انا كل هالاسئله يالمسداني بنساها اذا هي عطتني وجه وتواصلت معي

تخيل حتى في حفله الملكة رفضت اني ادخل والبسها الشبكة بحجه انها تستحي ومب من عوايدهم

وامي الله يحفظها هي الي لبستها الشبكة وانا رضيت بالامر الواقع وش اسوي بعد
بس الي قهرني توني ادري ان اختها الي اكبر منها يوم شبكتها زوجها هو الي لبسها وش معنى انا علما بان خطيبها السابق ابدا ما لبسها الشبكه لانها هي الي كانت اتاجل الحفلة لين تم الطلاق

ابي اعرف شخصيتها شلوون مركبه هاذي ليه هي عكس البنات
خواتي وبناتهم مستغربين انها رفضت البسها الشبكة يقولون لي ان البنات كلهم يتمنون هاللحظه

أقول أحمد ربك ربي جعلها من نصيبك مو من نصيبه
وسبحان الله أرزاق ونعمه المرأة الجميله وكثيرررر يتمنون مثلك عشان كذا لاتكثر الكلام وأكثر حمدالله
ولايحزنك الشيطان
وعلى طاري الجمال أعرف وحده أيه في الجمال وطبعا مطلقه وطليقها تزوج زوجته تقول والله أنه لليل ونهار يتوجد عليها وحزين ويبكي عليها
مو شرط الرجال طلقها مااعجبته لا لكن الوفقه بيد الله
أكثر من الأذكار سبحان الله إلي يتزوج جميله تجيه عين لأن الناس يكون عيونهم عليها وأنه محظوظ تزوجها
>> ماتخوفك
جد أعرف كثير زوجاتهم جميلات وجاتهم عين في زوجاتهم أو فيهم

الله يوفقكم ويتمم لكم على خير وأفرح في زوجتك وفكر في الزواج ألحين وخل عنك الأفكار إلي مدري وش تبي

__________________

اذن اضغط عليها للتحدث معك
يعني زن عليها ,,او خلي امك تكلم امها عشان تبدأ المكالمات
لأنه إذا اختها كان الوضع عادي فهذا مش من عوايدهم
اخاف تكون متكبرة ,,لا سمح الله ,,هذا احتمال و مو تعتمد عليه
أنما أصر على الأقل مكالمتين ثلاث لتأليف القلوب
,,و ربي يعينك

__________________

مبروك اخوي عالملكة ..

وانا اشوف انه من ابسط حقوقك انك تعرف سبب الطلاق ..

و حاول تكثر زيارات لين ما تلين معاك و تتعود عليك

بصراحة اسلوبها مستفز جدا. .لابد تسألها قبل الزواج هل مغصوبة أم لا. .تصرفاتها لا تدل على وحدة مقبلة على الزواج بنفس راضية. .احيانا الجمال يكون نقمة على صاحبه.

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

بسم الله ما شاء الله
لا قوة الا بالله

بارك الله لكما وبارك عليكما
وجمع بينكما فى خير


اخاف يكون عندها مرض نفسي انطواء اواكتئاب او اي شي ثاني
ممكن تخلي احد يسال خطيبها الاول عن الاسباب

والله أعلم ممكن بعد خطوبتها الاولى انصدمت وخايفة تتعلق فيك وتتركها
ممكهن هذا السبب انها متخوفة يكون بينكم رسائل وغيره وبالآخر تنفصلوا حسب تجربتها الاولى

اصبرررر وربي يفرجها ...ادعو الله والزم الاستغفار ورببي ييسر لك أمرك
عسى البنت حقا بتخجل كثييير ...ومانها متعودة نهائى تكلم رجل

__________________
لكل من يعاني من الهم والحزن والغم ..إستمع لقصة أبو محمد والمريض في فراشه من 60سنة .. أترك لكم التعليق[ (لأصحاب القلوب القوية )
قصة أبو محمد ..5أجزاء ..وأتركـ لكم التعليق

يارجل البنت المطلقة قبل الدخول صدقني نفسيتها تنهار حتى لو كانت هي اللي طالبه الطلاق .. تدري ليش لانها توقعت ان خطيبها بيكون سندها وفجأه بسبب مشاكل او عدم تفاهم يتم الطلاق ..
بس بقول لك شيء البنت الان تحاول تكون حريصة اكثر من قبل يمكن كانت اكثر المشاكل اللي صارت كان سببها التليفون ..
بس ماأكذب عليك البنت المنفصلة تعوض انكسارها بخطيبها الجديد .. وهي واضح مش عارفة تتعامل مع الموقف قاعده تحسب كل خطوة بس بطريقة جافة ..
وحده اعرفها كانت ما تأيد المكالمات بين المخطوبين وتملكت وكانت رافضة وانا احاول اقنعها وما اقتنعت بعدها زوجها اخذ رقمها من اخوها وجلس يرسل ويدق وهي ماتعطيه وجهه مب احتقار بس خوف وحياء وجلست ماتعطيه وجهه يمكن شهرين بعدها بطريقته هو واسلوبه معها وهو يرسل ارسلت له لانه ارسل لها عيدية واشكرته عليها والحين فاتورتها طاقة مبلغ جامد من كثر الرسايل اللي ترسلها له .. بس الى الان ماتكلمه .. يعني ان شاء الله بتنحل بس نصيحة لاتسأل خطيبها خلك مع خطيبتك وانت اكتشف شخصيتها واذا سألتها عن الماضي راح يكون سكين انغرس بصدرها لانك انت قبل الملكة كنت تدري بأنها كانت منفصلة ورضيت..

أتوقع أن سبب رفضها للتواصل بينكم هو ما سبب لها بطلاقها الاول وكانت صدمه لها وتخاف تكرار المأساة

وأنت ضحية لتصرفات وحماقة غيرك

أن شاءالله الأمور تتعدل

__________________
اللهم ارحم والدي واغفر له

اسمع قصدي شوف
انسانه ملكت لاول مره وكانت متحمسه لحياتها الجديده وووو
فجأه طلع الانسان اللي ارتبطت به مو كفو كلمته راسلته اي شي
بعدها حصل الطلاق
ملكت مره ثانيه اكيد بتكون حذره بالتعامل معك وبتحاول تتجنب الاغلاط اللي غلطتها مع الاول هذا بنظرها


فطبيعي بتحاول تتجنب اشياء كثير معك بس دورك يجي هنا

وترا هالكلام مو مقتصر على البنات حتى الاولاد وطبعا الاعتماد الاول على كل واحد وشخصيته

اشوف من حقك تعرف سبب الطلاق عشان على اساسه تعرف تتعامل معها
تعرف بس بطريقه حلوه ولبقه
من ناحية الغرور والكبر لا تسبق الاحداث ولا تحكم من اللحين
اصبر وشوف وبعدها احكم لا تخلي الشيطان يدخل بينكم
واستخر مره واثنين وثلاث وشوف وش ترتاح له

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..