مؤقتا على حسب ما تفظلت به عندك حلين لا ثالث لهما اغضاب زوجك او البقاء مع الشغالة التي خفتها من وراء الشاشة لو مكانك اختار الحل الاول لانه مصيره يتفهم لان اسبابك منطقية

زوجك يدري عن افعالها ، قول له كل شي ، قول له كيف ترضى تخدم وأبناءك ، بِسْم الله هاذي شكلها جايبه معها جنودها من الشياطين ، وإذا رفض ، مالك الا سورة البقرة كل يوم تقراينها كامله ، او كل ثلاث ايام مع المحافظة على الأذكار ، وتمر العجوه سبع تمرات على الريق انت و زوجك كل يوم ، كفاكم الله شرها

مافي إمكانيه لفتح باب غرفتها بطريقه يكون مو في قسمكم وتلغون الباب الموجود حالياً؟

قال رسول الله : من تصبح سبع تمرات عجوة لم يضره في ذاك اليوم سم ولا سحر . صدق رسول الله صَل الله عليه وسلم.

الله يكفيك شرها يارب


الحل الاول
قلتي عنده غرفه مكتب بالبيت
ممكن يخليها لها وهو ينقل مكتبه بغرفه عندك؟


الحل الثاني
البيوت الجاهزه تجي ارخص من البناء
واذا مو قادر وانتي عندك قدره ماديه اشتريها على حسابك
وعلى فكره تكون على مستوى عالي
خذي شي صغير غرفه بحمام بيكون سعرها نوعا ما كويس وارخص
من البناء

الحل الثالث
اذا عندك قدره ماديه انتي تكفلي ببناء غرفه وحمام لها بالحوش
حتى لو اضطريتي تستلفي من اهلك
وقولي لزوجك انك متكفله واذا مارضي قولي له خلاص
اعتبره دين ورجعه وقت ماتبي المهم اخلص منها

الله يكتب لك الخير ويحميك وزوجك من كل سوء

__________________
سبحانك لا اله الا انت اني كنت من الظالمين

أول مرة اسمع فيها..
لكن فكرة لطيفة بقترحها عليه

آنه اوردي اشتغل بروحي يا ليلة
وفعلا ما اسمح لها تجي الا وقت الليل وقت نومها
مع ذلك اذا تجي تحاول تطول وتظل مدة في المطبخ ما ادري شتسوي لها .. وتحضر الماسك الليلي ووو
ولازم تقط لها تعليق حتى لو ما رديت
احيانا احس تعليقاتها من باب ان تبي تتقرب

حبيبتي يا رب اجمعين
هي تكسر خاطري بس ساعات تخوفني
ما فيه مجال للتكسير والبنيان لان اوردي زوجي مسوي خريطة حق يبني جزء كبير فاضي من البيت ...
ف موضوع البنيان الجاهز تو اسمع عنه وبقترحه عليه


الله اعلم يا اخي ..
ولكن سبق و عرضت علي انها تسوي سحر
وان اخوها يقدر يسوي لي اياه
بس زفيتها وقلت لها حرام ووو الخ
قالت اصلا اخوي ب اندنوسيا وانتي بعيد ما يقدر يسوي سحر


ما اعرف يا لوفتي .. محتارة فيها
اشوفها طيبة وايد ..
لكن تخوفني في بعض الامور

__________________

حاجة الناس إليكم من نعم الله عليكم ، فـ لا تملوا النِعم ☁✨

لا ابدا الفكرة مستحيلة التنفيذ ..
لان تصميم البيت مو جذي

آنه مو مشكلة بتحمل هذي هالجم شهر الباقيين
بس اذا راحت ما ابي وحدة جديدة

يدري يا ومض ويقول انه مضطر لها عشان عياله
دايما محافظة على اذكاري الحمدلله

موضوع انه ياخذ مني لو دينار مستحيل
لو يموت من اليوع ما يرضى اعطيه دينار
فما بالج وهو عنده و داش فيهم مشروع
ولا يرضى اصرف من فلوسي على البيت

بس فكرة البنيان الجاهز جديدة علي وباعرضها عليه
عالاقل لما يجيب وحدة جديدة ما تجي تقعد عندي
في وقت رواق بعرض عليه الفكرة والله يسهل


مشكورين جميعا كل من ب اسمه
والمعذرة اذا فيكم احد ما قدرت ارد عليه

__________________

حاجة الناس إليكم من نعم الله عليكم ، فـ لا تملوا النِعم ☁✨

زين حبيبتي..

