حبيبتي مبتعثة يا انا غلط يا من كوكب تاني
بتتذكري وقت فتحوا الصبايا موضوع بالكوفي عن أدوات التجميل والماركات وقلت انا ما بستعمل شي الا بالنادر

فأمة الرحمان حكيت عن ماركة ايف روشيه وانها طبيعية وعضوية وبدون مواد حيوانية
وهون بسويسرا في كتير محلات لهالماركة فاتشجعت بما انهن ما فيهن مواد حيوانية وهيك قصص

ورحت قبل شهر رمضان جبت هيدول




لهلئ بعدهن متل ما هني
وحتى عندي كان من لوريال وماسكرا شانيل ما بعرف اذا بعدها عندي لاني ما استعملتها بدي شوف وين طافشتها😁😁😁

بس عندي إدمان عالعطورات يعني اي عطر ما بيقعد عندي فترة قصيرة الا بيكون ودع 😊😊😊😊😊

وكل مرة بقول لازم اتغير وما بتغير مع انو هالشي من 5 سنين تقريبا قبل كنت كتير اهتم بالشعر وهيك قصص بس الميك آب كان دايما خفيف بس كنت حط واهتم بين فترة وفترة

حتى عندي رفيقتي هون لبنانية بعرفها من 15 سنة ومن دون حجاب يعني فيها تاخد راحتها عالآخر ولا مرة شفت حاطة شي لا ماسكرا ولا كحل ولا ملمع للشفاه ولا كريم للوج ولا اي شي
معقول اللي بيجي على سويسرا بيصير فيه هيك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو انا دائما أتصورك جميلة للغاية وطبيعية وناااعمة مثل الوردة مثل صبية بعمر 20 ومتأكدة أن هذا شكلك والمكياج مابيليق على هالجمال الملائكي فلا تعذبي نفسك

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

حتى بجيب زيت اللوز الحلو بيبقى متل ما هوي وبس حكيت لوفتي عن زيت الأرغان هون في منه من المغرب بيجيبوه شفته عالنت قلت بدي جيب بس بحكي حكي
بس اول مرة خطبت كان عمري 17 راح خطيبي السابق اخدني على عزت الداعوق معروف عنا بلبنان انو فيه الماركات العالمية اصلا ما كنت اعرف فيهن
وجبلي بمبلغ قريب لقيمة المهر من كريمات للوجه وعطورات وميك آب وزيوتات تقريبا من كل شي وعلى اساس الزواج بفترة قريبة جدا وماما انصدمت وانا كمان انو لشو وما الهن داعي
المهم جابهن وبعدين طلبت كمل مدرستي وبس ادخل جامعة الزواج وصرت استعملهن بس سبت واحد وقت يجي ومرات ما استعملهن ضلهن سنتين عندي لخلصوا 😁😁😁😁
وبس خلصوا انفصلنا 😂😂😂😂😂😂

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبة قلبي مسك هيدول عيونك الحلوين اللي بيشوفوا كل شي حلو 😙😙😙😙😙😙

بس بتعرفي مشكلتي اذا اتعود وجهي عالميك آب واخواته وفجاة وقفت حط بحس انو بيصير شكلي باهت
لانو الكحل لوحده بغير وجهي او الماسكرا وخاصة روموشي مش كتير غامقين
وهالشي اللي ما بحبه لو سمرا كان افضل
بس البيضا اي شي بتحطه ببين ولو عالخفيف ومجرد ما شالته بتتغير
فبحب ضل قريبة للطبيعة واجمالا بحب كل شي ناعم وقريب للطبيعة
ممكن هيك شخصيتي او عندي خلل الله اعلم
ايه اتذكرت وقت حكيتي عن الخدود وما يضحكوا عليكي
بتعرفي من وقت المراهقة لهلئ مهما كنت ضعيفة بالوزن خدودي بيضلهن معبيين لانو وجهي مبروووم بس مشكلتهن اذا بخجل شوي بيصيروا حمر وكأني حاطة ميك آب 😊😊😊😊😊😊
ودايما بيجرسوني وين ما روح ههههههه
بس بحب شوف اي انثى مهتمة بحالها ومدلعة حالها
يعني بحب اتفرجى اكتر ههههه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ميمو يا حلوك وحلو سوالفك
مت ضحك لما قلتي بس خلصوا انفصلنا
دخيلك اجل لاتخلصي الي عندك بعيد الشر


انا بامريكا ماكنت بتاتا احط مكياج
لامسكرا ولا روج
الغربه سبحان الله تعلمنا البساطه مش عارفه ليه
احس الغرب يستغربوا لما يشوفوا وحده حاطه ميك اب
بس العنايه كانت هوايتي
من ارجع البيت اجرب بالماسكات والكريمات والتونك والغسول وغيره
احب هالاشياء واعشقها
وكنت دايم اطلب من الامازون اشكال الوان
بس عاد فيه اشياء تخرب او انسى استخدمها او اكسل منها

خلص وعد بدي صير اعمل خلطات وهيك قصص وحط كريمات واعمل ماسكات لانو في منها عضوي ونباتي بين الفترة والفترة وبخبركن النتيجة
لعيونكن كل شي بيهون 😙😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مسك
هل الفلر و البوتيكس يعدل الترهلات البسيطه

ههههههه وانا رجعت ضحكت من تعليقك
بس حرام ما دخلهن بس بالصدفة سبحان الله كنت بعدني مراهقة وما عقلت 😁😁😁😁

بالنسبة للغربة ايه والله مزبوط هيدا اللي لاحظته حتى بلبسي ما كتير بهتم بلبس اي شي بيريح وبضهر
اما بلبنان ما بقدر البس متل ما بلبس هون بس كمان ما بهتم بحب الاشيا اللي بتريحني وبحب البساطة
بس مرات بتحسي حالك غلط ولازم تكوني متل محيطك

حتى عندي السبراي للبرونزاج من إيف روشيه صرلها شي سنة ونص وقت طلعت رفيقتي من لبنان لهون بالصيف خبرتها عنها وخلال الكلام طلبت منها تنتظر عالتلفون لشوف اذا مدتها خلصت او لاء فطلع بعد بتخدم شي كم شهر وجربت شوي منها على جزء من جسمي لشوف اذا صالحة وما اتأثرت من سنة ونص فأعطت مفعولها وصورتلها لرفيقتي بعد تلات ساعات وارسلتلها الصورة
وخبرتني وقالتلي ايمتا بتكملي الباقي احتمال السنة الجاي هههه
هلئ انا وعم جيب السبراي لقيت هيدا الكريم من لوريال واحد مستعملته والتاني هلئ فتحته والله اعلم من ايمتا مشترييته هلئ بشوف المدة كمان اذا بعدها صالحة





وبكرة ببرم على الماسكرا شانيل لشوفها اذا مدتها انتهت او بعدها منيحة
واليوم قررت اني حط حول العيون زيت اللوز الحلو قريت عنو كتير منيح لجرب بخبركن
وسنوافيكم بأي جديد هههههه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

😅تتكلمو عن التجميل كأنه مشوار
الا يتطلب الامر مالا كثيرا؟؟

__________________

مسز داني للتكلفة حسب ما بسمع وقت احضر روبرتاج اذا بدك تعملي عند اخصائيين مشهورين وشاطرين وموثوق منهن يعني بدك تحطي ثروة مش مهم صغيرة وسط كبيرة المهم ثروة هههههه
بس اذا النتيجة كانت حلوة بتهووون

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه