اهلا عزيزتي..
كان الله بعونك وبصراحة انا ماني مع الأخوات اللي هونوا من أثر هالكلمة بصراحة فعلا ترجح ومشكلة انها تكرر دائم!!
بصراحة موقف صعب..
لكن مو هذي القضية.. القضية ان موضوع الطلاق جدا جدا صعب ومهو خيار سهل
وانا ما ألومك تحلمين في بيت هادئ مقتنعة انه بيتك لطول العمر وو الخ لكن معليش لمصلحتك ومصلحة الاولاد خليها توقف عند الحلم!
بعدين اختي أنا ما أدري بس هل انتِ من النوع العصبي؟
يعني في توتر دائم بالبيت ومشاكل؟!
هل انت تنقدينه في شخصيته او حياتك معاه؟ مثل يالله وش هالعيشة...ملّيت...الخ..
اذا تصدر منك هالكلمات ترى لها دور حتى لو كانت من زمان! كونها سمعها منك! خذاها فرصة كل ما صارت مشكلة قالك يالله عاجبك والا اطلعي!!
لان موقفه انه اخذ الاولاد ومشاهم ورجع يدل على انه يبغى يحسسك انه مو محتاجك!
مع ان تصرفه هذا يدل على انه حريص على استمرار العلاقة!
شوفي اختي انتي اعرف بحياتك..
بس اذا انت متأكدة ان زوجك يحبك او مرتاح معاك عموما او مهتم بالأطفال ويحبهم فمعنى هذا ان كلامه هذا مجرد عصبية وتنفيس عن مشاكله هو..
وذا انت حريصة على حياتك فعلا وما ودك تخسرين زوجك كشخص بغض النظر عن عصبيته هذي فاسمعي مني! لانه صدقيني ما فيه أبدا انسان كامل وكل هالناس اللي تشوفينهم عايشين سعادة خيالية إلا ما تلقين في حياتهم مشاكل مملة وصعبة وكبيرة بس يطنشون يوم وينبسطون يوم ويتطاقون يوم!!
صدقيني أعرف كثير حياتها مثالية لأقصى درجة وواضح أن زوجها يموت فيها مرة مرة وهي بعد تموت في زوجها تحكي عن مواقف كثييييييييييييييرة!!! صارت بينهم تقول خلاص جهزت شنطتي بروح أهلي!! يعني مو مرة ثنيتن لا كثييييييييييرة!! ورغم كذا ترجع المواقف تتغير وترجع بعد كم يوم يطلعون مع بعض طلعة حلوة وينسون ذيك اللحظة!!
يا اخيت ما أحد عايش سعيد ومرتاح وكل انشان عنده ظروف صعبة.. لكن الانسان الناجح اللي قدر يتجاوزها!
معليش اختي جربي هالخطة وتحملي صعوبتها وبإذن الله راح تلقين فرق!
حاولي تهدين الوضع الآن خليه على راحته ولا حتى تتكلمين معاه او تفتحين معاه موضوع الا للأشياء الضرورية لكن اذا هو بدا حاولي شوي شوي تهدين الوضع وتدخلين في السالفة.. بعد كذا كل ما شفتيه عصّب ابعدي عن المشكلة طنشيها لا تحتدين في النقاش حتى لو طلبتي شي من حقك ورفض معليش كلميه بس بدون مشاكل! يعني بهدوء ونقاش عقلاني!! معليش اعرف ما راح يستجيب بس كلميه بعقلانية ولو سمحت وممكن اعرف المانع ووو بعد فترة راح يهدا هو ويحقق لك طلبك..
اذا لقى ان الوضع استمر بهالشكل ومافيه مشاكل ولا توتر راح يستغرب!! وهذي اللحظة اللي نبيها!
نبيه يستغرب ايش اللي صار؟!! المراة تغيرت!!
راح تلقينه يتعامل معك بحذر وشوي شوي راح يسأل ويناقش يبغى يشوف وش وراك ممكن بعد كذا تفتحين معاه الموضوع وتقولين له ان مثل هالكلمة ممكن تخليك في لحظة غضب تسوينها وفعلا تروحين بيت أهلك والضحية هم الأطفال.. وو
اعرف طولت عليك! بس م الوقت راح تلاحظين اني دائم كذا (كلامي كثير! )
بالتوفيق

