المشاركة الأصلية كتبت بواسطة بقايا انتظار

المبادره من الزوج اولاً
ولايقارن الزوج بـــ الاب مهما كان
فـ الاب له مكانته لن يصل اليها اي زوج
فان كان لزوج حقوق فـلزوجه حقوق ايضاً
الاسلام لم يهضم حق المرأه مهما كان مكانها

فــــ متى ماجعل الزوج زوجته كــ الملكه
حتما سيصبح هو ملكاً متربعاً على عرش قلبها
وسيرى كل جميل منها

المشاركة الأصلية كتبت بواسطة روح الطير

الأب يعطي بلا مقابل ..
الزوج يعطي بمقابل ..

الأب لو بنته لصقت فيه ، ما يمل و لا يشتكي و لا يتهرب منها ..
الزوج العكس ..

الأب لو شاف بنته ضعيفة و وحيدة .. يحن عليها و يحميها و يعتبر نفسه الجدار لها ..
الزوج يدوسها و يتكبر عليها ، و ما يعتبرها أي شي .. و يدور على وحدة قوية يجري وراها ..

.
.

أبداً ( ما أقنعتني )

المشاركة الأصلية كتبت بواسطة زين ابيها

الأب لو بنته تقول له موجوعة ما يقدر ينام
ما يشعر بملل أو ضيق منها...
يخاف عليها حتى من نفسها.. مو لأنه يبي منها شيء .. لا
لأنه يبيها سعيدة فقط و فقطططط
الأب بطبيعته يعطي وعادةً ما ينتظر من وراء عطاءه شيء
سوى التقدير والاحترام ..
لأنه انسان معطاء ..
الأب السوي مستحيل يكسر بنته الا اذا كسرها لمصلحتها
فيه جملة حلوة دايما اسمعها
( اثاري الابو يا ناس خيمة يظلل على عياله و حريمه )
الأب عز
و سند
الأب مهما غلطت .. مهما سويت .. ما يقول بتخلى عنج
ولا ممكن يكره بنته ..
أو ينفر منها ..
نعم .. قد ينفر من تصرفاتها...
❤

.

الزوج أيضا له مكانته
بس ما تنفع المقارنة أو المساواة
هل ممكن اقارن نملة ب فيل ؟!
هل من الانصاف مقارنتهم ببعض ؟
اقارن قدرة نملة ب نملة
و قدرة فيل مع فيل آخر
ممكن اسأل انسان من تحب اكثر امك او ابوك
اختك او اخوك
زوجج او طليقج
لكن هل من الممكن ان اسأل من تحبين اكثر امج او بنتج ؟
طبعا لا .. لان ما فيه مجال للمقارنة لكل شخص مكانته

.

فيه جملة احبها وايد

كوني له أمة يكن لك عبداً

المعاملة الطيبة .. ممكن تأثر حتى في اللي قلبه حجر

بس فيه رجاب ينطبق عليهم المثل اللي يقول اللي ما يسوقه مرضعه سوق العصا ما ينفعه ...

كل زوجة يفترض تعرف مفتاح زوجها
وبعضهم انخلقوا بدون مفاتيح .. لازم تكسره عشان تحصل اللي في داخله .. الله لا يبلانا

المشاركة الأصلية كتبت بواسطة OMnonaa

معليش اخوي اخالفك تماما ..
من تجربتي..
من تجربة اللي حولي
من اللي جالسه اشوفه حولي
الوحيده اللي تصير ملكه بعيون زوجها هي اللي ماتعطي زوجها اكبر من حجمه
تهتم بنفسها درجه اولى تكون انانيه تحب نفسها وراحتها وبس
تسوي نفسها هبله ماتعرف ولا شي وماتعرف تتصرف من غيره ابدا
وتعطيه حقه كزوج وبس طبعا
يسعى ليل ونهار عشان يرضيها وعشان بس تحبه..
الامثله عندك بالمنتدى
وخارجه
وبكل مكان ...
الين اقتنعت تماما بهالشي...

المشاركة الأصلية كتبت بواسطة مسز داني

الطاعة للزوج واجبة من غير معصية.في الفراش و الخروج بإذنه هذا لا خلاف عليه سواء توجها زوجها ملكة و الا أميرة و الا ولية عهد
لكن كيف يعني تكون ملكة؟؟
وهل كل رجل فعلا سيجعلها ملكة؟؟ بعد ان نعرف مفهوم الملكة