اخي الفاضل ..

كم سنه صار لكم متزوجين ؟؟ اذا اولدك عمره سنه وزود .. يعني اذا حملت على طول تقريبا نقول اكثر من سنتين ..

يا اخي .. المرأه تعودها على طبعك واللي انت تبغيه من اول ما تاخذها .. يعني من بداية زواجكم وهي كثيره المرواح لبيت اهلها وانت ساكت .. والحين وبعد هالفترة تقعد تشتكي .. وتبغيها تخفف روحتها ..

لو كنت معودها انك تسألها عن ثيابك النظيفه وينها .. عن اغراضك .. ما كانت تتساهل بهالامور .. لكن تقعد تسوي كل شىء بروحك وانت ساكت وعاجبك .. لا تلومها على شىء انت معودها عليه ..

الظاهر انك طيب وايد وايد .. وتحبها وتخاف على زعلها .. وهاي كله حلو ولا منه مانع .. لكن الطيبه مالها علاقه بالواجب .. واجبها انها تنظفلك وترتبلك وتشوف اغراضك وتهتم بشئون بيتها ..

ومو معناته انك تطالبها بواجباتها انك غلطان بحقها وانك مزعلها بالعكس هي بتحس انها مطالبه باشياء وبتكون ملزومه بها .. كل زوجه تحس بالوناسه انها لها بيت مسئوله عنه وزوج وعيال وهي ملكه بيتها تطبخ وترتب وتنظم .. وهاي كله لازم يكون من البدايه .. لكن تجي اللحين وتطالبها بكل هالاشياء اللي انت كنت متنازل عنها .. جذي صعبه شوي .. ولازم بتواجه مشاكل ..

الحل:
تقعد معاها قعده مصارحه وفيها حزم .. وتقول لها يا بنت الناس انا مو عاجبني الوضع .. انا ما احس اني متزوج .. لا اغراضي منظمه .. لا مغسوله .. لا اهتمام .. لا طباخ .. وحتى مافي معاشره .. ليش الواحد منا يتزوج .. الزواج يعني استقرار .. وانا ما احس اني مستقر .. (واضرب مثل بوالدتها هي مثلا اذا كانت ربه بيت ممتازه وتحمل تضرب مثل بوالدتك تره بتزيد المشكله ) قولها شوفي امك ما شاء الله عليها كفو وشايله بيتها واولادها وما عليهم قاصر .. ابغيك تصيرين مثلها ..

وفهمها انك تقدر انها تشتغل وتعبانه .. وتقدر اذا صار قصور من ناحيتها بالبيت .. لكن مو جذي اهمال .. وشويتين كلام حلو من اللي انت تعرفهم .. اني اخترتك وحبيتك من بد الناس ابغي اعيش سعيد معاك .. ولو مو هامني سعادتنا كنت ما نطقت .. شوفيني ساكت كالهفتره بس اللحين احس ان حياتنا مع بعض قاعده تتأثير .. (ومن هلالكلام)

قوي قلبك ولابد من هالجلسه مع بعضكم ..

في امان الله

__________________

السلام عليكم

الصراحه اخي علاقتكم على حسب رايي فيها ملل من الزوجه والزوجة تمر بمرحلة حرجه لازم من التغيير سافرون لاي مكان غيرو جو البيت روحو اماكن سياحيه اطلع وياها للبحر غير حياتك وحياتها بنوع ثاني حسسها انها مهمة ودورها فعال اما دوم بالبيت فاكيد الواحد بيكون محبط بكثر ما اللي يشوفه بالصباح ينام عليه بالليل والدليل صارت طالع افلام رومانسيه يعني محتاجه الزوجة للتغيير المكان شوي ومن حقها
تحياتي صقر المغرب

اعزمها برا البيت بمكان فاخر
حاول انها تكون مستمتعة بالطلعة قدر الامكان ولا تضيق صدرها بموضوع الجنس

بعدين صارحها وعطها من الكلام الحلو وحاول تعرف ليه ما تحب تجلس في البيت
ليه دايم تبي تروح لبيت اهلها

احتمال يكون خوف وقلق على الطفل وانها تبي تكون بجاني احد اكثر خبرة (امها)

تذكر ان الجنس بالنسبة للمرأة ما هو مجرد لمس واستمتاع
المرأة تتاثر كثيييير بالوضع النفسي

الله يتمم لكم السعادة ويرجع كل شي لحاله

بداية .. أبي أدعي لك بالخير..

لأن مبين عليك رجل محترم وصبور وتحب زوجتك

والشي الثاني.. يمكن زوجتك صايدها إكتآب ما بعد الولادة..

في نسوان يصيدهم جذي..

بس الله يعينك يا رب..

حاول تصارحها مثل ما قالوا باقي أخواني الأعضاء..

وقول لها بكل صراحة باللي تحس فيه..

ويااارب تحس فيك وترجع لك كل شي حلو كنت تحبه..

وبخصوص زيارة اهلها المتكرر بكثرة..

يمكن بسبب الإكتآب ما بعد الولادة..

والله أعلم..

__________________

السلام عليكم

للاسف راي الاخ رجل فوق العادة و الذي وافق عليه الكثير من الاخوة الرجال لا يرضي الله اولاً و ثانيا يعرض الزوجة لمشاكل صحية قد تكون سبب في ابتعادها الابدي عنك !!

