صراحه حطيتي الرجال انت بموقف محرج جدا



تقولين مابي جماع وبنفس الوقت تقولين ماينظرني 000


لو واحد غيره كان يغمض عيونه او يطالع برا000انت المفروض انك ماعرضتي مشكلتك



الا بعد الدخله بك 00اصلا هو خايف انه يطيح من عينك علشانكذا يبعد عنك يبغى ينفذ امرك



واخرته هذي جزاته000اصلا مابينكم عشره فكيف تحكمين عليه00اتمنى انك فهمتي


ولاتنسين نظرة المجتمع للمطلقه

اجزل الله المثوبه لكم
سكر الأسره
كيف ابعيش حياتي مع انسان اعامله كطفل عمره 10 سنوات ؟؟ الزوج تحبينه وتعتمدين عليه ويحسسك بالامان ويشاركك بافكارك وطموحاتك مو اتزوجه علشان اربيه واعامله كطفل ما اقدر انزل لمستوى تفكيره ولا اتحمل كلامه الجارح بحجه انه كطفل.

اختي نشميه نجد
هل الحياة الزوجيه بنظرك انها قائمه بس على الجنس ؟
يعني مايناظرني او يحس ان اللي معاه بنت او يسمعها كلمه تفتح النفس الا بالجنس
واذا ماتحقق هالشي لمده قصيره له الحق يحطمني وينتقدني
الحياة الزوجيه ارقى واسمى من كذا يا اختي بعدين اقري الموضوع زين انا ماطلبت طول العمر مايقربني طلبت فرصه قصيره اتعرف عليه مو معقوله اسلم نفسي لشخص ماعرف عنه شي ابد والحمدلله مو نادمه على هالتصرف
واصحح لك معلومه خاطئه المعاشره ماتقلب طباع الشخص ولاتغير معاملتة للطرف الاخر.

بعدين وش فيها المطلقه؟ وبايش تهمني نظره المجتمع الحمدلله واثقه من نفسي ومو اول وحده او اخر وحده تتطلق
اجل ادفن عمري معاه علشان مايقولون الناس مطلقه
الناس ماراح تاكل وتشرب وتعيش معاي علشان تقولين ما انسى نظرتهم اهم شي انا اكون مرتاحه وراضيه عن نفسي

أختي الكريمة..
لا أملك سوى الدعاء لكِ.. فأمر الطلاق - و إن كنت أميل إليه - إلا أنني لا يمكن أن أنصح به إلا بعد أن أسمع للطرفين (رغم ثقتي بصدق ما تقولين ).. و لكن الطلاق ليس بالسهولة أن ينصح به هكذا و كيفما اتفق..
لو كان خطيبك لما ترددت في أن أنصحك بفسخ خطبته..
أما بعد أن تزوجت ( و إن ظللت عذراء).. فأرجو أن تعذريني..
فالمسألة تحتاج إلى أكثر من مجرد استماع لرأي واحد..
أرى أن تطرحي الموضوع بكل وضوح و قوة و جدية على من ترتاحين له من أهلك من الذكور..
ليقوم بدوره.. في التبين و الاستقصاء في حقيقة زوجك..
و مواجهته وجها لوجه دون الانخداع بـ ( بكائه و ما يأتيه من حركات استعطاف)..
و بعدها تكونين أنت في وضع يسمح لك باتخاذ ما ترينه مناسبا..
المهم ألا تتخذي قرارا مصيريا دون التأكد من الوقوف على
الموضوع من كافة جوانبه.. قدر الاستطاعة..
و لا تنسي الاستخارة..
أتمنى لك التوفيق و السعادة حيثما كنت و أينما حللت..


ذو الفقار..
رجل من زمن غابر

السلام عليكم

مبروك عالزواج

صارلك شهر و ما صبرتي

انا شخصيا اشوف ان المشكله صغيره بس انتي اللي كبرتيها

اول شي عمرج 27و موظفه يعني ناضجه وعالاقل تعرفين ان شهر فتره قصيره جدا عشان تكتشفي زوجك
و بعدين حتى اذا زوجك في عيوب ما حاولتي تحلينها او تغيرينها >رحتي لبيت اهلك عشان قالي انتي مو حلوه و انتي و انتي... ما تعبتي تفسك او صبرتي.

