اخوي تعوذ من ابليس ولازم تتعود على شي اسمه صبر ولاتكون ملول وعجول الله يهديك وبعدين تندم والله العالم زوجتك نفس حالتي لمازوجي بدأ يكلمني بعد الملكه يعلم الله كنت استحي واعترف ماكنت اعرف اتكلم معاه ابداهو اول شخص دخل بحياتي وكان يبي لي وقت اتعود عليه و اكيد بتفرق مع زوجتك لماتتكلم مع اهلها ومعاك وشي طبيعي تكون كذا كل البيوت تربي بناتها على الحياء والخجل مستحيل بين يوم وليله تكسرهذا الحاجز
وزوجتك واضح انها في قمة التربيه ماشاء الله ..الله يسعدكم ويجمعكم على خير

__________________
وكن في الطريق عفيف الخطى,شريف السماع كريم النظر
وكن شخصا ان اتوا بعده ,يقولون مر وهذا الأثر..

دامها مب في بيتك طبيعي ما بتتكلم وبتحس بخجل تجاهك.
قبل الزواج كنت ما اتكلم كثير وشخصيه جاده ماحب المزح.
لكن الحين صرت مرحه اتكلم وايد.
لانك متحمس للزواج ماعندك صبر.صدقني كل شي بيجي في وقته

نوعية التواصل مهمه

فيه اشخاص كثيرون الكلام سريعون .. كلامهم عميق.. ناس كلامهم سطحي

وناس مقلون فالكلام لايحبون الاكثار منه .. والخ الخ

اذا هذا مو مهم فالزواج كمعيار.. عيل ايش المهم؟؟

تخيل بكره تصير مشكله ما.. وتجون تبون تخططون وتفكرون مع بعض .. تلاقي نوعية التواصل بينكم شبه معدومه؟!

أعرف وحده ماتحب تتكلم فالتفاصيل وقليلة كلام ونوعاً ما خياليه .. يعني المنطق عندها عليه السلام.. وزوجها منطقي بشكل كبير ويحب يتكلم كثير وماعنده مشكله يقعد بالساعات يتكلم عن موضوع عميق وكله تفاصيل .. وهي كثير تعبانه منه وهو تعبان منها

ما اقول لك مافي حب بينهم.. لا فيه

لكن هي حساسه وهو صريح جداً واحيانا يجرحها بكلام مايقصده ولكن لان طبعه الصراحه

وهو يتملل من زعلها الدايم ويقول تكبر الامور.. وتعقدها وتزعل بسرعه

انا ماعندي اي مشكله فالتواصل مع هذا الشخص واقعد معاه ممكن يومين نهذر

ولما يقول لي كلمه من كلماته الصريحه مازعل ويمكن ارد عليه بنفس القوه وعااااادي جداً

لاني نفس شخصيته والتواصل بيننا ممكن

هذا اهم شي فالزواج يكون التواصل جيد بين الزوجين

لازم تعرف وتتاكد أن هذا الخجل الي فيها مو خجل انها عروس ولكن طبع

وبعدها كيفك استخير وشوف نفسك تقدر تكمل ولالا

لان احيانا بعض الاهل يخوفون بناتهم .. لازم تستحين ولازم ماتتكلمين بيفهم انج جريئه والخ الخ

فانت لازم تتاكد جيداً من ان هذي فعلاً شخصيتها

المفروض وقت الخطوبه تكون هاايم فيها ماتقدر تترك التلفون

انا اتذكر زوجي كان يعاني مني من هالشيّ عالرغم من اني ابو الهذره كلها ومب من النوع الخجول ابداً .. لكن امي كانت تخوفني وتشككني في اتصالات زوجي الكثيره

كان تقريباً مايترك التلفون حتى وانا نايمه معاي عالخط

كانت تقول لي يمكن يشك فيج .. وانتي ماخذه راحتج معاه لو انفصلتوا بتتحسفين

كلام غريب عجيب يا أمي ولكن مالومخا لانها خايفه علي

ولكن الحمدلله انا لاني صريحه صارحت زوجي بالكلام الي امي قالته كله والي قالوه لي بنات عمي وخواتي .. وهو وضح لي الامور كلها وقال انا لاني احبج اتصل دايم ومن هالكلام وانا زوجج ليش ماتكونين جريئه معاي؟؟ والخ الخ.. وجزاها الله خير بنت خالي قالت لي كل وحده وزوجها غير والرجل اذا استحيتي منه ممكن يفهم انج بارده او مو متقبلته وراح ينفر! لا تسمعين كلام الحريم

ومن يومها وانا مطنشه لكل حرمه واتعامل مع مشاكلي معاه بنفسي واصارحه بالضبط بشعوري

وماشين تمام!!

فاحتمال تكون زوجتك حد مكلمها موصيهاا

تاكد قبل ما تقرر بالاول!

واذا ماتقدر تتقبلها احسن تنفصل لان بعدين راح تظلمها جد جد بعد الزواج

اذا كان هالمووضوع ينفرك منها بهالطريقه و ممكن تروح تدور هالمواصفات بغيرها!!

ليش؟ من الاول.. اختار وحده ما تقدر تشيل عينك عنها وتكون فعلا نصفك الثاني

للحين اذكر كلمه زوجي يوم قال.. آنا مشترط على امي شرووط كثيره.. وقالت تبيها منزله من السما؟ قلت ايه عشان ما اشوف غيرها ولا اخونها وتملى عيني

لكن قبل ماتتخذ الخطوه صارحهااا تماماً بكل شي.. قول لها علاقتنا بارده وغي عن ماتوقعت وانا ابي شريكه حياه .. تشاركني كل اموري واحس بوجودها .. انتي شخصيتك غير عني

صارحها لان يمكن يطلع سوء تفاهم وتنحل المشكله

اسمح لي اخوي اقول انه واضح انت الي تطفش

واحد يتصل ع خطيبته ويقولها بس كيفك ايش اخبارك فقط ترى الشراره تبدأ منك دلعها سولف معاها كثيييير حتى تتعود وتتجرأ عليك

المرأه الي ماتعودت تناقش الغريب صعب تتأقلم مع زوجها بسهوله

ومتأكده لو انها جريئه كان انت تخوفت منها ومن جرأتها ....