مشكوره يا قلبي على كلامك وانا ما انكر انا من النوع العصبي وعلى قولتك مثل ها الكلمات هذي ياما قلتها وما انكر انه يحاول يعيشني مثل ماكنت عايشه قبل الزواج بس برضو حتى لو اني كنت متنرفزه او رديت ابعصبيه هل استاهل كل هذا اجل وين حكة الرجل اذا قل مره تظايقت وقالت كلمه هب فيها تصدقين انه سبق ومد ايده علي بس خليت الموضوع بين ارجال وماكان ضرب ضرب با المعنى المفهوم لا هو دفني بقوه على الجدار وصارت سالفه وقدرت بعدين انسى او اتناسى وهو برضو تحسف على الي سواه بس كلمته لي والله اذا ماتعدلتي لتزوج عليك واحطها قدام اعيونك انا ابي وحده تطبخ لي غدا وعشى وانا علي اختبارات والعجيب انه هو الي قال لي لاتلمسين اي شي والعيال انا بساعدك بعدها بيوميم من بديت اختباراتي بدا يطفش

ها الكلمه اعدمت ثقتي فيه احس اني خلاص لايمكن اثق فيه وما امن حياتي معاه يكفي انه فكر بشي هذا وطلع الي ابقلبه

اهلا أختي..
معليش اختي ولا تزعليم واضح انك عصبية.. ولا تحطين راسك براسه!

شوفي اختي الحياة ما فيها الا حلين يا الطلاق او الاستمرار!
والاستمرار بنكد ما يحس فيه الرجال!! صدقيني اللي يتأذى منه المرأة!!

لان الرجل يطلع برا البيت يروح لأصدقائه يروح لمطعم ان شاء الله ينام أو حتى يقعد كذا بالسيارة!!!
بس يطلع لكن المرأة لكن المراة مردها بيتها!

يا اختي ومسألة حنكة الرجل وعقله وو يابنت الناس خليها على ربك بس!

خليكي انتِ الكبيرة
من جد خلي عقلك أكبر.. وفكري بمصير الأولاد...
وصدقيني لو قلتي خلاص قررت الطلاق ما راح أناقشك لكن بتعيشين كذا كل يوم!؟! ماتحسين انها صعبة؟!
علشان كذا أقولك صدقيني المرأة الناجحة مو اللي زوجها خِلقه يموت في الأرض اللي تمشي عليها لا!
المرأة الناجحة التي تكسر ا لحصى علشان تخلي زوجها يحبها!
صدقني كل هالنجاحات اللي حولك ما جت ببلاش!
مافيه طالب تفوق إلا وانقهر أيام وليال
ومافيه تاجر إلا واحترق ساعات وأيام وياما خسر وياما فشل..
وفيه كثير نساء أعرفهم زوجها يمووووووووووووت يموووووووووووت فيها ورغم كذا طلق !!! مو يهدد لا طلق!
ورجعها ورجع يدللها! لكن هي ندمانة!! لانها تقول تمنيت أني ما خليته يطلقني ويجرحن ذاك الجرح الكبير!
فأنت لا تستعجلين على نفسك بمشكلة ما ودك فيها
يا أختي كل الحريم عندهم مشاكل وحتى الرجال عندهم مشاكل
واذا فكرتي بالأجر اللي بتشوفينه في الدنياوالآخرة صدقيني يخف عليك تعبك..

وموضوع انه بيتزوج عليك معليش لاتزعلين مني بس بصراحة بصراحة أستغرب في فيه حريم شايلة من راسها هذا الموضوع؟!!
يعني أنا من تزوجت وحاطة في بالي انه ممكن يجي يوم يتزوج!
بالرغم أن مشاعر زوجي والحمد لله جداجدا رائعة ما أدري يمكن تربيةأهلي جادة وحسسوني أني لازم ما أنخدع بالاحلام .. صحيح عمري ما حسسته بهالموضوع وكأنه موضوع مو بارسه أبد لكن في داخلي..
متأكدة 100% ان كل الرجال يتمنون ياخذون ثنتين وثلاث واربع!
وعلشان كذا حتى لو لا قدر ا لله وحصل هالموقف ماراح انصدم وأعتقد ان ثقتي انعدمتلان هذي مشاعر طبيعية يعني أحد يحصل له يجدد ويقول لا؟!!
خصوصا اذا زوجته تقول مليت ما أبيك مخلية حياته مشاكل يعني وش تتوقعين يصير؟!!
صدقيني أحيانا اذاعصبت وصارت كذا موقف ورا بعض أقول لو كنت مكانه وش بسوي؟! على طول أجاوب أكيد اتزوج وحدة ثانية واريح راسي!! <<< خبلة صح
عموما انتِ هدي بالك واذكري ربك وأنامتأكدةانك لسه متضايقة من الموضوع.. أنا ما أقول إنه تافه لاوالله أعرف انه شديد على النفس بس صدقيني الحياة فيها الكثيييييييييير!!
الله يهدي سرك! ويريح بالك...
بالتوفيق

