عليك بالدعاء في جوف الليل...فهو مقلب القلوب ...سبحانه..

واستمري على ما انت عليه من الاهتمام والزينه...فهو زوجك جنتك ونارك....واحتسبي الاجر عند اللَّه...

وتغيرك عليه سيزيد الجفاء بينكما..


واخيراً...

عليك بفتح باب الحواااااار مع زوجك...والمصارحه...فبإذن اللَّه فيها خيرٌعظيم..

جعلك اللَّه قرة عينٍ لزوجك...

إذا كان بمقدرتك إرسال رساله بريديه إليه في العمل (الجزيرة) إرسلي له ماتريدين أن تقوليه له حتى لاتأخذي من وقته الكثير في الجوال ترى أحس إن لها أثر كبير كرساله . يصير يحس وهو يقراها أنه في كوكب آخر وأنتي في كوكب آخر.
الله يعطيك ماتتمنينه ،، آمين.

احيانا يكون علاج المريض بالصدمه الكهربائية او بالكي .
جربي انك ماترسلين له ولا رسالة ولا كلمة ولا تتصلين عليه ولا أي شيء نهائيا
يعني غيري من اسلوبك معاه .
واذا هو اتصل خليكي عادية جدا .
واذا استفسر لماذا تغيرتي قولي له انت غيرتني باسلوبك والتلفون ليس مكان هذا الحديث وعندما يستفسر في البيت (يعني هواللي يفتح الموضوع) تناقشي معه وقولي له انك تعبتي من البرود وان نفسيتك ونفسية البنت تعبت وان عليه ان يتغير .
هذه المحاولة بس لاتصعدينها الى المشاجرة او خراب بيتك .
لاتنسين ان تستخيري الله وتطلبي منه العون .
والله يعينك
والسلام ختام

	أم سليمان: تشكرين على الرد وعلى قولتج الثقل صنعة ... شاقول شورك وهداية الله ramystar جزاك الله خير على الرد بس اللي احب اقوله لك ان زوجي يشتغل في جزيرة يعني مافيها وإلا نص حرمة يعني مااقدر اسير معاه al-athri5 الف شكر على كلماتك الدرر وزوجي مافيه اي مرض الحمدلله ... المرض في بروده وانت الصادق غلا يعطيج العافية على الرد بس احب اقول لج ان بيت اهل زوجي جافين لدرجة ماأقدر اوصفها لك !!!! لكن زوجي تغير وخذ طباع مني بس اللحين ردت حليمة لعادتها القديمة ... وإذا سويت روحي مش مهتمة فيه زعل وساعات مايهتم بعد... alm3sh الف الف شكر على الكلام الحلو واللي عجيني دعائك الاخير ( جعلك الله قرة عين زوجك ) ... ghanem جزاك الله خير وتسلم على الدعاء لي وربي يعطيك انت بعد كل اللي تتمناه وعلى فكرة طرشت له رسالة وقلت له كل اللي في خاطري وكتبت له اني تعمدت ارسل لك لانك ماتعطيني وقت اتكلم فيه معاك ... تدري زعل من الرسالة وقال انا مش مقصر معاك ( قصده الفلوس) وكأن الواجب الاول والاخير والاهم هو الصرف !!! مع اني بينت له اني احتاج اشياء اهم من الفلوس مئة مرة !!! بوعبدالله .. تشكر على النصائح وصدقني والله اني سويتها مرت علي ايام مااتصل له واقول خله يحس فيني ... يقول اليوم مااتصلتي ولما اقول له بغيت اشوف متى انت تشتاق لي وتتصل يقول لي ببساطة كنت مشغول اكرر لكم شكري وجزاكم الله خير ... لاعدمناكم