قولي يا ابو فلان طال عمرك انا والبنوته
اشتقنا لك ان شاء الله ذا العيد بتكون معنا
بس اصبري لمن يقرب العيد لانه غالبا
سبحان الله مايصير الشي اللي متعود عليه
الانسان ربما ياتيك بدون نقاش
بس طولي بالك

أتمنى ذالك
اتمنى يصير بدون نقاش لأني صرت اكره النقاش لانه ينتهي
دائماً ضدي..

هلا عزيزتي

طبعه مستفز احياناً لما اطلبه شي
مايقول شفهياً اوك حاضر او طيب
لا يقول انا بشوف المناسب مابي حد يملي
شي علي وبعدين عادي يسوي اللي انا ابيه
طيب يا اخي قول اوك وانتهينا ليه حرق الاعصاب هذي

والله يا متفائله انا نفسياً ماني قادره اعيش في مكان
ماني متربيه فيه.. منطقة زوجته كلللللللل اللي فيها
اهلهم واقاربهم انا مالي حد خير شر
انا هنا عند اهلي احس اني متماسكه واحس بقوتي
هناك ما اظمن كيف بتكون حياتي ولا نفسيتي
تخيلي تشوفين كلللللل اللي حولك مع اهلهم وحبايبهم
وانتي غريبه عنهم !!! صعب والله
ادري بتقولين بتتعودين تالي بس والله ما اقدر
مع ان اهل زوجي بفضل الله يحبوني وزوجات اخوانه
يحبوني.. بس اعيش بينهم ماني متقبله هالشي

وتحسبون ماني شايله هم بنتي اذا كبرت وربي رزقني
بغيرها اكييييد ودي تكون ليل نهار قريبه من ابوها واخوانها
بس شي فوق طاقتي

يعني مستقبلاً لو يكون نظامنا شهر وشهر مو كويس !!!؟؟

اقلقتيني يا متفائله ..💔

ماعرف السنين الجايه شنو مخبيه لي
عساه تكون خير وسعاده

بس شي فوق احتمالي وطاقتي والله العظيم
يمكن تقولون ابالغ بس والله هذا انا

هو كذا قصده انه بيخليهم وبيجي في هالفتره يعني
بس مابيه يجي الحين وحنا تونا نص شوال وباقي ذو القعده
كامل بعدين مابيه يفاجأني نعيد يوم يومين ويقول المدارس
قربت لازم اجيبهم
كذا قرف ماصار عيد
انا ودي انه يقعد مده هناك عادي بس يجيبهم معه
عشان خلاص هم يكونون في بيتهم قبل العيد والمدرسه
وحنا نعيد براحتنا ومايكون وراه شي انا صعب علي


اااه يارب احس محد فاهمني 💔

دامك اذا طلبتيه يقول اعرف ايش اسوي ماعليك قولي له وماعليك من ردة فعله اهم شي وصله انك تبغيه يجيك قبل المدارس بفتره

وبعدين ايش المشكله لو عشتي معاه فترة الدراسه والاجازه كلها عند اهلك تعرفي ع جارات وكوني صداقات
والاجازه ارجعي لاحضان اهلك

انا حاسه فيك لانه اهلي بعيد عني والمنطقه الي انا فيها فيها اهل زوجي فقط وكل المناسبات كنت احس اني غريبه وللأمانه رغم مرور سنين طويله الا اني لازلت احس اني غريبه لكن مصلحة اولادي فوق كل شي وبرضه ليه اعفي زوجي من مسؤليته تجاهنا ويتعود ع كدا

والله حبيت انصحك فقط اهلك خليهم للإجازات وباقي الايام اجلسي مع زوجك في بيت مستقل لك وماعليك انه المنطقه فيها اهله وجماعته اهم شي انتي كوني علاقات بترتاحي

حبيبتي تسلمين لي من ذوقج ❤🌼

.

نظام شهر و شهر مو كويس على قولتج
لان شدعوة يعني خلال هالشهر كامل انتي ما بتحتاجينه ؟
وإذا هو عندج شهر كامل اهله ما بيحتاجونه ؟
غياب الزوج والأب فترة شهر مو شوية!
سبحان الله ممكن أي بيت يحتاجه بشكل طارئ..
بس لما تكونون قراب من بعض افضل بوايد

باقول لج شغلة ،
آنه ساكنة مع زوجي في منطقته هو
بل إن آنه اهلي في محافظة وآنه ساكنة في محافظة ثانية
و بعيداً عن اهلي يعني
صح فرق المسافة ما اتصور فيه مقارنة بيننا و بينكك
لان بين بيتي و بيت اهلي ربع إلى ثلث ساعة بالكثير
وفوق هذا عندي سيارة..
لكن مع ذلك الأمر وايد ممل و مرات وايد ما اروح بيت اهلي
وودي لو احد يوديني لان مو حابة اروح بسيارتي بروحي كل هالمسافة
و هني في منطقتهم كلهم اهل و حبايب و يعرفون بعض وآنه الغريبة بينهم..
بس شوي شوي تأقلمت مع اهله
صرت لما امل شوي اروح عندهم ..
او اكلم اخوات زوجي يجوني البيت و جذي يعني
بس احسن من ان اكون بمنطقة وهو بمنطقة ثانية!
جذي متى ما احتجتينه تلاقينه عند ويهج



* ملاحظة : مسافة ربع و ثلث ساعة بالنسبة لنا كبلد صغير نشوفها وايد ...

__________________

حاجة الناس إليكم من نعم الله عليكم ، فـ لا تملوا النِعم ☁✨

ايه انا غالباً ماعلي من ردة فعله اذا ابي شي
حتى لو قال انا اعرف شنو قاعد اسوي
اقول طلبي كذا بوجهه
لأني دايم اقول بنفسي الرجال مايستحون
ولا يلفون ويدورون اذا يبون مننا شي
ويعطوننا بالوجه.. فصرت اسوي نفس الشي
بس مع شوية ذوق وادب.. بداية زواجنا
اقول فشله اطلب منه فلوس.. الحين والله
اطلبه والمبلغ اللي انا ابيه.. ولما يطلع الفلوس
من جيبه بيعطيني مبلغي اغافله واسحب من
يده باقي الفلوس بخفة دم يعني وعادي يضحك
وانا كنت مثل الغبيه على بالي كل ماسكتت في طلبي
بيقدم اكثر اثاري الرجال ابداً مو كذا..

بخصوص السكن..
ااااه حرام عليكم حركتو بصدري موضوع كنت متغافله عنه
حالياً ماقدر ماقدر مااااقدر واللي رفع سبع سماوات ما اكذب
عليكم من اللي شفته بتجربتي الاولى يخليني مستحيل
ابعد عن اهلي.. على الاقل في سنيني الاولى مع ابو بنتي
يمكن بعدين ربك يحلها ويتعدل الوضع

والله العظيم ودي تكون مسأوليتنا ليل ونهار عليه
واكيد افكر في مصلحة بنتي قبل مصلحتي
بس انا احس نظام شهر كويسه
ادري انه مستحيل طول شهر مابحتاجه
بس ع الاقل افضل من الحياة العشوائيه
اللي نعيشها صح ولا لا ؟؟
تخيلو يقعد عندهم فترة عشرة ايام او اسبوعين
وفجأه القاه داق علي فلانه انا جاي بالدرب
خير خير خير غلط كذا يالحبيب
انا مو متأهبه وبنتي وبيتي وكذا يعني
حتى انه احساناً يدق يقول انا جاي
وانا اكون طالعه مع خواتي
يعني الوضع عشوائي عرفتي كيف
لو انتظمنا شهر بشهر افضل
واذا لا سمح الله صار طارئ
ذيك الساعه معذور

ادري والله نظام شهر وشهر مو حلو ولا انا اتمناه
يازين
بس تقبلين نظام شهر وشهر ولا الوضع العشوائي اللي وضحته
في ردي على متفائله..؟!!

قانون المنتدى يمنع

الكتابه باللغه الانجليزيه في اقسامه العامه عدا ماتقتضيه الحاجه
في الاقسام التقنيه والطبيه

اداره المنتدى