__________________
[IM

طيب يابلو سكاي يعني اي خطاء يصدر من الرجل لازم نقول ايه يحق له لانه رجل يعني الزوج يضرب زوجته نقول حقه رجل ويطرد زوجته علشان مزاجه مو رايق نقول حقه رجل يامر وينهي بمزاجه نقول حقه رجل يتزوجون الحريم ويحبسونهم با البيت لا طلعه ولا دخله ولا حتى مصروف نقول حقه رجل اي رجل هذا مع احترامي لك مو كل ذكر رجل لان الرجال الي يحركه عقله مو شهواته ومزاجه الرجل الي يحركه عقله واخلاقه الي تسمو عن ها التفاهات هذا هو الرجل الحقيقي الي يدير سفينته بحنكه وعقل والباقين الله يخلف عليهم

وعلى فكره انا قلت انه هو الي قال لي لاتلمسين اي شي ولا تطبيخين ولا تنظفين اهم شي ادراستك بس طلع مو قد كلامه

بالطبع هو اخطأ خطأ كبير عندما قال هذه الكلمة
و لكن اختى لابد ان تتذكرى عدة امور
-قد تكونى استفزتيه بشكل كبير باسلوبك و حاول ان يجرحك كما جرحتيه فكانت كلمته نوعا من الانتقام لكرامته
-قد تكون حجتك اقوى و كان هو المخطئ فاراد ان يثبت لك انه مازال فى موقف الاقوى و ان خطأه لن يجعله ضعيفا
-قد يكون نزغ شيطانى تعلمين ان الغاضب يتلاعب به الشيطان كما تتلاعب الصبية بالكرة
ادعى الله تعالى ان يفرج كربك و عليك بكثرة الاستغفار

زوجي حبيبي طول عمره من عرفته ما غلط علي بمعنى الغلط لا بالكلام و لا بالحركات

لكنه في لحظة عصبية و غضب كانت نقطة تجمعت فيها عدت مواقف و عوامل في أقل من يومين جعلته

يبصق على وجهي

و صرت حينها مجنونة

أحسست بالإهانة

و صرت أكرهه من كل قلبي

أكره صوته

أكره اسمه

أكره كل ما يتعلق به

و خاصمته لمدة أكثر من شهر

لأنه كان ظالمني و فوق كل هذا تصرف معهذا التهصرف اللي حسسني بالإهانة و الذل اللي ما حسيته طول عمري

ظليت طول الوقت أتذكر اللقظة و أبكي بحرررررقة و أوحسرة

صرت أكره الدنيا بسبب هالموقف

و هو كان يعتذر و يعتذر

بس ما قدر اسامحه أبداً و فكرت في الطلاق

بعدين يوم قعدت مع نفسي و حللت الموقف كلله و عرفت الاسباب اللي خلته يتصرف معاي كذا بالتأكيد ما عذرته
و لكني قررت إني أسامحه عشان أنا أرتاح و عشان عيالي ...

و ما رضيت أرجع له إلا بعد ما قعدنا قعدة طوووووويلة تكلمنا فيها و حطيت شروطي بأنه لا يعيد هالتصرف أبدا لو وش يصير ...

و الحمدلله رب العالمين لأني كبرت عقلي و تعاملت مع الظرف بحكمة و ما دخلت أحد في المووع

رجعنا أحسن من أول

و الحمدلله رب العالمين
و ما شاء الله ولا حول ولا قوة إلا بالله العلي العظيم

__________________

سميدعه تصدقين ان زوجي نادر جدا ما يعتذر حتى لو هو غلطان وصدقيني فيه اشياء كثيره الى الان احسها بقلبي وكل ماتذكرتها احقد عليه لانه مايحاول انه يحل الموضوع معي او حتى يعتذر مايعرف شي اسمه اعتذار عكسي مع اني عصبيه بس اذا كنت غلطانه اعتذر هو مستحيل يعني نقعد فتره اذا هو غلطان بعدين كلمه تجر كلمه ولو فتحت الموضوع صرت انا الغلطانه عدم اعتذاره لي في المواقف الي يكون غلط علي فيها يخلي الموضوع بقلبي وما انساه