اول شي زوجك حاط امل فيج ... كفايه انه مخيلك ام عياله
و لما يقول اسمني و اصعفي يعني متخل حياة طويله معاكي ( لا تنسين قالك كل الصفات اللي ابيها فيج)......
كلام الحب تو الناس عليه... عوديه تقولين له كلام حب و هو بعدين يقولج
لما يقول انا انا انا ( الرجال دايم كذا يحبون ينصبون عند حريمهم ) توقعي يقولك انا مخاوي بوش بمقناص ترا عادي!!!
لما رحتي لبيت اهلك راح يبغا يردك... اكثر من كذا شتبين!

ما اقول الا كبري عقلك و اصبري ترا سنك ما يسمح و نصييييحه لا تدخلييين اهلك ابدا بتفاصيل حياتك لو بسيطه.

شكرا

__________________
"اللهم إنى أعوذ بك من الهم والحزن و أعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال"

اختي اميرات
رايك هو نفس رايي
ايوالله كانه طفل ماكان عمره 30 ومو معقوله بهالعمر انتقادته لي يقول لاخوي انها دعابه؟ مدري يستهبل او يكذب لانه مو معقوله مايحس بكلامه
اقول بيني وبن نفسي بعد سنه وش راح يسمعني؟
مع اني افضل منه باشياء كثيره مامدحت نفسي عنده لاني مو من هالنوع ومو هو بتصرفاته اللي يخليني اغير طبعي

عزيزتى فكري زين
بس سؤال هو من شهر ماقرب منك ؟

يالله الله يعينى ويعينك انا بعد بملكه وحالى يعلم فيه الله

اختي نوران
الله يعطيك العافيه ماقصرتي معاي واحسن الله لك النيه والذريه
ايوه رجعتي معاه لها ضريبه بالنسبه لي
يانوران كل شي ممكن اتحمله الا النقد والله مانسيت كلامه اللي قاله لي وشلون ابتحمل اكثر
مدري هذا طبع فيه؟ ماعجبته؟ابفهم ليش يحطمني يستمتع؟
على النقيض الكلمه الحلوه مايعرف يقولها؟ ما استاهلها؟
بعض الاهل قالو يمكن فيه مشكله نفسيه والله اعلم

الأخ او الاخت كاثرين
هل بنظرك ان عمري 27 ومايسمح يخليني اجبر نفسي عليه؟؟
ويوم طلب يردني هذا معروف يعني منه؟يعني انا رحت كذا بدون اسباب وله الفضل انه يردني بعد
وينتقدني وتبيني اصبر؟ الى متى؟لازم اصبر لان عمري مايسمح يعني اتنازل عن كرامتي وارضى الانتقاد
عذرا ردك لي غير مقنع ابدا

ما شاء الله على كلامك , موزون و عاقل وفقك الله

نطقتِ حقا بالفعل
فمن بدئها بالإنتقاد و السخرية لن تجعله العلاقة الزوجية ينظف لسانه
ياريت البنات كلهم مثلك لا يخجلون من ترك البيت و هن في بداية الزواج
تعرفي في وحدة خانها زوجها أمام عينها في ليلة عرسها و لم تستطع العودة لبيت أهلها خوفا من كلام الناس

بجد كلام الناس و نظراتهم هم السبب في معظم البلاوي اللي بتحصل
المرأة تعيش سنوات ذليلة خايفة من مجرد لقب , كلمة تقال و هي مطلقة

أهم شيء مشاعرك حبيبتي و نفسيتك
فأنتِ لم تتزوجي لتبدئي حياة نكدة تعيسة و إلا فالبقاء في بيت أهلك معززة مكرمة أفضل بكثير

أخبري رجال أسرتك بقرارك النهائي , ربنا يوفقك

__________________