مشكورين حبايبي ع التفاعل

والله ريحتوني بردودكم,,

بس انا بين الحين والاخر يتعبني التفكير..واتوسوس..كل شي صامت قدامي..

هل هو ناوي يطلق او يتزوج علي او بيقعدني سنه عند اهلي يأدبني مدري والله
واذا شفت ابوي يصد عني مايقولي بخصوص مو ضوعي~ ونا اذا فتحته يحط اللوم علي ويعصب ونا مالي خلق اخرب مزاجي ويوجعني راسي ع الفاضي..

الي سويته الحين ادعي ربي واستفغرهـ مآلي غيرهـ في مصيبتي,,

ومسأله المسج ارسلت له لكن ماعطآني وجه,, واصلا قفل رقمي الي يعرفه مؤقتآآ..

كل شي مسكر قدآآمي ما قدآآمي الا الصبر والحيرهـ

وش تتوقعون؟؟

اتوقع بيخليكي فترة وبعدين يرجع ويمكن متفق مع ابوكي مدام ابوكي حاط عليكي اللوم ومايفتح الموضوع....ومع كذا ارجع اقولك والله مافهمت وش المشكله اللي اللحين متزاعلين عشانها ...

أختـــــــــــــــــــــــــــــــــــى أسمعـــــــــــــى :
_________________________

أنا أعيش فى بيت عائله وأعلم أشياء كثيره رغم صغر سنى أحب أخبرك بيها
أختى الزوجين المحبين لبعضها النار بينهم مهما تزيد وهج بتنطفئ
لكــــــــــــــن الماء التى نعتقد أنها تطفئها تزيدها وهج وتشعللها أكثر فـــ أكثر إلى أن تحرق كل شيئ أمامها .

أختى الكريمه ماحدث بينك أنتى وزوجك تـــــافه وبسيط لأن الغيره والعصبيه بين الازواج متواجده دائما وأحيانا الزوجان يقصدان أن ينكدون على بعض حتى يتهاوشون من ثم يتصالحون
وتكون ليله رومانسيه مختلفه لأن الصلح بعد الغضب يزيد الشوق واللهفه
زوجك حب يفعل ذلك فعلا وأعتقد أن هذا ماكان يدور بعقله حتــــــى أنتى أيضا بداخلك أنها زعله بسيطه ونهايتها صلح ورومانسيه

لكــــــــــــن المشكله ان الشيطان لم يترركم إلا أن أخطأ ثم أخطأتى

لكن هذه المره ليس كــــ كل مره بـــــــال أمام من

والديه أباه ثم أمه

فهـــــــل تعتقدين أن لو زوجك حب ان يتصالح معك أمه صاحبة العقل الصغير ستوافق يكفى أنها هتقول له انت ليس راجل
وأبوه كذلك

كلهم الأن يشجعونه على هجرك وهم من شجعوه على أن يعطيكى حاجتك وكل أتصال من أهلك لأمه يزيدهم عناااااد وقوه

أختـــــــــــــى أنا مثلك سأتزوج فى مدينه غير المدينه التى بها أهلى وأهل زوجى

لذلك أنصحك تأخذى أبنك بدون علم أحد كأنك ستذهبين لأصدقائك

((((((((((((( وأذهبى لعمل زوجك .. وأجرى عليه وكأنك كنتى تبكى .. وأمسكى يده وقولى .. لن أعيش بدونك ياحبيبى وعيطى .. والرجل ياأختى للعلم أحن من المرأه وأقل منها شراسه ومكر ))))))))))))))))

لذلك سررررررررررريعا ما يهدى ويصالحك فى وقتها

لكن أمــــــــــه مهما كانت طيبه فلن تجعله يصالحك بسهوله بعد خطأك أمامها .

