اقتباس:

ماذا تكون ردة فعلها من تقول لها راح يجي يوم وازوج ثانيه؟؟؟

نفس السؤال يمكن يكون عادي عندها إذا كام يهمك أنك ما تجرحها مثلا و يمكن تفتح باب للنقاش و إذا ما فاد
تزوج
وقبل ذلك ألا يوجد مجال لدخولها صفوف الدراسة
بمعهد مثلا ,,,
يمكن تتحسن بالتعليم فالسبب واضح لكبر الفجوة بينكم هو جهلها او بعدها عن الدراسة و الناس
لو تقدر تدخلها معهد يكون افضل و شوف النتيجة بعدين و قرر

تحياتي

اسال الله لك التوفيق مشكلة غويصة جدا

__________________

عزيزي

فيه مثل با العاميه ومنتشر عندنا با الباديه يقول ( من بغى الدح ماقال اح) يعني الي يبي يرقص ويستانس ما يقول اح ولا يتعب.

يعني اذا تبي تعلم زوجتك ، لا تقول تعبت وترى مافاد فيها ، انصح وانصح وانصح ، واذا مافاد انصح وانصح وانصح وانصح، لا تكل ولا تمل ، سبحان الله ، ما نتعب من مطاردنا لبنات خلق الله ونتعب من اول بضع مرات نكلم فيها زوجاتنا.

وبعدين كل بناتنا تربوا على ها الطبيعه، او الاغلب ان صح التعبير، بحياتهم قبل الزواج محدوده الاتجاهات بكل ماتعنيه الكلمه من معنى.

حبيبي وربي حتى عندهم حدود في خيالهم وافكارهم، وانا هنا ما اقلل منهم ، ولكن تربيتهم النقيه الطاهره تحتم عليهم كذا.

بعض البنات اذا تبي تفكر وش ممكن يصير بين اي زوج وزوجته او وش ممكن تسوي مع زوجها، تتعوذ من ابليس وتقول صدق اني ما استحي ، وش لون افكر في مثل ها الامور ، وتروح تبكي وتستغفر ربها،اذا احتلمت او تحلمت تقوم خايفه وتقعد اسبوع وهي تعبانه،وتقول وش ها الي قاعد يصير فيني، انا عن نفسي ما اسمي ها الاشياء نقص او جهل ، ولكن براءه التربيه ونقاء السريره بينهم وبين انفسهم ، وهذا طبعاً شيء ممتاز ، ولكن برضوا في حدود.

المشكله عزيزي ان اهلها ما علموها ولا كلموها قبل الزواح، ولكن انت برضوا لا تقصر معها.

حبيبي هذي حياتك، اذا تبي تنبسط تكلم وانصح وسوا الي تبي وهي معك، وصدقني رااح تتغير.

وأسأل مجرب ، وربي بتتغير، اذا الحديد يتغير مع كثرة الدق، ما تبي حنا البشر نتغير مع الي قاعد يصير بحياتنا، وش المشكله لو تشتري لها كتاب، وش المشكله لو تقولها قولي لي كلام حلوو ، وش المشكله لو تقول لها البسي لي وتزيني لي ، وش المشكله لو تقول لها داعبيني، وش المشكله لو تعلمها اشياء وتتناقش معها في اشياء انت ممكن تتكلم فيها مع نفسك، ولكن الان تقولها مع زوجتك.

اهم شي لا تنسى انك تتوكل على الله سبحانه وتعالى قبل اي شي، واذا بتقولي نصحت وتكلمت ولا فاد اقولك حاول مره اخرى واخرى ولا تتعب.

صدقني ، ترى وربي اغلبنا مر با اللي انت مريت فيه ، ولكتن كلنا متوكلين على الله ونعرف ان هذي حياتنا اذا ما حاولنا اننا نصلحها بنعيش طول عمرنا كذا.

مهماً يصير الي يصير، يبقون امهاتنا واخواتنا وزوجاتنا وبناتنا اغلى مانملك في الوجود، ونحبهم كلهم.

الله يوفقنا ويوفقك.

أخي العزيز

والله أعرف قصه مثل قصتك هاذي بالضبط وراح أقولك وش صار فيها بالضبط
إن الزوجه كانت جداً مهمله لزوجها وكان شديد التنبيه لها

بعد فتره تزوج الرجال عليها والله ثم والله
تغيييير فضيييع في زوجته الأولى مع العلم إنو ما طلقها لأنو عندو منها ولد
وكانت المفاجأه إن الزوجتين صاروا يتنافسون على اللبس والمكياج والطبخ
وعلى إرضاء هذا الزوج بشتى الوسائل الممكنه

أنصحك بالزواج
والله يعينك على المصاريف والعبئ
تزوج ولا تنظر إلى الحرام
لأنه حرام وإنت عندك بنات يعني لا تعالج الخطأ بخطأ

تمنياتي لك بالسداد والتوفيق

__________________
عن بريدة رضي الله عنه قال: سمع رسول الله صلى الله عليه وسلم رجلاً يدعو وهو يقول :
(( اللهم إني أسألك بأنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد ))
قال: فقال صلى الله عليه وسلم :
(( والذي نفسي بيده لقد سأل الله بإسمه الأعظم الذي إذا دعي به أجاب. وإذا سأل به أعطى))
"رواه داوود"