اخوي هذه الحقيقه المره ، اغلب البنات كذا
الحقيقه تؤلم لكن يجب ان تقبل
اخي يجب ان تتكيف مع الوضع وتصبر
لا لا تتوقع تصييير مثل امك، صعب تبيها تتغير بفتره قصيره ومثل امك مره وحده
واسمح لي هي حره ان تعطي الفلوس لأمها
انت لا تعلم
ربما امها محتاجه
واخيها لا تساعده لكن ايضا بتفس الوقت لا تجرحها
انت اكسب زوجتك بحبك لأهلها ولو بالكلام

اخوي لالالا تطلق
لا تفكر الا بعد نفاد كل المحاولات
انت اجلس معاها وشوف اللي بخاطرها وقولها اللي بخاطرك
وسط طرف لنصحها
زورها وشوفها تغيرت اولا
الزوجه الثانيه لا تفكر فيها الآن
اجلس ويا زوجتك وقولها بكل صراحه شنهو تبغي عطها فرصه ثانيه ولاتنسى دعاء ربك

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

هلا اخوي ابو ربيعه يااخي القصه ليست قصه ذل لكني انا لوبعصب صدقني راح ادمرها تدمير بمعنى الكلمه يعني راح اسبب لها عذاب نفسي وبصراحه كل ماتذكر تصرفاتها معي افكر اني اعذبها واقهرها بس بالاخير اقول اكبر كلمه ممكن تعذبها هي اني اطلقها ولااظن انها راح تلقى مثلي..

هلا بك اختي الورده ليه صعبه على الحرمه ؟؟ هي الغلطانه وكل تصرفاتها غلط وتنم

عن بلاده احساس.. هي تلعب على وتر الجمال لانها جميله بشهادتي وشهاده

غيري وكل من شافها قال ماهي سعوديه اكيد لها عروق اوروبيه لكن اللي خلقها

خلق مليون غيرها صدقيني اختي والله انا انبهرت صراحه ببدايه زواجي منها يعني

جمالها خدرني لكني بصراحه مستعد اتنازل عن الجمال مقابل الاخلاق وتحمل

المسوؤليه وتذهب هي وجمالها يبلطو البحر..

رأي الأخ أبو ربيعة صااااائب 100%....

خذها من الآخر ((تراها ما تصلح لك ولا إنت تصلح لها ))

تدري ليه هي ما تصلح لك؟؟؟؟ لأنها تبي لها واحد يسنعها ....وإنت واحد حنووون بزود( مثل ما ذكرت في إسمك) حتى لو

قسيت معها ترجع على طول زي أول... خذها من الآخر أنا وحدة مجربة(تزوجت مرتين) ومزوجة لي إخوان وأخوات ...

((ما تصلح لك ولا تصلح لها))

هلا بك اختي شيهانه يعني برايك اطلقها؟؟؟ لاني بصراحه احس انها مارح تتعدل مجرد احساس واخاف اطلقها واظلمها .. لانا حاليا مبتعدين عن بعض ولا اعرف رده فعلها..

اخوي تعوذ من ابليس
انت قبل لاتطلقها اجلس معاها
ارجوك اقرى ردي
انا ابغي الخييير لك لا تظن اني ضدك وغير متعاطفه معك
باغض الحلال عند الله الطلاق
بليز افهم ان البنت تربت على ان كل شي جاهز
يبي لها وقت

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

أخوي الفاضل

الصراحة من قهري من بعض الردود اضطريت أرد قبل لا أخرج

أخوي إنت ما قصرت معها و هذه ردة فعل طبيعية من أغلب البنات

و أنصحك لا تسمع للي ينصحوك بتطليقها ، و السبب :

1 - الرسول صلى الله عليه و سلم نصحنا بـ ( اظفر بذات الدين تربت يداك )
لكن نحن ألحين مو في وقت العتاب و بما إنكم تزوجتوا فإنت زوجها و إنت مسؤول عن
تعديلها و تربيتها كما تريد و مستحيييييييييييييييييييييييل إنها تتغير بين يوم و ليلة
و تلاقيها متأثرة بنصايح أمها

2 - أخوي أكيد كانت بينكم أيام حلوة ، حاولت تفتكرها

3 - إن شاء الله ألحين تكون تحسنت و هذه وساوس إبليس عشان أحب ما عنده
الطلاق و دامها دقت عليك مرتين فأكيييييد تبغاك

4 - إنت دللتها زيادة و معليه أسمح لي أقول ، ماحد ضربك على يدك و من حقها عليك إنك تصرف عليها
( اول ماتزوجتها وبعد شهر العسل طبعا سفرتها لباريس وقضينا شهر العسل هناك )

مو ذنبها إنك سفرتها باريس

يوم رجعنا للرياض سكنا بشقه بافخم احياء الرياض وكنت اعاني بصراحه بسبب اني اشتريت هالشقه كاش يعني تمليك وخسرت فيها مايقارب 300 الف ريال كله لاجل عيونها ولانها مشترطه ماتسكن مع اهلي..

أنا اشترطت على زوجي ما أسكن مع أهله و هذا حق من حقوقي و حق أي زوجة
لكن مو كل واحد يعمل مثلك و يشتري بيت بـ 300 ألف ، صح و لا أنا غلطانة ؟

بعد اسبوعين من عودتنا للرياض اكتشفت مصيبه البنت ماتعرف تطبخ شيءاساسا
طبيييييييييييييييييييييييييييييييييييييييعي يا خوي ، حرام عليك لا تظلمها
أنا أخواتي تزوجوا و مايعرفوا يطبخوا و بنات عماتي و أعمامي و ألحين ما في أحد
ينافسهم في الطبخ و أنا عندك أكبر مثال ، ما كنت أعرف أعمل شئ
بس لإني أحب زوجي و لإنه صبر علي و تحملني و ساعدني ، فكنت من حالي
أقوم و أجهز له و أحاول أتعلم و الحمد لله تعلمت و ما زلت أحاول أتعلم

و اللي يقول لك البنت لازم تعرف تطبخ وزوووووو ،، ترى مو الكل
لكن أغبهم ما يعرفوا ، صدقني أنا بنت و أعرف البنات زين

انت جايبني عشان اطبخ لك ياقلبي خلنا نطلع وناكل من برى احلى واحسن وانا اسايرها اكثر من مره واسلك لها واقول يابن الحلال تكبر وتعقل

صدقني بتتغير إذا تحملتها و ساعدتها و صبرت عليها و شديت عليها شوي

بدت تطالب بالشغاله لان البيت قلب مزبله الله يكرمكم هي ماتعرف تسوي اي شيء
ابدااا يعني كسووله بمعنى الكلمه لكن انا رفضت بصراحه وقلت شغاله ماتدخل
شقتنا من كثرنا حنا عشان نجيب شغاله وبديت

فيه شغالات بالساعة تجي البيت ، و كان ممكن تتفقوا عالشئ هذا
أقلها لحد ما تتعود زوجتك على شغل البيت

او غيره جلست تبكي وتصيح وتقولي انت ماتحبني انت لو تحبني كان ماترد لي طلب انت اناني.. وانا والله بريء من هالشيء يعلم الله اني احبها واموت فيها..

لإنك دللتها و بتدلل عليك

5 - لاحظ أخوي إنه هذه تنحسب لها ، إنها بدأت تتغير عشانك و الدليل إنك قلت
شفت كيييييييف كانت و كيف بدأت تتغير ؟

و كمان بدأت تطبخ لك
حرام لا تظلمها ، أي وحدة في بداية تعلمها للطبخ ، لازم تنحرق الأكلة
و لازم و لازم و لازم و أنا متأكدة إنه مو قصدها عشان تاكلوا برة
لا تسيئئئئئئئئئئئئئئئئئئئئ الظن فيها

إنت تقول ( حسيت إنها ) .. يعني مانت متأكدة ، فلا تخلي الشيطان يتغلب عليك

أخوي ترى مشاكلكم صغيرة و ممكن تنحل
بس لا تكبرها و لا تعقدها الله يخليك


ما أعتقد إنه هذه أخلاقك ، هي انسانة مو حيوان عندك ، صح و لا غلط ؟

هي تعودت منك عالدلع ، و إنت بيدك تغيرها و تصارحها إنك تبغى كذة و كذة و كذة
و إنت مشترك معها في الغلط هذا كذلك

_________________

لي عودة أصلي و أرجع

اختي الحبيبه روح الطير
حقيقه كلامك منطقي وعقلاني
اخي اقرى ردرودي ورد الأخت اكثر من مره
كلم البنت ادعي الله وراح تتيسر امورك ان شاء الله

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

هلا اختي نايت والله يااختي اتمنى قريتي ردودي على الاخوان اللي ردو على موضوعي.. والله يااختي انا تعبان نفسيا جداا.. وبعدين يااختي انا قلت لك انها اقل

مني طبقه ماديا.. يعني ببيت اهلها مو كل شيء جاهز لها لكنها مدلعه عموما..

يعني انا حققت لها اشياء ماتحلم فيها وتجازيني بهالاسلوب المقزز من التعامل هي

صدق مدلعه عند اهلها لكنها مدلعه بحدود بس معي غير.. سفرتها لبرا والصيف اللي

راح وديتها لخارج المملكه واظطريت اخذ اجازه من الشغل عشان سفرتها لانها حنت

علي واقلقتني لين وافقت .. حققت لها كل شيء .. اذا مرضت والله اسهر فوق

راسها والادويه والحبوب اعطيها لها بيدي ولا اخليها تقوم من السرير واطبطب على

راسها واحن عليها بشكل خيالي حتى اذكر ذاك اليوم انها اشتكت من بروده ووجع

بالبطن رحت جبت الفكس ودهنت بطنها وظهرها بيدي ولحفتها وحظنتها وهي

نايمه .. اتغزل فيها واذوبها بالكلام الحلو لكن ماشوف تجاوب اهتم بمظهري قدامها

واكشخ عندها وكل يوم احط عطر غير اللي قبل والحمد الله انا ربي محسن خلقي

سويت لها كل شيء... علميني وش بقى ماسويت اختي ... والله تعبت..

ينقل لمكانه المناسب...