أخي ربما بسبب النعمة التي هي عاشتها ، ربما أخبرت أحد بها وحسدتم على ذلك
وهذا اللي غير حالها

ياخي الله يهديك..
أرجوك ثم أرجوك..ثم أرجوك لا تستعجل لا بالزواج ولا بالطلاق مهما وصلت الأمور..
صدقني مو صحيح أبد ان المرأة علاجها المرأة واذا البنت كذا فصدقني بالعكس راح تنكد حياتك وتحيلها جحيم..

والله خسارة حب من الطرفين وتفاهم لسنتين وبينكم أيام حلوة تروح بسبب تفصرف زي كذا..
صدقني هي أيام وتعدي وراح ترجع لعقلها.. زي ما استحملت هموم الدنيا استحمل هالمشكلة بس فترة ارجوك بس فترة علشانك وعلشان مصلحتك والله..
انت انسان مثقف وواعي وجربت الحياة بانواعها بالله وشفت كيف الناس ذاقت الوان من المعاناة واشكال وامراض وفقر وقهر .. تتوقع هالناس مبسوطة في حياتها وعادي؟!!
اكيد لا
شي ثاني كم شخص يشتكي من زوجته؟ ثنين........... عشرة............. الف .............مليون؟!!ّ!!

اكثر بملاييين!!! يا مافيه انسان كامل كل حرمة ولها عيوب..
والله صدقني مو بسهولة تلقى انسانة تعرف عيوبها ومزاياها.. والله صعب صعب واذا لقيت مو بسهولة تتعود عليها.. هذي حبيتها بس لسانها طويل..
والثانية لسانها قصير بس لما دخلت عليها تغير شكلها وصارت قبيحة ومي حلوة..
الثالة صارت باااااااااردة وما حبيتها.......... الرابعة مي نظيفة ووسخة وما تهتم بنفسها....
كل ست وفيها عيوب! وراح تنصدم في الثانية والثالثة وراح تقول ليتني صبرت على الأولى أحسن..,
خليك هادي وصابر ونحاول نلقالك حل بس شيييييييييييييييييييييل من راسك فكرة الطلاق او التعدد.. لان الحب اللي بينكم نقدر ننطلق منه ونلقى حل...
لي عودة باذن الله

ممكن اقول شي...يمكن محد ذكره



يمكن زوجتك....طلعت عليك كل هالعيوب و البلاوي....عشان انت تتخلص منها.....

لان اللي تقول عن زوجها كل هالسوالف.....تبي الفكه منه.....يمكن ما تبيك و بنفس الوقت مو حابه تجرحك بهالكلمه!!!

صحيح ان الكلام اللي قالته مو سهل و كله تجريح....بس يمكن مو قادره تقولك انها ما تبيك و الدليل انها ما تبلت عليك وجها لوجه.....بل.....والدها نقل الكلام على لسانها.....

اذا شايف انك عفتها و عفت حبها.....تزوج....بس طلقها الاول....ليش تخليها على ذمتك و انت عايفها و عايف حبها....وهي كل يوم تطلع عليك سالفه اكبر من الثانيه.....

بعد اكبر من انك ساااحر......!!!!.....ما في سالفه اكبر من هالشيء....


على رأيك....بعد العيد اذا ما اتصلت و اعتذرت......طلقها و تزوج ...بس



عشان تبري ذمتك.....

بلغها انك راح تعطيها مده لبعد العيد....اذا ما انضبطت و صارت خووووووش مرة.....راح تطلقها و تتزوج.......لازم تبلغها بهالشي.....



والله يوفقك




دوووووووت

__________________

طيب لماذا تريد أن تتخلص منه ؟!
لابد من وجود أسباب ..

أخي إبراهيم أعتقد أن زوجتك متضايقة من شئ ما بشكل كبير ، ولم تجد سوى أن تفعل مافعلته لتنهي حياتها معك..
ربما ..

وتذكر :لامشكلة من دون سبب ، ولاحل دون معرفة السبب ..

وفقك الله وأصلح حالك وجعل زوجتك قرة عين لك..

__________________
أحب جبالك يالجنوب وأحبك لأنك أنتي الجنوب

والله يا اختي زرقه البحر....سؤالك هذا محتاج اجابه انا كنت اتحاشى ذكرها لعدم التجريح او سوء الظن......!!

انا اقصد ان زوجته تبي تتخلص منه....بس ما تبي الغلط يطلع منها .....تبيه هو اللي يتخلص منها...عشان ما يصير عليها الغلط و لا يأنبها ضميرها بعدين.....

بالعربي الفصيح تبي الغلط يطلع منه.....


واذا سألتي ليش تتخلص منه....وشنو الاسباب.......اعفيني من الاجابه,,,,!!!!

__________________

شكرا لك دوت ..
وأشك أيضا أن السالفة قد يكون فيها حسد..

فما جعلها تقوم بهذا الأمر شئ كبير جدا ..

ننتظر أخانا إبراهيم ، أسأل الله أن يسهل أمره ويفتح عليه ..

__________________
أحب جبالك يالجنوب وأحبك لأنك أنتي الجنوب

.............................................
حبذا لو إنا ما نرسم في ذهن اي شخص صورة سيئة عن الطرف الثاني.. تخيلي أنك غلطت على زوجك في موقف ونصحه اي واحد وقاله ياخي طلقها وارتاح منها تتقبلين هالاجابة؟!!
اكيد بتقولين الله يهديه ليته كان محضر خير...
واحنا كما ليتنا دايم نكون محضر خير في مشاركاتنا..
وصاحب المشكلة مو غبي عشان ما يقدر يقدر هي تحبه والا لا..
هو راح يعرف هالشي بدون ما نقوله انت عايفها ... هي عايفتك.. الخ..
مثل هالكلام يزيد في نفسه شيء ربما ما يكون صحيح..

