توقفت هنا واذهلت بصراحه اذا كلامك صحيح مو وساوس

اقلك زوجك مريض مو لدرجة بنته حرارتها عاليه ويسوي كذا

الله يكون في عونك والله شي مؤلم طيب ياخي خلص الاجراءا وروح مارس هوايتك

كوني له جميع الشخصيات الي يحبها خارج المنزل

احتمال هذا الشي ما وجده فيكي

-





هل الخيانة وصلت للزنا انتي تقوليين وصلت للمقابلة
انسان لايبالي
خاين
لايوجد عنده حس بالمسئووليه

لايكلف الله نفس الا وسعها مشكله انه عمره 40 او بيوصل للاربيعين
بتفكير شخص عمره 15

__________________
استغفر الله وأتوب إليه

ثقتك الزايدة في نفسك وانشغالك عنه ممكن سبب خيانته
هذا حال الزوج أو الزوجة اذا ما اتشبعت عاطفتهم في بيت الزوجيه شيء أكيد راح يدوروا تعويض النقص برا هالبيت طبعا البعض وليس الكل
لكن مايصح انك تتكلمي ع خلقته وشكله لأنها من الله .مهما كنتي زعلانه منه.مدري ليه حسيت كلامك قاسي وجارح بس نصيحه من اخت دام بينكم اطفال ودام زوجك طيب وحنون العني ابليس وسامحيه وحاولي تهتمي فيه وتعدليه عشان اولادك وصدقيني هذي نزوه وبتروح باذن الله وهذا ترى حال ازواجنا مع تطور وسائل التواصل والانفتاح.الله ييسر امرك يارب ويسخره لك...

الله يساعدك ويكون بعونك
لن يشعر بمعاناتك العظيمة إلا من عاش الدور الذي كنتِ تعيشينه
دور الأم والأب معاً ودور الزوجة التي تضطر أن تكون أماً لزوجها لأنه لايريد أن ينضج ويكبر
ويلتفت لبيته وأولاده

الزوج الغير مسؤول زوج مؤلم نفسياً ومنهك جسدياً لزوجته
تشعر المرأة معه أنها متزوجة من نفسها وتقوم بنفسها والمشكلة حين تكون امرأة لاينقصها شيء
فتضطر أن تعيش تحت وطأة ظروف تجعلها تقنع وتسكت بأي شيء من أجل أطفالها


عشت سنوات من القهر وأنا أحاول أن أتغافل عن زلات زوجي وسلبيته وأنصرافه لملاهيه
حاولت أخلي المركب يمشي حتى جاءت الطامة التي جعلتني أتخذ القرار الحازم

جأتني فترات بدأت فيها أشعر بأني أفقد أنوثتي وأفكر كما يفكر الرجال بالمستقبل والتدبير
ورسم الخطط والسعي لتأمين مستقبل العائلة والأولاد

لكن يد واحدة لاتصفق وخاصة إذا الطرف الثاني غير متعاون وغير جاد وإتكالي وعايش حياته
وجوه وأنتِ حارقه بنفسك

والله ما ألومك على لهجتك وقسوتك التي عاتبك البعض عليها
أنتِ تتحدثين من عمق الآه من تحت وطأة المسؤولية المنفردة وليست المشتركة

ياعالم لاتلوموها
الحريم عايشات معززات مكرمات عند رجال حقيقين مهتمين بأولادهم ساعين بكفاح
لتأمين مستقبلهم مهتمين بزوجات تجدي الواحدة منهن تستحقر أن تقول للرجل شكراً
ويعطيك العافية ومع ذلك معززه عنده ومكرمة

كله إبتلاء واللهم لا أعتراض
لكن من لم يجرب معنى حياة الزوجة الوحيدة في ظل زوج وجوده زي عدمة لايعتب عليها
ولايقول مقصرة معه
هو طبعه كذا
رجل بعقلية مراهق
رجل مغزلجي حاب يعيش الجو ومفتون بالنساء

أيش بيدها تسوي..؟!!

أنا ممكن أنصحك زي نصيحة الغالية أم خالد الله يسعد قلبها وهي تبغاك ما تشتتي شمل اولادك
أنك تعيشي حياتك وتعتبريه برستيج إجتماعي
مثل مايقولوا الحريم الصبورات حوالينا
أو تعتبريه ظل ورجال في البيت وأب يظلل على أولادك

بس الشعور النفسي قااااااهر والضغط النفسي مدمر للصحة لأنك شخصية حارة وعملية
وماتحبي الحال المايل ماراح تقدري تسكتي وتكملي
فأيش تعملي بها الحالة ...؟!!
تجدي استراتيجية للتعايش معه تريحك

في وقت من أوقات حياتي
كثير قالوا لي ياسيدة أعتبريه باب خيش يعني رجل والسلام
وإذا طول بالسهر قفلي باب الفيله وحطي المزلاج وينام بالملحق لحد مايفوق من سكرته

ماقدرت أتحمل أكثر
نفسي طقت من التعامل معه وكأنه أحد ابنائي والمشكلة أكبر مني بفرق كبير المفترض هو
إلي يربيني ويعلمني ويوجهني ويزرع بداخلي الأخلاقيات وكنت قد بدأت بالتعايش لكن
أتى بالبدع

توته لاتصيري سلبية وقفيه عند حده
وأبلغيه يا يتعدل ويصير رجال زي الرجال يا أنك راح تنفصلي عنه لو من باب التهديد والتأديب فقط
وقولي له أنا موقادرة أربي عيالي مع أب بمثابة قدوة غير صالحة وممكن يأثر عليهم خليه يصحى

أعطيه القرار بيده وهو المسؤول بعد كذا ويتحمل تبعات أعماله
لاتفكري بالإنفصال قبل أن تمنحيه فرصة واثنين وثلاثة عشان خاطر أطفالك

