السلام عليكم..
اقسم بالله اني من يوم الجمعة والى الحين وانا بالبيجاما..
منسدحه عالسرير طول الوقت.. ومطفيه الانوار..
فطوري تمر ومويه بس.. وسحوري لبن وتمر بس..
تعبااااااااااانه نفسيا اول مره اشعر كذا..
وبكل فرض ادعي على زوجي الحقير اللي ضربني لاني صحيته للصلاه..
وكل ماشفت علامات الضرب على وجهي ادعي ربي ينتفم منه..
على قد مادمر نفسيتي بعنفه وتهوره وجنونه.. الله لا يوفقه..
طبعا انا سبق وقلت لكم اني انام بغرفه وهو بغرفه ثانيه..
وهو يجيب له فطور وسحور من برا..
وانا مالي رغبه بالدنيا كلهاااااا.. كرهني بالدينا باللي فيها..
امس ببرود يقول تبين نطلع مكان؟ قلت ودني لاهلي..
قال خليها بعدين.. اخاف تروحين وتسحبين علي!!!
يعني حابسني في البيت.. عايشه معه بالاكراه..
قلت له اني اكرهه واشوفه احقر واسفل كائن بالدنيا..
وهو يعتذر ويوعد مايعيدها.. وانا ادعي عليه من قلبي..
واهله يدقون علي واعطيهم مشغول.. كرهتهم..
رغم انهم مالهم ذنب ويتصلون يطمنون لاني اختفيت فجأة..


على قد ما دللت هالرجال وقمت معه بمواقف تشرف..
كنت له زوجه وحبيبه وصديقه واخت.. كنت اغفر له كل زلاته..
كنت احبه وادلعه ودايما أطيب خاطره ولا يلقى فرحته الا عندي..
ياما عطيته فرص وياما فتحت معه صفحات بيضاء..
ياما وقفت معه بالشدايد.. كنت مرافقه لامه كل مادخلت المستشفى..
كنت اوجبه واوجب اهله.. وهم يقولون له دايما فلانه مافي مثلها..
حتى بيته على بساطته الا اني حولته جنه..
امس يقول لي انتي كثيره علي.. لو ألف الدنيا ماالقى ربعك..
قلت له وانت لو ألف الدنيا ما القى بحقارتك ونذالتك..
حاول يغتصبني بنهار رمضان السافل.. وضرب وجهي بأعنف قوه..


انا احتقر نفسي لاني صبرت على هذا المخلوق الحقير
احتقر نفسي لاني رضيت اصير زوجه له..
بكل مره كان يضربني فيها كنت انفر منه شوي شوي..
لحد ما كرهته الحين واحسه عدووو الله لايوفقه
احتقر الثلاث سنين اللي ضاعت من عمري عليه..
احتقره واكرهه قسما بالله اكرهه..
انا اللي بعمري ماكرهت احد.. اكرهه واتمنى له المووووت..
عالاقل اذا ترملت بيكون لبنتي بيت يلمها ومايضيع حقها..
اما الطلاق فهو رافضه وحالف مايطلق على قص رقبته..
يتعذر بأنه يحبني هالحقير.. وانا افكر اخلعه..
بس خايفه من كلام الناس.. واقول يارب يأخذ عمره اسرررع..
وكل هالكلام قلته له امس.. وهو مصر نستمر سوا..


قال لي بجيب المصحف واحلف عليه ما امد يدي..
قلت له كلام الله مو لعبه عندك.. انت فاقد الاهليه للحلف..
وانت ياما حلفت واخلفت لانك مو رجال.. لو رجال ماتمد يدك علي..
ياناس انا قسم بالله مكتئبببببببببببببببببببببببببه..
اقول لكم مابدلت ولا سبحت ومرميه عالسرير..
والبنت اسوي لها حليب بالرضعه مافيني حيل اسوي لها اكل ووجبات..


كنت اول اكتم عن اهلي مشاكلي لكن الحين لا..
امس بلغت امي باللي صار.. وهي دعت عليه بنهار رمضان..
بس قالت لي إلزمي بيتك وماعليك منه وطنشيه..
وانا اللي برأسي اكبر من كذا..
انا كل مامر قدامي تفلت عالارض بدون ماينتبه..
من كثر القرف اللي اشوفه فيه..