ومسالة الاتهام بالسحر ما اعتقد انها اتهام... واضح ان المسألة فيها فهم خطأ...
وحلها مو الطلاق بل معرفة الأسباب...
ولو أن كل مشكلة حلها طلاق كان مافيه وحدةقعدت ببيتها او رجعته له بعد اي مشكلة..

وانت اخوي الله يهديك ليتك فعلا تطنش كل اجابة فيها سيرة طلق تزوج.. ريح بالك..
حتى لو كان الحل الطلاق فوالله الناصح ماراح يوقلك طلق.. راح تلقى اجابته تعطي هالمعنى بس بأسلوب ابحث عن الخيار الأصلح..
بالتوفيق..

اختي اتكاءه حرف.....

ممكن تردين على اسئلتي

1- وين التناقض اللي شفتيه بكلامي؟؟؟

2-منو قالك اني راسمه صورة سيئه عن الطرف الاخر؟؟؟...انا قاعده ارد حسب المعطيات اللي قالها الاخ ابراهيم...

3-لو غلطت على زوجي و احد قاله طلقها....القرار يرجع لزوجي...وهو بهالحاله مو جاهل عشان يسمع كلام اي احد...وصاحب المشكله ما شاء الله عليه على درايه كامله بالامور... عنده حلوووول كثيره يقدر يختار منها اللي يناسبه.......وعارف الصح من الغلط.....وما اظن ان كلمه (غبي)...كلمه مناسبه نطلقها على اي شخص....

4-قرات كلامي مرة ثانيه و شفت اني و لله الحمد ما كنت محضر شر ابدااااااااااا.....والدليل اني قلته له....يبلغ زوجته بقراره و يبري ذمته....يعني المسأله انه يخوفها....عشان ترجع بيتها.....ياليت تقرين ردي عدل...وتركزين بدل المداخلات الجارحه.....

5-اما عن مسأله السحر....فصاحب المشكله يقول انه كلم زوجته و قالتله انه هو يسحر كل ليله جمعه!!....يعني المرة نطقت بالشيء بعظمه لسانها....وهو يقول انه مو ساحر و على درجه عاليه من الدين.....فهذا برايك شنو يكون؟؟؟.....الا اذا انتي شايفه شي انا ما شفته!!!!!!!

6-قلت للاخ ابراهيم....انه عافها....لانه هو كتب بايده....ان حبها سقط من قلبه....ممكن تفسرين لي هالعباره...؟؟؟....اذا انا ما افهم....نوريني الله يرضى عليك....,,,

7-اختي الفاضله....ياليت ننتقي الفاظ احسن من (طنش اي اجابه)......مو بس انا راده على الاخ ابراهيم.....اكثر من عشره اعضاء ردوا عليه....اذا الكلام مو عاجبك....فهذا شي راجع لك.....اما مسأله (التطنيش) فصاحب الموضوع هو اللي يقرا الردود و بينه و بين نفسه (يطنش) اللي ما يعجبه و يختار (الخيار الاصلح)...على قولتك...من غير ما يفصح عن الرد اللي (طنشه)والرد اللي عجبه..والا انتي شرايك....؟؟؟

8-....(الناصح ماراح يقولك طلق).....يؤسفني انك شايفه اغلب الاعضاء بما فيهم انا... كأعداء للاخ صاحب المشكله....!!!



ومازلت اتسائل



وين التناقض بكلامي....؟؟




دوووووووت

__________________

اخي انا رايي عكس اتكأة احرف انا رأيي انك ماتتنازل لها ابد لانك لو تنازلت راح تطغي اكثر واكثر

وصل لها خبر باي طريقة انك بديت تدور على بنت الحلال (يعني خوفها) وهي بذيك الحالة لو شاريتك تجيك جري اما اذا كانت بايعتك ما راح ترجعلك و دور على حياتك مع شريكة عمر ثانية وان شاء الله الله يبارك بها وهل مرة تقدر النعمة الي هي عايشة فيها


مع العلم اني ارى ان زوجتك صغيرة و تصرفاتها طائشة


واخيرا من كلامك عرفت من اي بلد انت وبصراحة من اشد المعجبين بهم (اذا كنت على حق؟) يهتمون بنفسهم وانا ارجعلهم بكل شيء بخصوص الاهتمام بالنفس اما بالنسبة لوقفتهم مع الرجال ما شاء الله ما يتخلون عنه ابد ولي بعض الصديقات اعتبرهم قدوة كزوجات وامهات وبنت بلدك احسن لك من اي جنسية اخرى تختلف من ناحية العادات والتقاليد وراح تكون المشاكل اكثر

الاهم يا خواتي ميصير شر بين الاحباب ..صاحب المشكلة ايريد اتساعدوه مو تتناكرون بينكم احيانا ايكون هناك التباس بالموضوع وكل واحد الا وجهة نظر مختلفة وما اعتقد انه الاخت اتكاء حاولت اتجرح باحد بقدر ما ارادت ان تبعد الشر عن بيت واحد من الاصدقاء ,,وبعدين يا اخت انتي ليش عصبة الهاي الدرجة هية متهمتج بشئ غلط خلي الامور تمشي مثل ما هية والكل حبايب عسى الله لايخلي خلاف بيناتنا احنا انريد انساعد كل واحد على مقدار ما يعرف وللاخ حرية الاختيار احنة ما نبي نضربة على ايدة ونكول طلق او ارجع المهم انتو حبايب بينكم ولتوصل الدرجة الحدة
وبارك الله بالجميع واللاخ صاحب المشكلة الصب والسلوان؟؟؟؟؟