ماحبيته مافي امور اخفيته عليكم

__________________
《اللهم استودعتك أطفالي الذي لا تضيع ودائعه》

لو طيب معي وكريم ولايتمنن علي يقول تراك مطلقه وعندك عيال ومطلقه مرتين كان على الاقل بتقبله

__________________
《اللهم استودعتك أطفالي الذي لا تضيع ودائعه》

هو ماحبني ابدا واضح والدليل افعاله معي ويحاول يدور الزله ليه

__________________
《اللهم استودعتك أطفالي الذي لا تضيع ودائعه》

قلب عزيزتي مافي رجل مستعد يكون اب لعيال زوجته حتى لو ابو العيال لاسمح الله متوفي محد يتحمل حد هالوقت انا اللي اجوفه حطي النقط على الحروف اطلبي ترجعين بيت اهلج لين بعد العيد على الاقل ترمضين بعيد عن الهم والقهر وتعيدين حالج حال الناس وبالقرب من عيالج ومنها ترتبين اوراقج بهدوء وتالي اذا جفتي نفسج تقدرين تتحملين غيابه صارحيه على الانفصال ويادار مادخلج شر

بنت ابو ظبي
ماقدرت احبه يمكن عشان تصرفاته
ولااقدر انام بجنبه اروح غرفه ثانيه مو بيدي متضايقه
قلتله اصبر علي الايام تثبت لك واتعود عليك ودي اجلس اسبوعين على الاقل يمكن احن واشتاقله كاتم على انفاسي

__________________
《اللهم استودعتك أطفالي الذي لا تضيع ودائعه》

حاليا يبيلج تروحين بيت اهلج تريحين شوي
تبتعدين عنه !!

بعدين قرري
لان للحين مافي سبب قوي!!
ولا عندج استعداد لتغييره !!

__________________
اللهم احفظ لي زوجي وسخره لي واحفظ لي اولادي

قلب مشغول

اسأل الله ان يفرج همك ..

انت لا تحبينه ...

هذا هو السبب .. بعد طول ملاحقه ومتابعه لعلنا نظفر بعيب واحد

ولكن السبب .. انك غير مقتنعه فيه .. وتقارنينه بزوجك الاول ..

اما مسأله البخل .. فهي حيلة نفسيه تحاولين ان تثبتي ان كرهك لزوجك

له سبب موضوعي لا سبب نفساني ..

والحقيقه ان كرهك له .. بسبب انك لا تحبينه ..

اختى الكريمه

نحن نقول دائما الحب نوعان

حب عشره .. وحب نظره

حب النظره يأتي من اول ايام الزواج .. فيه راحه وتوافق بين الزوجين

حب العشره يأتي بعد سنه الى سنتين الى ثلاث سنوات ..

الفرق بينهما

ان حب النظره .. هو حب قلب لقلب وروح لروح .. يعني تحبين ذاته وشكله وكلامه ..

وحب العشره .. هو حب انسان لانسان .. يعني تحبين اخلاقه وتعامله


اخيرا

جاء رجل الى عمر ابن الخطاب .. فقال له انني لا احب زوجتي .. فقال

وهل البيوت بينيت على الحب .. فأين الرعاية والتذمم


اسأل الله لك التوفيق

لا تطلعين من بيتك أختي ، لا شرعا ولا عقلا ..
لو كان ما يحبك . بيفرح بخروجك ويمكن يكبر الموضوع ويقول هي اللي طلعت أنا ما طردتها خصوصا إنك قلتي
يتصيد علي ويدور الزلة ! اهدأي وفكري وغيري طريقتك معه .. ولا تحسسينه إنك مستغنية عنه بالمال اللي يجيك
نصيحتي : وقفي طلبات منه ، وحاولي تكيفين نفسك على الدخل اللي يجيك .. انتي تصرفين على نفسك كثير
ثم إذا احتجتيه وما أعطاك زعلتي !

اضغطي على نفسك وحاولي ما تطلبين منه شيء .. أقلها فترة معينة تقيسين فيها تصرفاته وهل يتغير وإلا لا

اخت ناني

قلب مشغول عندها سبب نفساني .. لا سبب موضوعي

والسبب النفساني هو عدم راحه او قلة راحه وعدم محبة او ميل لزوجها الجديد

ومن الطبيعي

ان كل امرأة عاشت مع زوجها الاول .. سوف تعيش تجربه قاسيه في بداية زواجها الثاني

يعني ..

انها لن ترتاح ولن تتأقلم على الزوج الجديد ..

لماذا ؟؟

لان للزوج الاول شعبه من قلب زوجته لن يصل اليها غيره ..

ومن المعلوم

ان قلب المرأه لا يسع لاكثر من شخص ..

ونحن نقول

ان عليها الصبر .. حتى يدخل زوجها الجديد في قلبها من جديد

ولكن المشكله

ان اختنا المباركه عندها (( عجله ))

واكاد اجزم

انها لا تفهم نفسها .. ولا تفهم مشاعرها

لماذا ؟؟

لانه من الطبيعي ..

ان بدايات زواج المطلقه والارمله يكون فيه شي من الصعوبه وقلة التكيف والتأقلم بسبب

تجربة الزواج الاولي .. التى تشتغل في اللاشعور .. وتعمل في اعماق الوجدان

ولكن ..

مع الايام والليالي ... تسير سفينة الزواج الى شط الامان

اسأل الله لهما التوفيق

انا قدمت نصيحتي ىووضعت نفسي مكانج على اساس كيف اتصرف
ولقيت انه الوقت ضيق رمضان مقبل علينا بحفظ الله ومافي وقت للجدال والنقاش بمواضيعحساسه بينج وبين زوجج كل واحد فيكم محتاج فتره نقاهة يقضيها بعيد عن الثاني انتي بعد محتاجه قرب عيالج وهذا حق بالمره العيال يفرحون بقرب امهم وخصوصا انه الحين هم في اجازه وزوجج رجل محتاج له طوله بال وتحمل من تصرفاته يمكن اكون ظلمته لكن انا قاعده اتكلم بمنظور المشكله اللي جدامي
احسن لج وله البعد لولفتره الى مابعد العيد في الاخير هو موب قاعد يصرف عليج يعني يباج للفراش والسلام ؟؟
اذا على الفراش المعاشره بالاكراه منفره بالرغم اني بنت موب متزوجه لكن اشعر بما تشعرين به
كيف بتتقبلين رجل لو هوحلالج على فراشج امر مقزز ممارسه الجنس في مثل هالشعور المنفر
لازم ترتبين مشاعرج عشان تعطينه حقه ويعطيج حقج وبعدين المفروض هو ينام بالغرفه الثانيه وانتي تنامين بالغرفه الرئيسيه لانج بنت وهو رجل انتي قاعده تقدمين تنازلات حتى في اتفه الامور وهالشي خلاه يتمادى بتصرفاته الغير محببه لج عزيزتي
الرجل بالنسبه لي مثل الخاتم اذا حبيته حفظته زين عشان مايضيع واذا ماحبيته بتركه