السلام عليكم
يا اختي كيف تحطي النار جنب البنزين وبعدين تتشكي
اسمعي الخدامة لا تجعليها تدخل الى مكان جلوس زوجك ولا حتى لترتب او تشيل شي او تقدم اي شئ
انت قومي بكل هذا ولا تتكلم معه اذا ارادت اي شئ خاص برسايلها او معاشاتها تكلمك انتي لاتتركين لها المجال تكلم
زوجك ابدا ابدا .
انا من كثرة خبرتي في الخدم عندي قوانين تفهمها الخدامة اول ما تشتغل عندي
مثلا ممنوع تدخل الصالة واحنا قاعدين انا بنفسي اقوم واخدم نفسي واخدم زوجي ولا اخليها تشيل الاكل بعد ما ننتهي
انا اقوم اشيله وانا ارتب الصالة بنفسي واذا خرج زوجي من البيت ممكن اناديها تنظف
واذا كان زوجي في البيت يكون شغلها في المطبخ فقط او تروح لغرفتها .
وفي الصبح لا تطلع ولا تورينا وجهها الى ان نخرج كلنا من المنزل بعدها تبدأ بالتنظيف والترتيب
واذا عندك اطفال صغار لا تعودينها تركض وراهم في البيت وكل شوي مارة من امامك لا عوديها تدخل واحدة من الغرف
وتقعد تقابلهم.
وحتى اذا مثلا زوجك جايب اغراض ويبيها تنزلهم من السيارة لا تخلينه هو يقول لها روحي نزليهم لا هو يقولك وانتي
تبلغينها.
وبعدين ابي افهم شلون تقولين ان الخدامة هي اللي تفتح له باب السيارة ....ليش ما يقدر يفتح الباب بنفسه .
واوصيك بالدعاء دائما بان يعطيك الله من خيرها ويكفيك شرها واحسني معاملتها ولا تقصري معها بشئ ولا تسئ
اليها حتى لا تحقد عليك وضعي بينك وبينها حدود حتى لا تفقدي هيبتك و و و و والله عندي نصايح كثيرة ما خلصت
بس اهم شئ تدعين لنفسك ولزوجك ولاولادك بالحفظ والبركة
ودمت