مشكورررررررررررررررررين
ألف شكر لكم اخواني وأخواتي على الردود الحلوه والأفكار المدهشه.......
صدق افدتوني وانقدتوا حياتي وما كنت عارفه بدونكم شنو راح اسوي؟
ابشركم سويت معظم اللي قلتولي عليه ....سهره رومانسيه وشكل حلو وكلام هادي ومؤدب خالي من الغضب والصراخ.....خليتوا زوجي يتغير اتصدقون انه قاللي ياحبيبتي اللي أذكر اني ماسمعتها ألا في اول زواجنا بس
زوجي يااعزائي وبدون حتى ماافتح معاه الموضوع لما شاف اللي سويته والجو الرومانسي قال لي وراح انقلها مثل ماقالها لي بالضبط (حبيبتي ادري انك زعلانه مني وانتي عارفه السبب طبعا لكن ماراح ازيد واعيد في الكلام بس بقولك اني ماراح اعيدها وبحذف كل اللي عندي وبنظف الجهاز من كل الصور اللي فيه انتي حبيبتي وزوجتي وانا مااقدر على زعلك واذا كلمت بنت مره ثانيه لا تكلميني ولا حتى تطلعي بوجهي.........بعدين تعرفوا شنو صار مايحتاج اكمل
وصحيح انا كنت مقصره بحقه في الفتره الأخيره فما صرت اهتم بشكلي كثير ومااتكلم معاه ولا اسئله عن شغله ومشاكله حتى من الناحيه الجنسيه انام ومااسئله ان كان يبي ولا لأ, فأن جزء من المشكله ايضاُ ......لكن من اليوم وطالع كل شي بيتغير مادام زوجي تغير وتاب.
شفتوا حفظت الكلام اللي قاله لي بالحرف الواحد من كثر فرحتي ووناستي رجع لي حبيبي مثل ماكان وبدأت رحلات العيد والنزهات العائليه وان شاء الله ببركه هالعيد تستمر سعادتنا وحبنا الكبير.
والله انها كانت ليله من اسعد ايام حياتي والحياة الزوجية ماتخلوا من المشاكل مثل ماقلتوا , حبايبي مشكورين ماتقصرتوا والله يخلي هالمنتدى ويخلي اعضائه....
الله يهدينا ويهدي جميع المؤمنين والمؤمنات وعساكم من العايدين....