لذلك الوساطه هذه فاشله ومن الممكن ستصل بك إلى الطلاق

فالسفر لزوجك أهم ولا كراااااااااااااامه إلا كرامة زوجك وحياتك بحضنه وانتى مازلتى زوجته حتى لو طلقك الشرع يحلل وجودك فى بيته إلى ان تنتهى العده وهذا امر الله


فكيف لا يطبقون شرع الله

__________________

مشكورهـ اميرآت ومصريهـ

بس يامصريه مسأله الواسطه انتي صآدقه الام مهما كان تاقف مع ولدهآ وانها شافت الغلط بعينها علشان كذا انا

احس بيصير شي قوي لي مو تأديب وبس.. مهما كان زوجي يغفرلي وهو يحبني..لكن اهله بيذكروه بالغلط,, وتكبر برآآسه بيسوي اي شي يآخذ بثأره لو هو مايبغى,,الله يستر بس!!

والله خايفه اخسرهـ؟؟ ادري ماراح الاقي مثله’’

ومسأله اني اسآفر الى المدينه الي هو فيها احسها قويه الدعوه قص تذاكر ووو وعندي ابوي يسأل عني كل دقيقه وثانيه اذا طلعت..اي مكان..

ونا زوجي اعرفه طيب بس اذا عصب على شي عصب بقوه مايرتاح الا اذا طاح الي برآسهـ

هذي طبيعته مع اصدقائه واهله,,

جاني احساس انه خلآآآص كرهني اذا تذكرت الي صآآر احس اني ماستآآهله,,اوووووف ياشين هالاحساس,,

تعبت..

قولو لي وش اسوي عطوني خبرآآتكم ؟؟وتوقعاتكم؟؟ابي ارتآآح

عليك بالثلث الأخير من الليل .. والصدقة , وادعي ( يا من يحول بين المرء وقلبه , ويا من رد يوسف لأبيه يعقوب عليهما السلام رد لي زوجي ردا جميلا )

الله يعينك اللي صار معك واحد من ثلاثة و الله اعلم

** اما انها تراكمات اشياء بسيطة اغضبته من تصرفاتك اليومية و انتي ما لاحظتي
لغاية ما انفجر ... و هذا اسلوب تاديب على قولته و بترجعي بيبتك ان شاء الله بس بعد حين

** او انه زوجك يمر بظروف صعبة انا بالشغل او مالية او عنده اي مشاكل و مو طايق نفسه ...و كلامك معاه باخر مشكلة خلاه يقى فرصة يطلع غضبه فيك .,, فا ان كان الموضوع كدا .. برضو ان شاء الله فترة و تعدي و بيرجع لك

** او انه والله اعلم ناوي على نية زواج ثاني و هذه كلها مسرحية .. عشان بالنهاية تقولي نارك و لا جنة اهلي و تقبلي تعيشي مع ضرة .. او يبي الطلاق يجي منك .. يعني بيخليك معلقة لغاية ما تملي و تطلبي الطلاق ..

مالك حل الا الصبر .. حاولتي تتواصلي معاه و رفض .. اتواصلتي مع اهله اكثر من مرة و من خلال عدة وساطات و ما نفع ... خلاص ياقلبي .. سيبيه و اصبري و شوفي على ايش ناوي و ساعتها لكل حادث حديث ..
انتبهي على نفسك و صحتك و ابنك ماحد بينفعك بالدنيا اذا صار لك شي و مرضتي لاقدر الله ساعتها صدق بيرجعك بيت اهلك للابد ...
صح غلطتي لكنك حاولتي تصلحي الغلط وهو ما اعطاك فرصة .. ايش بتسوي يعني ؟؟
خلاص سويتي اللي عليك ..
طنشي تعليقات ابوك .. و حاولي تكسبي وده بالكلام الطيب و خدمته . فا تصرفاته معك لاانه خايف عليك بس و ما وده بيتك ينخرب

فا نصيحة اخت .. اهتمي بابنك و صحتك .. و استمري بالدعاء و ربي يهديه لك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

شكل زوجك ضابط ما ادري احساس كذا انه عسكري وضابط

انا اقول لك ما عندهم سالفه يتصيدون الاخطاء على البشرية وهذا ما تدربوا عليه بالكليات العسكرية