وهو يقول علميني ايش ممكن يرضيك..
قلت له انك تموت او تعطيني حريتي.. قام راح وتركني..


الضرب مهين مهين مهين.. خصوصا اذا تكرر..
الله يشل يده ويد كل واحد يمارس العنف ببنات الناس..
حسبي الله ونعم الوكيل
حسبي الله ونعم الوكيل
حسبي الله ونعم الوكيل

هدي نفسك
انا زيك افطر على مويا وتمر
وادعي على زوجي ليل نهار الله يحرقه بنار جهنم
حطم اعصابي
حسبي على الظروف الي جمعتنا باشباه الرجال
بيتي فاضي مافيه ولا شى
وتعبانة مو قادرة اطبخ
قرفت من كل شى
بكل مرة تراودني فكرة ذبحه حتى اقعد اتخيل اشلون اذبحه
بس خسارة رقبتي تطير على اشكاله
زوجك على الاقل يعتذر بس الي عندي مايعتذر ويشوف انها كبر
الله يدمرهم مثل مادمرونا
قلت له انا الغلطانة الي مارحت بيت اهلي اصوم عندهم قال الطريق مفتوح
الله يفتح بوجهه ابواب جهنم
خيرنا نرميه بس للقطاوى بالشارع وانا جالسة جيعانة
انا اكرمته وهو جوعني
رفعت من قدره ذلني

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

زوجي للاسف حابسني ومانعني اروح لاهلي..
يقول اذا رقيتي وهديتي تروحين لهم..
اما هو فعادي عايش حياته طلعات ودخلات..
وانا ميته بغيظي منه الله ينتقم منه..
الضرب وجعه نفسي اكثر منه مادي..
وعلى فكره هو مو بس اعتذر..
جاب هدايا وامس يكنس البيت ويرتبه..
نفس حركاته كل مره يتمادى فيها..
وفاكرني غبيه اببلع الطعم زي كل مره..
حسبي الله ونعم الوكيل..
يظن الضرب شغله تافهه تنتهي بكلمه حلوه..
مستحيل اكمل حياته مع هالهمجي
الله ينتقم منه

الله يفرج همك وينفس كربك ويصلح لك شأنك
والله كلامك يعور القلب ويدمي العيون
الله ينصرك على من ظلمك ... الله ينصرك على من ظلمك

أختي الغالية... نحتاج نفهم أكثر الوضع
وسامحيني ان كان اسئلتي بتذكرك بذكرى توجع
قلبك لكن انت عندك بنت ومانقدر نشور شور والسلام

لما ضربك في المرات السابقة أهلك وتحديداً
أبوك وش كان دوره؟
أبوك وش موقفه من زوجك؟
أخوانك إذا فيه كبار وش موقفهم كل مرة؟
هل رحتي المستشفى وثبتي حالات الضرب
بتقارير طبية؟؟؟
ترجعين له على أساس وعوده وخلاص؟
ولا يدفع مقابل ضربه مبالغ ماليه كافيه؟
أهله وأبوه تحديداً وش موقفه؟
أنصحك إذا ابوه حي ورجل أمين.. تدقين عليه
يشوف وضعك اليوم قبل بكره .. وأكرر
إذا كان أمين ويقول كلمة الحق..

يقول لي احبك.. بدليل ماعمري حرمتك من شي..
يقول اشتري لك ماركات واسفرك بالاجازات..
وجايب لك خدامه.. وكل مشاويرك اقوم فيها..

قلت له بس اذا عصبت ينفلت لسانك
وتنفلت يدك.. وتضرب وتكفخ وتصير وحش..
قال هذا عيبي الوحيد!!!!!

قلت هذا مو عيب هذي جريمه..
وانا مليون مره قايله له شغلتين ممكن يخلوني انفصل عنك: الضرب والخيانة


الرسول عليه السلام يقول رفقا بالقوارير
وما اهانهن الا لئيم..

