الله يهديهم..للحين ناطر ارجع من العطله بعد اسبوع مع ان كنت حاجز امس طيارتي واجلتها لاسبوع بسبب المشاكل والنكد .. وهي ما تعرف اني أجلت الرده العجيب ما سئلت فيني كباقي الززوجات..ليش زوجي ما رد للحين عسى ما شر لازم ادق عليه اشوف اشعنده ما رد امس .. لا تقول خليني اتطمن على زوجي وخل المشاكل على جنب الحين واا اي شي .. كأنها خلاص انفصلت عني وما عاد يربطني شي بها وانا ما اهمها باي شي اروح ارد اموت كل شي عااادي ولا حول ولا قوة الا بالله

بِسْم الله الرحمن الرحيم

أخي العزيز سأدي لك نصيحة أسأل الله أن ينفعني و أياك بها

أنت الآن يجب عليك أن تعرف أن زوجتك زعلانه وزعلها وصلها لطلب الطلاق وهنا عليك أن تعلم أن هناك مشكلة ويجب أن تستعين بالله لتجد حلها

عليك أن تتعامل معاها على أنها زعلانه فلا تتوقع منها رومنسية وحب وود في هذه الظروف

فمافي داعي تجلس تكبر المشكلة اللي بينكم بأنه لا تعبرك ولا يهمها أمرك حتى لا تزيد الفجوه بينكم بل عليك أن تبدأ خطوات جدية لإيجاد الحل و لا تيأس وتفاءل و أسأل الله أن يصلح حالي وحالك وحال جميع أزواج المسلمين

اهلا بك عزيزي
من الواضح انك لم تقرأ اللموضوع من البدايه لهذا كان ردك بهذا الشكل..وصدقني الطلاق صار موضه بنات هذا العصر ... زوجتي طلب الطلاق بالنسبه لها كالعلكة الله هداها.. شكرا لمرورك

انا احب زوجتي واكره الطلاق وتخريب البيت واتمنى الاستقرار والهدوء لكن ما فائدة ذلك لمن يكون من طرف واحد .. شخص يلم وشخص يخرب..شخص بايع وشخص شاري..شخص يضحي وشخص ما يهمه .. الله يهديها زوجتي وترد لعقلها وتبعد عائلتها عن مشاكلنا

معك في موضه الطلاق
لعدم الوعي و قلة مخافة الله
و غياب
الرجال بشكل عام



و اسئل الله ان يتمم عليكم بستر و اسئل الله ان يهديك لي زوجتك و كذالك الامر لي زوجتك ربنا يحفظكم

عزيزي بإختصار زوجتك تبي القوامه لها ومسألة انك كل ماصارت مشكله رحت لأهلها يحاسبونك انت بإختصار ولا تزعل مني شخصيتك ضعيفة قدامها وهي عارفه ان حبك لها يخليك تتنازل

اما تصحح الوضع بانك تفهمهم انك رجال طفشت وبايعها والولد توصله النفقه

او ترضى بالعلكة وتتحمل مضغ زوجتك لها وترضى بوضعك

يعني اشلون حطي نفسك مكاني .. يعني زوجك يقولك ابي اسافر كم يوم ولا تخبرين اهلك .. وبعدين اهلك يدقون عليكي وزوجك مو عندك وتروحين زيارات لهم وزوجك مو معاكي او احد يقولك ابي زوجك بسالفه خليه يمرني عقب الدوام..كيف يكون ردك عليهم .. الكذب ما له ريول..وعقب ما يعرفون اهلك ان زوجك سافر وهم ما يدرون ويحسون انك خشيتي عنهم اشلون شكلك قدام اهلك

نعم صحيح .. ..صارت قضايا الطلاق اكثر من قضايا الزواج .. وبالفعل بسبب قلة الوعي عند الاهل وتدليع ابنتهم والبعد عن الدين وصار اهم شي عند الزوجه تهايط مع زوجها ما تدري ان رضى زوجها من رضى ربها .. والله سمعت قصه عن اب يعشق بناته .. وعندما تزوجوا حزن عليهم كثيرا كان كلما تهاوشت وحده منهم ويا زوجها وردت بيت ابوها والله كان يسجنها بغرفتها وتاكل وتشرب بروحها ولا تطلع ولا تكلم احد غير زوجها فقط شوفي اشلون عشان تحس ان بيت زوجها جنه الحرية..ويوم والثاني ما تتحمل وترد بيت زوجها بكل رضا..لان الاب يدري هذا زوجك ومالك بالدنيا غيره نحن راحلون عن الدنيا..الحين الاب يشوف بنته راده البيت زعلانه ويا زوجها يسويلها حفل استقبال بالمنزل من مطاعم وهدايا وطلعات يعني يبيها تنسى اللي سواه زوجها الشيطان !! اي منطق هذا !! انا لله وانا اليه راجعون

