ليش ما تعتبرها فرصه لتجديد الحب بينكم
الجميل في الموضوع انك حسيت بقيمتها واهميتها في حياتك
ربي يوفقكم ويسعدكم

للزوج .. كيف تشعر وماذا تفعل حين غياب زوجتك لزيارة اهلها او اي سبب اخر ؟

زوجتي السابقة كان عادي جدا واكثر ما افتقد العيال
اما الجديدة اتضايق

كذا الحريم ياا حبهم للأفلام الهندية ههه

و انت ما شاء اللهه باين عليك فاهم و واعي ما تحتاج النصيحة فهمها بطريقتك

جوابي للأستاذ فهلوي على حسب العلاقة ف البعض يشتاق و البعض يرتاح

مسكينة الزوجة اللي بعيدة عن أهلها <<< أنا ..
جزاك الله خير إنك توافق تخليها عندهم ..
كمل جميلك ولا تغثها حتى لو تحس بالفراغ وتحس بحاجتك لها، أجعلها فرصة لتجديد المشاعر والأشواق .. وتحمل ..

حلو عشان تشتاق لها أكثر
وانا أحس لو اني متزوجه وبعيدة عن زوجي أحس اني فاقدة شي مني
مثل جوالي لما يخرب ع انه جماد بس تعودت عليه أحيانا ابكي لأن خلاص صار جزء مني

المرأة غالباً تقلق من غياب زوجها وتدعي بالدعاء المأثور اللهم استودعتك زوجي وقلبه

وطول الوقت اتصالات ...من معاك....من جاك ...وين رحت ....من شافك ..

واستغرب لماذا بعض الأزواج يشتاقون لزوجاتهم وبعضهم الأخر يعتبرونه أمراً عادياً
هل هو راجع لشخصية الزوج وتقديره لدور الزوجة في حياته أم قدرة الزوجة على تعليق الزوج بها ..؟؟؟

انا ع طول بيت اهلي وهو عند اهله
نفتقد بعضنا لكن لازم يكون 3 الى 4 ايام عند اهلي
علشان البنوتة وضع مؤقت
لكن قبل كنت احس انه يعمل مشاكل عشان غيابي
لكن الان عادي اغيب يقول علشان راحة بنتي
اما انا مرتاحة في بيت اهلي وعادي يمشي اليوم

الحال من بعضه
حاليا زوجي مسافر لمدة الشهر
واول مرة من زواجي يسافر لوحده
قررت انها تكون اجازة سنوية لي
ولكن زوجي رافض اطلع مع اهلي بغيابه او ابات عندهم

بما اني ساكنة مع اهله .. فيريد اتم فالبيت و اذا اريد زيارة اهلي فابوه بيوديني
فالبداية اذمرت عالقرارا اللي حكرني فيه
بس مب مشكلة
مابخرب اجازتي .. بستقبل صديقاتي واهلي عندي
وبطلع مع اهل زوجي .. ها مسموح

اممممم
اليوم ان شاء الله ببدا برنامج رياضة .. مشي ونط حبل وشوي تمارين لشد البطن
و بأذن الله ببدأ حفظ سورة البقرة

بالنسبة للوحده والشوق ووالخ
ما احس كثير بالوحده بحكم سكني مع اهله بس اكيد افتقده
لكن احاول اشغل نفسي عشان ما تسيطر علي الافكار

وبوافيكم بجديدي

انا رجل بيتوتي
فاإذا غابت زوجتي وبناتي الايام مالها طعم عندي اقضي يومي بالنوم على الكنبة حتى الاكل مشي حالك.
اشتاق لصجة بناتي وطلباتهم الي ماتخلص الله يحفظهم لي .
لكن الشي الحلو ان زوجتي لابعدت عني تصبح عاشقة تعال شوف الدلع والاهتمام بي هذا الشي الي يحمسني ويخليني ارضى انها تجلس عند اهلها فترة ولا انا ماأرضى

بالنسبة ليا اتضااايق اذا سافر واشتاااق له كثييير ماارتاح الا اذا سمعت صوته