لو زوجي فقير والا بخيل اهون عندي ميه مره من انه يضربني على امور تافهه

حسبي الله ونعم الوكيل
حسبي الله ونعم الوكيل

انا مشكلته مو مع انه يصلي او لا..
الموضوع صار اكبر من كذا..
انا لاول مره احمل هالحقد ذا كله تجاهه..
خايفه اتهور واذبحه لاني كارهته من قلبي..
وهو يحسب السالفه زي كل مره..
والله يا اختي مالي رغبه بالدنيا كلها..
فيني هم عظيم
الله ينتقم من اللي كان السبب..

اول مره ضربني كنت حامل بعد 6شهور من زواجنا..
دفني وطحت على الارض..
واتصلت على ابوي.. وجاني مباشره..
وزوجي جلس يصيح عنده ويبوس راسي..
وكان وقتها الضرب خفيفه مرررره.. بس انا كبرت السالفه..
ابوي حاول يصلح بينا بعد ما اعتذر زوجي ووعد مايعيدها..


بعدها بحوالي 6 شهور ضربني ضرب جامد..
رحت بيت اهلي ولا علمتهم انه ضربني بس قلت متزاعلين..
جلست عندهم شهر كامل وهو كان يدق ميه مره ويرسل رسايل..
وانا مطنشته واعطيه مشغول..
لحد ماتدخلت امه وكلمتني وترجتني ارجع لولدها..
لانه على كلامها مكتئب ومايداوم وتعبان الخ الخ..
هنا كلمني وحلف مايعيدها.. ورجعت له..


بعدها ب3 شهور يمكن برضو كررها..
وحاول يراضيني بنفس اللحظه عشان ما اترك البيت.،
وانا جاريته.. ولما راح دوامه دقيت على ابوي وجاء اخذني..
واخذت كل اغراضي معي يومها..
وابوي كان مصر ما ارجع له ذاك الوقت..
وزوجي لما كلمه قال له ابوي يطلقني..
وزوجي وقتها كان يدقدق علي..
وبيوم جلس 4 ساعات عند باب بيتنا..
وجلس يرسل لي مسجات كل دقيقه..
وانا لاني كنت احبه للاسف تراجعت وسامحت..
وقتها برضو جا لاهلي وباس راس ابوي واعتذر
وبرضو حلف مايعيدها...


هذي ابرز المرات اللي اخذت فيها مواقف..
وللاسف مايتأدب.. واحيانا مايضرب بس يدفني بقوه..
وتصير على كتفي علامه زرقاء.. بعدين يعتذر!!


ابو زوجي متوفي..
وعنده اخو واحد صغير بالثانوي..
وابوي مل من زوجي وقال لي كذا مره يابنتي بيتي مفتوح لك... اذا مو مرتاحه انفصلي عنه..


هذي كل التفاصيل..
انتظر رايك اخوي

اول هدئ نفسك وخلي القران شغال بغرفتك خليه يبث الطمأنينه والهدوء والراحه لقلبك
فقلبك متعب ومحتاج مهدئ ...

فضفضي ياختي في هذا المتصفح وافرغي مافي قلبك لعل جراحه تخف ...


اختي لمسة
قول ( حسبي الله على الظروف او على الزمن اللي جمعتنا بهم ) اظن فيه محظور شرعي تاكدي
لان الله نهى عن سب الزمن والدهر

أنصحك الحين تدقين على ابوك وياخذك المستشفى
وتثبتين ضربه هذا لك بتقارير كافيه

كنافه اهلا بك
دخلت من اجل التهوین علیك
صدقيني انا زوجي مثل زوجك و كل مره يعتذر لكن بالاضافه لهذه الحالة ما عنده فلوس و كمان يدرس بجامعه سعرها مرتفع و ما ينجح بالدروس هههههههههههه
يا ستي هو اذا اساء لك انت ليش تزيدين الطين بله
بالعكس ادخلي حمام و اخذي دش و كلي ما يعجبك حتى لا تهزلي
انا طريقتي معه التطنيش و الليونه و كل مره اجرب طريقه معينه و لسه ما وصلت لحل ههههههه
بصراحه ما في شي يستاهل تمرضي من اجله ابدا
هدي نفسك و يمكن نحن الاثنين لازم نتخذ قرارات حاسمه
الله يصبرك
فاهمتك جدا لاني ايضا حبيسه البيت

__________________
[img]http://im33.***********/edShu.gif[/img]