فمعلوم ان التوقف المفاجىء عن اشباع الرغبة الجنسية يسبب احتقانات حوضية و اضطرابات هرمونية و اطضرابات في الدورة الشهرية و كل ذلك له الكثير من الاثار و التي اشرت لها من قبل في موضوعي " اياك و التوقف المفاجىء ..............."

اذن مع احترامي صحيا و شرعياً احذرك اخي الكريم من هذا الفعل

واذا يرغب الرجل في تقويم زوجته فلا يكون بهذا الشكل فاما الهجر المطلق او لا يكون

علماً ان وسائل تقويم الزوجة لا يتم فيها الهجر الا كمرحلة قبل الاخيرة لحل المشكلات القائمة

وبالتالي اين انت من الجلوس معها و مصارحتها بكل هذة الاشياء التي تكلمت معنا عنها ؟

احيانا المرأة و نتيجة لعدم الخبره تعتقد انها بانجابها فعلت ما يرغب فيه الزوج وواضح انها منساقه بشكل او باخر لاهلها و الله اعلم هل يوجد اعانه منهم على ما تقوم به من افعال ام انها لا تعرف انها مقصره و و

لذلك عليك بالجلوس معها و مصارحتها بكل ما يضايقك سواء بتقصيرها في الامور الجنسية او تقصيرها في الامور المنزلية و تستطيع بحنكة و ذكاء الرجل ان تقصر من زياراتها لاهلها و الوقت الذي تهدره في الذهاب لهم اولى به بيتك و ان ترى طلباتك و تقوم بها ..

ولكن اياك و العنف و الشجار لانه لن يولد الا العناد و الكراهية لانها ستتفاجأ حتماً من مصارحتك لها انها مقصره و لكن اعتقد بالتحدث معها ستعي انك تلاحظ عيوب و عليها ان تقومها اذا كانت تحبك فعلا و لا ترضى ان تتغير عليها ..

و طبعا سنة و 3 اشهر و ما يخص العلاقة الجنسية ليس له علاقة بالولادة الا اذا تعاني من اكتئاب ما بعد الولادة و استمر من وقتها الى الان و هذا ستعرفه بعد مصارحتها ..

تحياتي لك

__________________

ان شاء الله راح اعمل هذه الجلسة

مع اني سبق وان جالستها .. وهي من النوع الي تزعل بسرعة يعني الله المستعان

واشكر جميع من ابدى رأيه في حل مشكلتي ..

واتمنى المزيد من الحلول

جزاكم الله خير

وفرج عنكم الكرب

اخي الرجال قوامون على النساء والمرأه تحب الرجل اللي شخصيته اقوى منها .. زوجتك تزعل على ايش .. اذا في حد لازم يزعل فهو انت .. اخي الفاضل كن حازم معها

اذا بتزعل على كل كلمه تقولها .. خلها تزعل .. هي اكيد بتتفاجأ بشخصيتك الجديدة لكن تأكد انها بتحب شخصيتك الجديدة اكثر .. كن حازم في الامور التي تحتاج حزم ولين في الامور اللي تحتاج لين .. وهاي ما تعيبك كرجل بالعكس هاي ميزه الرجال .. الله يهديك

انت مستحمل اللحين لانكم ببداية حياتكم .. لكن تعرف بعد ما تمر سنين اكثر والله انك بتطق جبدك اذا فضلت على هالحاله ..

فعالج الموضوع اللحين قبل لا يصعب اكثر ..

وقول لنا بعد ما تكلمها شصار معاك ..

__________________

هلا فيك يالغالي

بالنسبة عن الحزم .. اخوي انا حازم في كثير من الأمور

ولكن المشكلة ما ان تأتي سيرة أهلها وعن زيارتها المتكررة بكثرة تزعل وتقول لي اني مانعها عن اهلها!!

لكن ان شاء الله راح اضع حدا لهذه المشكلة .. اليوم قبل غدا ان شاء الله

وحان وقت الحزم لهذه الامور

شكرا لك

صدقني مابعرف شو إحكيلك لإنو قليل خيرة بهيك مواضيع وما بدي افتي ، بس ما بإيدي غير إنو إدعيلك إنو رب العالمين يصلح حالك ويوفقك ، بركي هيك رب العالمين استجاب لدعوتي ..

بس اسمحلي ضحكت على كلمة جيكر مع إنو ما كان إلي نفس اضحك

الله يفرج همك يارب ..

يا هلا ..

يا اخي انت الرجال وانت من يحدد زيارتها لبيت اهلها .. انت كم مره تشوف انه مناسب انها تروح لبيت اهلها ؟؟ قل لها ما تروحين بيت اهلك قبل ما ترتبين بيتك و تخلصين كل امورك .. اذا شفت ان شي من امور البيت ناقص و مو مضبوط واغراضي الشخصيه مو مرتبه ما راح تروحين بيت اهلك ... خليك فتره وارها ليه هذا وصخ .. ليه ملابسي مو مكويه .. ليه الثلاجه مو مرتبه .. ليه هذا كذا .. لحد ما تعرف ان الله حق ..
ونفذ كلامك .. لانك لو مانفذت ما في فايده ما راح تتسنع ...

أميرات ....