بصراحة ما عندي علم كبير أو دراية عن أمور السحر .. لكن اللي أعرفه إن الملح أو الماء المذاب فيه ملح يستخدم لطرد الجن وحفظ البيت.

يعني لو هي فعلاً تبا تستخدم الملح لهدف ما فهو لمصلحتكم.


ولو زوجج مقتنع إنها ممكن تكون مؤذية ما كان خلاها تخدم عياله وهم الأولى بالخوف عليهم .. وبصراحة بصراحة ما أدري كيف غابت عن بالج هالنقطة وكيف تقبّلتي اقتراح إنها تنام مع اليهال وإنتي شاكة إنها ممكن تكون تعمل سحر وخرابيط!

وعموماً إذا هي فعلاً تبا تعمل سحر فما راح تكون بهالغباء وتطلب منج إنتي اسم زوجج واسم أمه بكل هالصراحة .. على الأقل بتروح تقص على عياله الصغار ـ اللي ما يستوعبون هالأمور ـ وتسحب منهم هالمعلومات.



لازلت أعتقد إنج بشوية حزم تقدرين تتحكمين في لقافتها .. لكني مب حابة تسيطر عليج فكرة إنها تبا تأذيكم أو تعمل لكم سحر وخرابيط.

معاج طبعاً إن من حقج إن الخدامة ما تكون عندج ما دمتي ما تبينها ولا بحاجتها .. لكن أعتقد إنج المفروض تتصرفين حسب الحلول المتاحة والممكنة .. مع الوضع في الاعتبار وين الضيق الأخف (مب حابة أستخدم كلمة ضرر لأني لين الحين مب شايفة ضرر حقيقي بصراحة) .. بمعنى شو الأهون؟ .. إنها تنام في غرفة منفصلة في قسمج وإلا تنام مع اليهال في غرفتهم؟


على كل حال .. ناقشي مع زوجج اقتراح الغرفة الجاهزة .. فهو اقتراح لا بأس به .. وشوفي إمكانية تطبيقه.

__________________


اللهم طِيبَ الأثر .. وحُسْنَ الرحيل.

عشان جذي سبق و نوهت يا مهرة اني اشوفها طيبة
و ذكرت ان اتصور انها تبي تتقرب مني لاني مو معطيتها ويه
رغم اني اخاف منها ... بسبب موقف ما حبيت اذكره
وهو ان كلمتها بحزم ان لما اقول اكلمج توقفين
لان كذا مرة اكلمها وتهدني و تمشي
لما حزمت وياها
تهددني ان تتبلى علي بأمر سبق وصدر من ام عياله وصارت مشكلة طويلة عريضة و سجلت كلامها و سمعته زوجي
و هي فعلا مو سهلة و لكن موضوع السحر مو وايد حاطته في بالي... مع ان تصرفاتها مريبة احيانا

موضوع ان تكون مع عياله .. فارغين من موضوع ان ما ابي لهم الاذية طبعا
عياله عيالي ..
لكن في النتيجة آنه مو محتاجة لها بتاتا بفضل الله
فما احس اني مضطرة اخليها معاي وآنه مرتابة منها ما احس بالاطمئنان و آنه طبعي خوافة ..
بس ما اقدر اقول له هالكلام ان انه مو مضطرة ووو لان ما ابي ازعله
على فكرة ممكن يستسيغ عقلي فكرة ان تبي تأذبني
لكن مستحيل تأذي عياله
لان تحبهم ومتعلقة فيهم .. لدرجة ان تعرض روحها للمشاكل مع امهم بس عشان ترضي اليهال


بطرح عليه فكرة البنيان الجاهز على رواق والله يهديه و يوافق .. عالاقل حق العاملة الجديدة

__________________

حاجة الناس إليكم من نعم الله عليكم ، فـ لا تملوا النِعم ☁✨

انا اشوف انه مافي حل عملي مقنع
الا حل واحد
وهو تستغني عنها تماما
يعني لاتحتاجين لها بأي شيء
وبالتالي
الشغالة
ماهي شغالتك. ولاتحتاجينها
فماله داعي تكون عندك ابدا...
واذا استحال .الامر نهائيا
بيكون وجودها فقط وقت النوم كم ساعة