ها انا رديت من السفر ورحت بيتي ما حصلت زوجتي بالمطار و قاعده عند اهلها وهو اليوم ال 22 الذي لا اعرف شئ عن زوجتي وكم انا حزين كيف لزوجتي ان تقدر لا تسمع عني اي شيء طوال هذه المده كيف لقلبها ان يستطيع الصمود لكل هذا .. هل ستكون حجه كل مره انني حامل وانت من يتصل علي وانت من يأتي لاخذي من بيت اهلي بعد ما تاخذ نصيبك من المحاسبه؟ رديت البيت كل شي مثل ما هو حطيت بعض اغراضي واخذت سيارتي كانت صافطه تحت بيتهم ورحت بيت اهلي بمنطقه ثانيه..وانا اعلم تماما لو قعدت ببيتي راح تخليني وحيدا فتره طويله ولم ترجع الا ان اتصل او اذهب لها وانا اشعر اني لو اتصلت بها ساتنازل عن كرامتي التي تؤلمني كلما تذكرت طريقه امها وهي تحدثتي بالهاتف تقول لي ابوك يرجع وابوها يرجع ويتفاهمون على طريقه الانفصال ولا حول الله..بالتأكيد انهم يعلمون اني رجعت من السفر لكن يتجاهلون..لا ادري ما هي النيه المخبأة لي هل ستطلب زوجتي الطلاق ام خلع ام ماذا لاني اتوقع بعد هذا الصمت الطويل النيه مو خير وما ادري شنو يدبرون لي وزوجتي من النوع العنيد جدا لو قعدت 10 سنين بعيد عني عادي ما يفرق معاها تبي تعيش مع اهلها على الدوم ولا كانها متزوجه .. الشوق يقتلني لزوجتي لكن قتلني عدت مرات قبل هذه المره وكل مره اقول مو مهم مين غلطان خليني اروح واخذها وكل مره اطلع غلطان وهي تعند وترد البيت وبقلبها حديده وتقولي عشان امي واختي مو عشانك..هذه المره لا اريد التنازل اريد ان اجرب هذه الطريقه لعل تنفع معي وترد برضاها لكني اتعجب لعدم تسلل الشوق لقلب زوجها الى الان افيدوني

ها انا رديت من السفر ورحت بيتي ما حصلت زوجتي بالمطار و قاعده عند اهلها وهو اليوم ال 22 الذي لا اعرف شئ عن زوجتي وكم انا حزين كيف لزوجتي ان تقدر لا تسمع عني اي شيء طوال هذه المده كيف لقلبها ان يستطيع الصمود لكل هذا .. هل ستكون حجه كل مره انني حامل وانت من يتصل علي وانت من يأتي لاخذي من بيت اهلي بعد ما تاخذ نصيبك من المحاسبه؟ رديت البيت كل شي مثل ما هو حطيت بعض اغراضي واخذت سيارتي كانت صافطه تحت بيتهم ورحت بيت اهلي بمنطقه ثانيه..وانا اعلم تماما لو قعدت ببيتي راح تخليني وحيدا فتره طويله ولم ترجع الا ان اتصل او اذهب لها وانا اشعر اني لو اتصلت بها ساتنازل عن كرامتي التي تؤلمني كلما تذكرت طريقه امها وهي تحدثتي بالهاتف تقول لي ابوك يرجع وابوها يرجع ويتفاهمون على طريقه الانفصال ولا حول الله..بالتأكيد انهم يعلمون اني رجعت من السفر لكن يتجاهلون..لا ادري ما هي النيه المخبأة لي هل ستطلب زوجتي الطلاق ام خلع ام ماذا لاني اتوقع بعد هذا الصمت الطويل النيه مو خير وما ادري شنو يدبرون لي وزوجتي من النوع العنيد جدا لو قعدت 10 سنين بعيد عني عادي ما يفرق معاها تبي تعيش مع اهلها على الدوم ولا كانها متزوجه .. الشوق يقتلني لزوجتي لكن قتلني عدت مرات قبل هذه المره وكل مره اقول مو مهم مين غلطان خليني اروح واخذها وكل مره اطلع غلطان وهي تعند وترد البيت وبقلبها حديده وتقولي عشان امي واختي مو عشانك..هذه المره لا اريد التنازل اريد ان اجرب هذه الطريقه لعل تنفع معي وترد برضاها لكني اتعجب لعدم تسلل الشوق لقلب زوجها الى الان بسبب مشكله تافهه