اخي الكريم ابو حكيم 1 انتظرت امس ردك على ماكتبته هنا بفارغ الصبر طول اليوم وانا ادخل واخرج من المنتدى

اشكرك على موضوعك .. واشكرك على ردك الكريم واحيطك علما بانني كتبت كثيرا هنا في المنتدى عن ما عانيت ومازلت اعانيه ومعرفي السابق كان ... هبة الرحمن ... والكثير من الاخوات والاخوة هنا يعرفونني
هذا هو رابط قصة حياتي http://www.66n.com/forums/showthread.php?t=240075

حياك الله ياعسا ربي يرزقك بالزوجه الي تتمناها واكثر

وتحطك بعيونها انت وامك ومن غلاتك تحشم كل من له صله فيك

ندخل بالموضوع
الهوشات بين الزوجه والحموله احس العينات هذي ماعد موجوده
راحت العادات والتقاليد بين الزوجه وام زوجها وخواته
الغالب الان العلاقات الرسميه فقط

والدنيا دين مثل ماتسوي بيجيك لو بعد حين او بيكون بعيالك. هذه قاعدة امي

والزوجه هي الي تقدر تسوي لنفسها مكان واحترام عند اهل زوجها
وعلاقتي باهل زوجي اللهم لك الحمد لي معزه خاصه عندهم
مع ان لابد من حركاتهم الغبيه
بس مااحلا من التطنيش واحراجهم بحسن التعامل معهم مع الايام يتغيرون كثير
وبنسبه لمرت الاخ بنسبه لي احترمها وقدرها مع ان فيه بعضهن الله يهديهن وسلوب تعاملهن

بس مايهمني اعملهن اولا بطيب اصلي وثانيا علشان اخوي ليه انكد عليه بامور مالها داعي حياتنا مب واقفه ع تعاملها معنا اهم شي اخوي ومرتاح معها
الاهم
اخوي وعيالهم داخلين طالعين ع امي يكفينا وهن الله يحفظهن

عاد حنا من النوع الي نقدس الاخ نتحمل كل حاجه ونتغاضه عن اشياء

مقابل اخواني وراحتهم وعلاقتي فيهم

__________________
سبحان الله وبحمده

حياك الله أختي الكريمه ريفان وأهلا بك
أشكر لك دعائك الطيب الذي استشعرت صدق كلماته
وأشكر لك تواجدك بموضوعي ومشاركتنا بتجربتك
وجزاك الله خيرا .

السلام عليكم ورحمة الله وبركاته ,,,
تختلف وجهة النظر وتتباين الأراء ,,,
وكل يحكي حسب مارأى وسمع وعاش ,,,
ولكن ,,,
الجميع يتفق بأننا سنعيش هذا الدور فالزوجه هي أيضا أخت زوج وستكون أم زوج في المستقبل ,,
وهكذا ,,,
لذا لانستطيع أن نحصر جميع الظروف والمواقف ,,,
بأن أهل الزوج دائم هم الظلمه المتسلطين ,,,
فربما أيضا ,,,
وأنا أعرف حالات أهل يبتلون بزوجة ابنهم وتكون نقمه عليهم ,,,
جزاك الله خير ,,,

