اقتباس:
المشاركة الأصلية كتبت بواسطة ماريا 13
شكرا لردك حلواية
و بعد الشهرين بناموا كويس ؟ و بسريرهم ؟
|
بصي يا بنتي انا مؤمنة ايمانا تام ... ان كل طفل غير التاني ... والعادات مش كل طفل بيتعود عليها بسهولة بتختلف جدااااااااااااااااااااااا
دايما دايما تتبعي غريزتك ... يعني (حاولي ) تعملي الصح بقدر المستطاع والباقي بغريزة الامومة وبطبع طفلك
في اطفال ماتسمعيش صوتهم وبنامو على نفسهم كدا .. من غير تعب خالص
يعني في دكاترة كانو يقولولي لو ابنك رضع مرة واتنين ومغير ومافيهوش حاجة.. ومنامش وبرضه بيعيط سيبيه يخبط دماغه في الحيط وهينام لوحده ...!!!!!
معقول كدا !!! عملتها بتاع 3 مرات اسيبه يبكي ساعة وساعة ونص .. لحد ماقلبي اتقطع ... وبعدين اكتشفت انهم غلط خالص .. ابني كان عياطه (صريخ) كتير 24 ساعة بيعيط بأدوية المغص ومن غيرها ... و24 ساعة رضاعة ... ولا كنت بنام ولا برتاح ... بس للامانة كان ممكن ينام بليل 3 ساعات متصله .. غير كدا كان صعب اوي
يعني الرضيع اللي هو اكبر من 6 شهور طول ماهو بيرضع هيفضل يصحى بليل مرتين على الاقل ... لو طبيعي
لو صناعي بيكون مرة على الاقل ..
يعني انا بقعد اعوده ينام في سريره اكبر فترة ممكنه ... ولكن مبيحصلش انه مثلا يغفى على نفسه كدا في سريره ... لازم يكون بيرضع ويغفى ويدخل في النوم في خلال ده ...
لما بيتفطم بيقعد يمكن بعديها شهرين يصحى بليل متعود انه هيرضع.. يشرب مية ويعيط شوية وبعدين ينام ...
وبحاول انيمه لوحده ويصحى يمشي يجي جمبي ...
لحد ماكبر شوية بقيت برجعه واقعد جمبه شوية واقوم
ودلوقتي ماشاء الله تبارك الله خلاص الحمدلله
انما طول ماهو صغير عنده شهر عمره ماهيفهم ايه جمبك وايه في سريره على الاقل اول 4 شهور
وسريره اساسا بيبقى صغير اوي ولازق جمب سريرك عشان بيصحوا كتير في الفترة دي.. وبيجوعوا بسرعة..
وكمان السن ده بيجيلهم تحسي هجمات كدا تخليهم يصحوا طول الليل بيبكوا مهما عملتي .. الهجمات دي بتقل لما بيكبر بس بتتوقف على ظروف كل طفل عن للتاني في ناس تقولي بعد الاربعين هترتاحي .. وفي ناس كانت تقول على شهرين ودكتور قالي بعد 4 شهور ..
اللهاية فايدتها انه في الي الفترة دي (حديث ولادة) بيبقى عاوز يمص كتير 24 ساعة فبتريحك شوية .... وكمان مابتبقيش عارفة ايه سبب العياط احيانا كتيرة هل هو مغص ولا جوع ولا تعبان ولا ايه ... واول مابترضعيه بيسكت .. !! فاللهاية مريحة في الحالات دي
بعد مايكمل 4 شهور المغص يبتدي يخف شوية وبعديها بشهرين ياكل هتلاقي نومه نوعا ما بأه اريح...
معلش استحملي هي فترة وهتعدي .. الواحد بيقعد اول كام شهر دول بيحس ان الليل طويل .. وانه مفصول عن الناس والكرة الارضية
وجربيها ماتقلقيش ... سهل انك بعد كدا تمنعيها منه ... خاصة بعد 6 شهور.. هيبتدي بلعب ويتلهي عن الجو دا