تخزين كل شئ يحصل بالذاكرة ثم قذفها بالعيار الثقيل

اختي انا استغرب ردة فعل ابوك حقيقة بدال ما يحاول فهم الأمور منك واللي حاصل حكم عليك بالخطأ مباشرة دون ان يعود الى مجريات التي حدثت

اتوقع فيه بعض الامور مفقودة فمستحيل بمجرد رساله وكلمتين بلحظة غضب يجمع كل الاغراض

الا اذا كان يدور الفكة من اول ويدور الزلة والان لقاها ويبي يفتك منك

لكن ادعوا الله ان يرحمك برحمته وعسى ان تكرهوا شيئاً وهو خير لكم

فية وحده تقرب لنا تزوجت واحد كان ما يصبحها ولا يمسيها الا بكيل من الاهانات

وطلبت الطلاق وبعدها تزوج من اخرى ونفس الاسلوب طبقه فتحملت الزوجة الجديده

وعلى كلام الوالده تقول انها نحفت وصارت هزيله ووجها يخوف من الهم اللي عايشه فيه

فحمدي الله

ونصيحة اجلسي مع ابوك وقولي له يا ابتي بكلمك من بنت لأبوها واسمعني للآخر

واشرحي له كل شئ وقولي له زوجي يتهمني اني ما تربيت وانا تربيتك انت

انت مربيني وش عنده من مبررات اني ما تربيت علشانه انفجر بوجهي مثل المدفع ورديت عليه امن مو واثق من نفسك


خلاص ما تربيت وهو هزئني وسبني قدام اهله وانا متحمله

خلي ابوك اذا جا يرجعك ان شاء الله يقوله يا ولدي ترا صار كذا وكذا وكذا

اما مسأله انه رفض يدخل بيت ابوك فهذي بصراحة اهانه بحقه وابوك كتمها وشايل هم انك تتطلقين

وزوجك باين انه عارف ان اهلك ما يحبون انك ترجعين لهم ومستغل هالنقطه

وفيه شوفة نفس بزيادة حتى جلوس للتفاهم ما جلس ولا دخل

الله يعينك عليه ان رجعتي له

مشكورين حبايبي ع التفاعل..

واقولكم ايش صار معي اليوم ؟دق زوجي ع ابوي علشان بكره العصر بيآخذ الولد..

وماقالي ابوي ع شي عن وضعي,,

ودقيت ع عمي الي يعرف السالفه قلت له قال الا الحين مانتي عارفه وضعك يخليك ع كيفه ببيت اهلك وويآخذك بالوقت الي يبيه هذآ الشي اهانه لكـ

هل هذا الشي فعلا اهانه اني ماعرف شي غير انتظآر شي ماعرفه؟؟

شيرو علي ايش اسوي وممثل ماقلتلكم ماقدر افتح الموضوع مع ابوي اذا فتحته ينقلب علي ويضيق صدري واقعد ابكي,,لاشعوريآ..

الله يعيني دعواتكم

حسبي ربي لا اله الاهو عليه توكلت وهو رب العرش العظيم..

لك مني الدعاء أختي الفاضلة
أسأل الله أن يفرج عنك ويرد زوجك إليك ردا جميلا
وزوجك يحبك إن شاء الله واللا كان طلق من زمان فمالذي يمنعه من الطلاق يوم رديتي عليه
ولعله يؤدبك - لكن لأننا لا نضمن هل يلعب عليه الشيطان أو لا - فلذلك أنصحك بالدعاء والاستغفار حتى تنفرج الأزمة
وإذا عدتي لزوجك فاتركي عنك الغيرة وقاوميها بقدر الاستطاعة فالغيرة هي مفتاج الطلاق خصوصا الغيرة الزائدة والتي تحسس الزوج بأنه مقيد من هذه الفتاة
لذلك عندما تعودين لزوجك إن شاء الله فغيري من أسلوبك معاه وتصارحا باستمرار لأنه من الواضح أنه يكتم في قلبه تضايقه من الغيرة أو من كثرة الطلبات أو من أمر آخر ثم انفجر في لحظة وسوس له فيها الشبطان أعوذ بالله من الشيطان الرجيم