__________________

السلام عليكم
حبيت اشارك في الموضوع واقول ان تربية الشخص إهي إللي تحكم تصرفاته يعني انا تربيتي ماتسمح لي اني اتطفل واتدخل بشي مالي خص فيه حتى لو كان اخوي واستحاله اني اخرب حياة اخوي او اسيئ لزوجته
وابي اتكلم عن علاقتي مع اهل زوجي من بدايتها غلط وانا أحط كل الحق على زوجي لانه ماحط حد للامور اللي تصير وهذي بعض المواقف
في الايام الاولى من زواجنا كانوا اهل زوجي عماته وخالاته وبناتهم يزورونا في البيت وانا فوق في شقتي فخالاته وعماته يسألون وين مرت اخوكم فجات وحده من خوات زوجي تناديني ونزلت معاها وانا اسلم على اهلهم إلا تقول اخته الثانيه ناديتوا البزر والكل جلس يضحك علي وزوجي عادي عنده الوضع
وغير تدخلاتهم وتعليقاتهم على لبسي وعباتي
وزوجي يمشي كلامهم علي إلبسي مثل خواتي وزوجات اخواني وامي تقول عباتك فيها لمعه واجد واختي تقول شنطتك ألوانها فاقعه لاتطلعين فيها مره ثانيه حسسني إني متزوجه عايلته كلها يتدخلون في كل شي لبسي عباتي شعري حتى إذا بغيت اشتري شي ينزل لامه وخواته ويشاورهم وكل وحده تشور عليه بشي ويطلعوني ما افهم وفي الاخير يشتري الشي اللي سعره رخيص وإللي مدحوه امه وخواته مع إنه كان مقتنع من قبل برايي
اي طلعه اطلعها لازم امه او وحده من خواته تكون معاي او بنت اخته لانها في عمري اذا كنت معزومه لزواج او عيد ميلاد وحده من صديقاتي بنت اخته لازم تكون معاي اذا بروح لوحده من قرايبي والد اومريضه امه معاي كرهني في عمري
واليوم إللي بعده القى التفاصيل كلها عند زوجي كل كلمه قلتها او حركه سويتها يعلمونه فيها جواسيس معاي في كل مكان
في المدرسه بنت اخته معاي في الفصل نفسه ونفس الشي تراقبني
ومن جهه ثانيه تفضح فيني لبنات المدرسه اي شي يصير بحياتي مع زوجي هوشه او اي سالفه تصير تسولف فيها للبنات
وزوجي عادي عنده وإذا سمع اني تكلمت معاها كلمه هاوشني وقال عني ام المشاكل
وحقوده
إذا بغيت اطلع واهو في الدوام طبعا اكون ماخذه اذنه وإذا نزلت امه و أخوانه الشباب يسألوني وين رايحه ومع منو ومره من المرات اخوه طلع وراي ويراقبني يشوف منو اللي بركب معاه وانا راكبه مع اخوي في السياره ولما قلت لزوجي قالي انتي سيئة ظن
وامه الله يسامحها يوم ماتنزل الرواتب تقنعه انها بتاخذ راتبه وبتحطه عندها بالتجوري واي وقت يبي ياخذ من فلوسه ياخذ لان معاه مفتاح ويعطيها الراتب كله وبدون مايقولي
وما اكتشف إلا لما تخلص المئه ريال اللي معاه ويبي ياخذ غيرها وتكون امه مقفلة باب الغرفه إللي فيها التجوري وطبعا كل هذا عشان تعرف مصاريفنا وكم اخذ من راتبه وشنو شرى وكم عطاني
لما صار عندنا عيال قنعته ان يخلي الراتب في حسابه واي وقت يسحب افضل من انه يتعطل وامه ماتكون موجوده
اهلي من تزوجت زاروني 3مرات وبعدها حلفوا مايدخلون بيتهم لان ام زوجي تقط عليهم نغزات واهم داخلين البيت
وغير سوالف الغداء إللي أطبخه وتحط فيه عيوب الدنيا دسم كثير ومالح وماصخ
وتجيب من طباخها وتقول لزوجي اكل من طبخي لاتاكل من طبخ زوجتك وانا اموت من القهر وزوجي مبسوط بأمه ﻷانها خايفه عليه
في ولاداتي الثنتين سببوا لي مشاكل حتى المستشفى اللي بولد فيه تحكموا لازم حكومي وحرام مستشفى خاص وكلنا ولدنا بحكومي جاء لي زوجي وانا في غرفة الطلق يبي يطلعني على مسؤوليته ويوديني مستشفى حكومي يوم درى ابوي تضايق وقاله انا بتكفل بمصاريف المستشفى وابوي إللي دفع
اغراض اعيالي بالحسره شريتهم واغلبهم امي شرتهم لي رحت فصلت فراش لسرير ولدي طقم مع سلة الشكولاته يوم دروا وقالهم زوجي عن السعر أمه بتصيح وتقوله الفلوس نعمه من ربنا وانت تقطها على مظاهر فاضيه ليه ماتشتري جاهز مثل الناس بدل هالخساير طبعا الكلام صار قدامي وزوجي حلف إنه مايجيب الطقم وان كلام امه صحيح وغيرها من السوالف إللي تعور القلب
امه وخواته يعاتبونه بان بنتي ماتنزل وتتلعب مع اعيالهم بعكس عيال اخوه وامهم السنعه معودتهم ينزلون ويلعبون وصار يلزم علي اني اعودها تنزل وتجلس مع عماتها وتلعب مع عيالهم وماتصعد بنتي إلا وإهي مضروبه وشعرها مبهدل واهو عادي عنده عسل علىقلبه اعيال اخوه واعيال خواته
عيالي شافوا الضيم من اعيالهم ولدي واهو بعمر6شهور خذاه زوجي وقالي طبخي انتي الغداء وولدي بخليه شوي عند امي
مالحقت عليه إلا هم راشين بعيونه مبيد حشرات سببوله إلتهاب تورمت عيونه وتلعوز وزوجي حتى كلمه ماتكلم
وبنتي ضربوها بعلاق الملابس بوجهها ونزلوا الدم منها يوم تكلمت وعصبت لما شفت الدم ينزل هاوشني ويقول اني احط بالي وبال اطفال وانا بزر مثلهم
والله لو بحاول اذكر جميع المواقف ماراح انتهي
انا في بيت اهلي من شهرين والمشكله ذكرتها في موضوع" حياتي على وشك الانهيار"
زوجي حاول يرجعني لبيت اهله بعد المشكله إللي صارت بوعود مثل كل مره لكني رفضت ولزمت على سكن مستقل بعيد عن اهله وإهو رافض الموضوع بتاتا
ومدري شنو راح يكون مصيري معاه..