أنا لو زوجي كان مايسكر كنت راح أجد لي استراتيجية جديدة للحياة معه والتأقلم
بشرط أكون مرتاحة
بس ماترك لي فرصة , جاني بشيء ما أقدر أتعايش معه ويهدد آمان أطفالي
وأنتِ عارفة الخمر ومايفعل لذلك
أبحثي عن طريقة لتأديبه والتعايش معه
أنت فكري فيها بعقلك وشوفي أيش مكاسبك من بقائك معه...؟!!
صدقيني حنا كسبانات أولاد وإستقلالية وبيت نعيش فيه بدون محد يقول لك
مايصح تعيشي لحالك بوسط هالمجتمع الي بعض عيناته مريضة وتحارب المطلقة
وتمنع إستقلاليتها حتى لو أهلها متفهمين وراضين

أسأل الله أن يعينك ويهديه لكِ

__________________

اختي

انتي ليه معطيته وقت ياخذ راحته؟

اسلوبك معه مشجعه يستمر بمراهقته

نصيحتي باختصار اشغليه , لاتسوين كل شي يخص الاولاد او المصروف او المشاوير
حاولي تبينين انك موب حريصة كثير على الامور المشتركة بينكم , لكن شبي عليه يقوم بواجباته

يافلان سو كذا , وين الغرض الفلاني , ودنا , جبنا نبي كذا وكذا, لو اذا طلع تخربين الثلاجة وتتصلين عليه تعال ثلاجتنا خربت والاكل بيخرب وووو عشان ينشغل ويرهق ولايكون عنده وقت للخرابيط.

خلك حنانه و مشغلته دايم, ادري مو شخصيتك لاكن اذا ودك تغيرينه وتمشي حياتك لازم تظهرين بالشخصية هذي قدامه.

الطلاق انا ضده تماما دام فيه أولاد. والاصلاح ممكن دائما لكن يبيله شوية دهاء وكيد نساء.

عندك عيال منه؟ ممتاز ,,, اشغليه فيهم , ضخمي تعبهم او احتياجاتهم له , خليه يقوم بكل شي ممكن
ركزي في كثرة مطالباته بهالامور والتكرار عليه.
اذا طلع اتصلي عليه كل شوي, وينك ووين رحت ومتى بتجي , وجب لنا معك كذا وكذا..

نوعية زوجك مايصلح له الا شخصية المرأة اللي كذا..المرأة الاعتمادية عليه..فإما أن يتسنع ويشيل مسؤوليتها ومسؤولية بيته والا ينحاش ويطلق...ان طلق ساعتها الذنب ذنبه....
شخصيتك الحالية امراة تتحمل مسؤولية وكأنها رجال وتقوم بكل شي وعندها حس عالي من المسؤولية تخلي رجال زي زوجك يتمادى في أن يعيش مراهقته ويعيش حياته وينبسط والحمدلله عندي زوجة ضامن اخلاقها ودينها وضامن انها بتشيل البيت والعيال.

يوم اكتشفتي مكالماته وعلاقاته اكبر خطأ أنك تطنشين بحجة ان البنات مو بذاك المستوى او ان ذوقه غبي ,,, لاغلط, الخيانة خيانه سواء مع وحده شينه او ملكة جمال, غلط تحتقرين هالامر وماتهتمين , هذا تشجيع ضمني له.

مفروض تقلبين الدنيا على راسه وتهاوشين وتزعلين وتبينيين له ان هالامر خطير دينيا واجتماعيا
وقوليله وش يكون شعورك لو اتعرف على رجال واجلس اسولف معه واسوي معاه علاقه؟ ترى أنا لي مشاعر وعندي كرامة.

اعانك الله

بالظبط..

مدري وش ارد عليك .. جد جلطتني.. طباخه وام عيال وبوابه (افتح له الباب لانه دايم ناسي المفاتيح)
وخدامه . ومستشاره.. وممرضه.. واخر الليل رقاصه .. اكثر من كذا وش اسوي؟!

مو هذي الفكره اللي احاول اوصلها

عطيته خبر .. وهو مسوي ولاهمني كلامك.. واجلسي عند اهلك لين تطحلبين وتحمضين..

مو هذا اللي مخليني اتردد عيالي..

كلامك معقول.. يمكن حس انو مايصلح لي.. عشان كذا كان يدور الاقل .. الحلقه الاضعف من
العاهات اللي يغازلهن عشان يحس بتفوق.. وحاليا لقى وحده .. اتوقع حبيبته منذو مبطي..
هاللي خلاه يتغير حيل الفتره الاخيره .. وخلاني خلااااااااص .. بموت من حركاته..
يعني ................... انا متحملته عشاني زوجته وام عياله ..وهو جنه ونار.. انتي وش حادك عليه؟!!
المصيبه انها متزوجه ومنحله .. هاللي خلاني اشك ان علاقته الاخيره فيها مقابلات ..
لانو تغير علي تغير واضح وقوي..

سيدة الموقف .. ياشيخه روحي الله يسهل امرك ويوفقك وين مارحتي<<دعوه من قلب قلبي
من جد جبتي كل الكلام اللي عجزت اشرحه.. صعب اني اعيش الدورين..
وخصوصا .. ان طبعي فيه انوثه وحابه انوثتي مابي استرجل .. مابي اشيل هم ليه السخان خرب .. ومتى بيصلح
بعد حن وزن .. وبالاخير انا اللي اتفق مع السباك .. وهو بس محتاجين زوله انه رجال بالبيت..
كرهته لما اجبرني اتعامل بخشونه .. واشيل اشياء مو من مسؤلياتي.. وبالاخير .. يوووه نسيت اصرف عطيه
وانا اعطيك بعدين .. !! وهلم جرا