أعتقد انه اختك مراهقة ومتهورة بعض الشيء ... لا بأس
كوني حكيمة ... لا أنصحك بالشكوى و التشكي لأحد لا لأمك ولا أي أحد ثاني
كل إللي عليك تسويه تستغلي جلسة صافية بينك وبينها وبدون إظهار أي مشاعر عدوانية
وتجيبيها بمزح ... ولا بأس أن تتعمدي الإحراج قليلا وتتكي عليها شوية ... وقولي لها:" يقطع شيطانك إيش الهبل إللي سويتيه ديك المرة... والله إنه أنا و فلان بس نزلتي من السيارة إننا متنا ضحك عليك
و على العباطة إللي سيويتيها... وصار أبو فلان يقول هي إيشبها أختك جنت ولا إيش.."
ومن دا الكلام وأختاري الكلام إللي يحرجها ... عاد أختك وانت أعلم بها .... تعرفي المراهق حساس شوية راح تتأثر وتعرف إنه إللي سوته لا فيه إغراء ولا شي بس هزأت نفسها على الفاضي. ولا تتضايقي المراهقات عليهم حركات أخص من كدة ... وإذا عاودتها عاد المرة دي سويلها مشكلة وخاصميها خصمة جامدة وعرفيها انها تجاوزت حدها.. وانك المرة إللي فاتت عديتيها بمزاجك لكنها ما حست على دمها..
و الصراحة ما أتوقع راح تعودها تاني بعد التلميح بالذات إنك اختها و بتموني عليها... إذا مافي مشاكل بينكم وكنت منسجمة معاها خصارة توتري علاقة الأخوة إللي بينكم بسبب تصرف أرعن من أختك وتروحي تدخلي الوالدة وتكبر الحكاية! حلوا مشاكلكم بين بعض كدة الأخوات التمام.