعض و عدم استخدام ألفاظ لائقة حتى و ان كنت مخطئة .. لسبب و هو أنني من وضعت هذا الموضوع لعموم المشاركين و لم أخص فئة محددة يعني بالعامي _ أتحمل اللي يجيني _ !

بالنسبة للتعليق على صلب الموضوع ..

الكلام من نوع تقبلي شكل زوجك و بتشوفيه اجمل رجل و اوسم رجل في العالم .. احسه كلام نظري صعب التطبيق ..

غصب اركز على ما ينفرني منه .. غصب اشمئز مو برضاي

اعرف انه ممكن يلاقي بنت ترضى به على عيوبه كلها .. و اعتقد ان امر حصوله على زوجة ثانية بسيييييط جداً بحكم عمله في مجال مختلط , و بحكم منصبه و وضعه المادي و الاجتماعي ..

لكن بنفس الوقت هذا الشي مو قادر يجبرني اتقبله عشان احافظ عليه من الوحدة الثانية ..

بصراحة و عشان اكون معكم صادقة .. ما كانت لي محاولات مستميتة في تغيير شكله او الاهتمام بشكله حتى من أجلي .. كنت اشوف انه كبير بما يكفي انه يهتم بنفسه ما يحتاج اجي انا و اعلمه

و كنت احب اشوفه هو انيق و هو يحب الكشخة و اللبس و التسنع .. خصوصا ان راسه ياااابس

يمكن المحاولة الوحيدة اللي سويتها هي اني اقنعه يستخدم مزيل العرق بشكل يووومي .. و طلعت مرارتي على ما وصلت للي ابغاه .. و كانت حجته انه يخاف من امراض الجلد و الاورام الخبيثة حمانا الله و اياكم منها ..

تعبتتتتتتتت على ما اقنعته بنوعية خفيفة و آمنة ان شاء الله .. اهم شي النظافة و اخيييرا اقتنع و صار يستخدمها من نفسه

كنت احاول شوي بعد زواجي بشوي .. بس بصراحة كان على شكل انتقااااد اكثر من انه اهتمام و حرص لاني كنت قرفانة منه .. و طبعا ما يستجيب و يتحجج بأعذاااار ترسخت في مخه منها هذا جسمي لو اجلس بالصالة مليون سنة هذا جسمي ما يتغير .. قلت له عشان التثدي يروح يشيله عند الجراح بالشفط خاااااف على عمره لا يموت بالعملية , يقول هذا جسمي الله خلقني جسمي مو حلووو

انا حتى لو قلت في بالي و انا افكر بيني و بين نفسي اني راح اتقبله و راح احبه و هيك .. بس يجي في وجهي فوراً انسى كل هالكلام و يرجع الشعور بالاشمئزاز

مو عارفة ايش اسوي

بالنسبة لولد عمي .. اعرف انه ماضي و انتهى .. لكن احياناً افكر فيه من ناحية وسامته و اني كنت اتباهى فيه .. مع ان وسامته ما نجحت في الحفاظ على علاقتنا , هدمها البخل و ضعف الشخصية
لكن دايم عندي شعور اني ظلمته لانه كان يحبني , و كمان انو بعد ما انضربت من زوجي مرتين طاااااااااح كرته من عندي مرررة مع انه اللحين زين وياي بس خلاص احس هالموضوع شكل صدمة في حياتي مستحيل انساها ..

انا صحيح ما ابغى اظلمه ..

لكن بنفس الوقت و الأولى اني ما اظلم نفسي و لا اظلم هالولد معاي ,, هو ماله ذنب

راح اقتبس من بعض الردود اللي فيها اسألة و استفسارات و ارد عليها

لي عودة

اشكر لك لؤلؤة الصباح مرورك المليء بالايجابية و التفائل

اعطيتي حلول عملية كثييييييرة .. فشكراً

انا بالفعل ادعي ربي دوماً أن يزين زوجي في عيني

اان يرضيني بما كتب لي و لا يطمعني بما ليس لي

لكنه لا يزين و لا أنا ارضى

و انقهرررررر بعد اذا شفت وحدة بالسوق زوجها حلووووو

ينكسررررر قلبي و اتحسر ع حالي

لا عاااااد مو لهالدرجة ههههه

لكن والله صاااادق .. انا بمجال مفتوح و احاول اغض البصر قد ما اقدر

لكني والله أعاني .. أجاهد نفسي , ليتني جالسة ببيتي ما اشوف احد ازين لي

المشكلة اني مو مدح في عمري .. لكني جميلة و اهتم بالأناقة و الشياكة و اللبس المرتب و بالتالي أحظى بالاعجاب كثيراً