لذلك فالحل أن تتصارحا وأن لا تنتقدي زوجك أبدا بل إذا رأيت فيه صفة سلبية فامدحيه بعكسها
مثلا لو فرض أن المرأة زوجها بخيل فإنها تثني عليه بكرمه أو تمدحه إذا أحضر لها هدية
وليس تقول أنت بخيل ودائما ما تجيبلي شيء (هذا فقط مثال لكيفية التعامل مع صفات الزوج السلبية)

إن شاء الله إن فيك خير كثير والله لن يضيعك فالجئي إليه واسأليه فهو بيده قلب زوجك وقلب أهله وقلبك
اسأليه بين كل أذان وإقامة
اسأليه قبل السلام من الصلوات المكتوبات وبعد التشهد
اجعلي لك وردا من قيام الليل كل ليلة واسأليه في السجود
حددي لك دعوات مباركات واحفظيها ولو كانت دعوة وحدة مثلا
ربنا هب لنا من أزواجنا وذرياتنا قرة أعين واجعلنا للمتقين إماما
كرريها كثيرا في كل الأواقت التي قلتها لك واغتنمي الثلث الأخير من الليل حين ينزل الله تبارك وتعالى فيقول هل من سائل فأعطيه هل من مستغفر فأغفر له
والله لن يخيبك الله إن اتكلتي عليه ووثقت به

وعليك بالصدقة
وقولي دعاء كشف الهم وهو
(اللهم إني أمتك ابنة عبدك ابنة أمتك, ناصيتي بيدك, ماض في حكمك, عدل في قضاؤك, أسألك اللهم بكل اسم هو لك, سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي)

وأكثري من "لاحول ولا قوة إلا بالله"

وإليك هذا الحديث الصحيح كهدية

قال صلى الله عليه وسلم "من تعار من الليل فقال :
لا إله إلا الله وحده لا شريك له ، له الملك وله الحمد ، وهو على كل شيء قدير ،
الحمد لله ،
وسبحان الله ،
ولا إله إلا الله ،
والله أكبر ،
ولا حول ولا قوة إلا بالله ،
ثم قال : اللهم اغفر لي ، أو دعا ،استجيب له ،
فإن توضأ وصلى قبلت صلاته ."
الراوي: عبادة بن الصامت المحدث: البخاري - المصدر: الجامع الصحيح - الصفحة أو الرقم: 1154
خلاصة الدرجة: [صحيح]

لاحظي قوله صلى الله عليه وسلم "أو دعا، استجيب له"
يعني إن حصل واستيقظتي في الليل كما يحدث أحيانا لأحدنا حيث يستيقظ لمدة دقيقة ويكمل نومه مرة أخرى ففي هذه الدقيقة قولي الدعاء الوارد في الحديث ثم أكملي نومك إن شئت أو صلي إن شئت

وقد أخبرني أحد الإخوة ممن أثق به ويقول بأنه قام من الليل وقال الذكر الموجود في الحديث ثم دعا بأربع دعوات ثم نام فرأى رؤيا من ضمنها أنه يقبل الحجر الأسود أربع قبلات فسرها له الشيخ بأنها دعوات مستجابات

ولستي ولسنا جميعا بحاجة لهذه القصة حتى تؤكد لنا صحة الحديث لأن الحديث أصلا صحيح ولكنني أخبرتك بهذه القصة حتى تزيد يقينك بأن الله سيستجيب لك إن فعلتي كما ذكر في الحديث

وستفرج إن شاء الله
أسأل الله أن يفرج عنك عاجلا غير آجلا وعن كل مبتلى من المسلمين
وإن شاء الله نفرح ونحمد الله بانفراج مشكلتك عاجلا غير آجل :14:

__________________
اللهم اشف أبي واهده وأطل عمره
http://www.66n.com/forums/showthread.php?t=175017