هالشي يزيد من غروري و يحسسني أني استاهل احد أجمل من زوجي !! استغفر الله

>>> والله العالم اني ادري انكم بتزحفوني على وجهي عشان هالكلام بس والله اني ما اعدكم غير اخوان و افضفض لهم عشان كذا قلت

مو قادرة اكتممممم اكثر من كذا

سهل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صدق اللي يده بالنار مو مثل اللي يده بالماي

عشان اوضح الصورة هو ملامح وجهه ما علامها زينة مقبولة

بس هو سمييييين و مو سمنة عااادية , يعني ما بكووون بهالسخافة

لااااا مترهل و زواااائد و تثدي و اشياااء وعععع , يعني مو توزيع طبيعي

لما تزوجنا ما كانت مشكلة كبيرة لانه اساساً ما كان سمين كثير كان لسه جاي من غربة و نحيف .. اما بعد الزواج طقققق وزنه مرررة و برزت مشاكل جسمه اكثرررر

بنت الحكمي هاتي راسك أبووووسه

حسيتك كتبتي الردددد من قلببببببب .. الله يحريم ايدياتك على النار

أنا بالفعل ما أحبه بصدق

أنا وحدة ما اعرف أحب ..

ان هو عاملني باحسان و لاطفني حبيته , و ان هو استلعن معاي كرهته

احس ارتباطنا ضعيف .. و هذا الشي ارجعه لبداية زواجنا كان عدم تأقلمنا يسبب مشاكل كبييييرة جداً خصوصا اني عصبيييييية و مثل ما قلت من قبل انتهت مشكلتين بالضرب و لاب توبي انكسر و راح كل اللي فيه , لوحات تكسرت , المودم انكسر , الجدار من جنب الباب انشلخ شوي من قو الصفعة بالباب .. كل كل هالخراب انا اللي سببته افرغ حرتي حتى لاب توبي انا اللي كسرته <<< مافي رمز يصيح كل دموووع الدنيا

المهم بسبب هالمشاكل احس انا مالي خلقه , احس حياتنا ممكن تنهار بأي لحظة , ما احبه اغلب الوقت

رغم اني احسه انه يحبني اكثرررر مع انه ما يقول كلام رومانسي و لا يهدي هدايا ابدا .. اول كنت اتضايق ليه هو كذا .. اللحين ما يهمني قال و لا بعمره

مع اني احس لو يقول شي رومانسي ممكن يتغير الشعور شوي بس مدري

رغم هو الاغلب انه يناديني و يكلمني و ما يقول غير حبيبتي , لكن انا استثقلها و ما اقول له حبيبي , لاني احسها تطلع ثقيلة و انا كذابة

بالنسبة لكلام الناس .. بصراحة انا في فترة من الفترات كنت انا اللي اعلق على شكله عند اهلي ,, و انه مو عاجبني و مدري وشو .. و لما قاموا هم يعلقون كمان , غرت و سكت و صرت ما ارضى يتكلمون عنه

مو اني اقتنعت بشكله و حابته .. بس عشاني اغااار منهم و ما ابغاهم يقهروووني

خصوصا انهم كلهك ازواجهم من مستوى حلووو الى مقبول

والله انا مشوااااري طوييييييييييييييييييل

و ممكن احتاج العمر كله عشان اقتنع بشكله و احبه و يصير بعيني مثل ما تقولين اوسم رجل بالعالم و اجمل رجل

و مثل ما تفضلتي ولد عمي بخله ما غطى على وسامته و أنجح علاقتنا .. بخله اعمى نظري عن كل شي و كنت ابي اشتري نفسي من بخله و من تحكم أمه فيه و فيني ..

زوجي اللحين كرييييم لدرجة ان الفلوس برصيده كلها لي .. و يظل يعطيني اللي ابي لما يخلص حسابه ما يقول لي لا .. و ولده ما يشتري له الا الغالي و الزين و احسن النوعيات و مهتم براحتنا ..

لكن كمان كرمه ما غطى على قبح شكله ..

ياربي ليه نصيبي كذااااا

ياربي في ناس حلوين و كريمين و يحبون زوجاتهم مو ضروري يكون خربان و يبصبص لمجرد انه جميل .. <<< دمووووع

وش اسوي