نصيحتي لها يا أختي هي أن تطلب الطلاااااااااااااااااااااااااااااق ولاغير !!!
يا اختي في ملتزمين ويحافظون على بيتهم وعيالهم لما دخلوا هذا المجال
نسوا بيتهم وعيالهم واهملوهم كيف باللي هو اصلا لعاب من البدايه
ومو عارف قيمه الزوجه اللي معاه !!!
عندي قريبه تزوجت وزوجها نفس مواصفات زوج صديقتج سهر مع اصدقاء السوء
وشرب وتدخين ويمكن حتى حشيش لانه على قولتها يرد الفجر جثه هامده !!
كان يكره صوت الاذان ويدخن بغرفة نومها وطول الوقت في السيارة اغاني
تحس السياره فتنفجر من الاغاني والجوال طول الوقت ماسكه في اذنه
يعني مايكلمها ولا كلمه طول الوقت اللي هم في السياره !! وحتى في البيت !
وطلبها تترك جامعتها وممنوعه من الطلعات ومافي سفر معاه ومافي ومافي الخ
نصحته ومافي فايده حاولت تهديه بالكلام مافاد ..... عطته في السياره شريط ديني
يسمعه بدال الاغاني استهزأ فيها ..... ماتحملت الوضع ودخلت اهلها كلموه
ووعد يتغير ويهتم فيها ..... بس مافي فايده رجع ...... ونفس القصه تروح بيت اهلها
وتوها ماصار لها اربع شهور زواج !!! وتظل شهور في بيت اهلها ....
واهله يقنعوه يرجعها .... اما هو مشغول باصدقاء السوء !!
في اخر مره راحت بيت اهلها وقعدت شهوور ..... وتم اتفاق بين اهلها وبين اهله
انه يطلق بنتهم بالطيب قبل مايجرجروه في المحاكم .... لانها خافت على دينها
وخاصه انها بنت متدينه واهلها متدينين كثير .... ولان اهله عارفين ان ولدهم عطلان
انتهى الموضوع بالطلاق رغم ان مدة زواجها سنة فقط !!!!
كانت في سنة زواجها اكثر الوقت زعلانه وقاعده في بيت اهلها !!
اما قعدتها في بيت زوجها يمكن شهور بس !!
والحمدلله هي اللحين سعيده ومرتاحه !!
فرق بين اللي يشوفها وهي متزوجه و اللحين بعد ماتطلقت !!!!
اول وهي على ذمته ماتتكلم !! مهمومه !! مكتئبه !! يبين ان في شي مكدرها
وتبين حزينه !! واللحين بعد الطلاق تحس انها اسعد انسانه .... ودايم تضحك
ومستانسه..... ورجعت لطبيعتها الاوليه ...
وواصلت دراستها واللحين توها متخرجه من الجامعه
بتسؤلون ليش ماسألوا عنه !!!
سألتها نفس السؤال قالت لي أن ابوها انخدع فيهم اللي راح يخطبها لزوجها اخوانه
وهم معروفين بالتزامهم وتدينهم وابوها كان دايم يلاقيهم في المسجد
فكونهم يطلبون بنته اكيد اخوهم نفسهم ولان ابوها كان يحترمهم لتدينهم والتزامهم
وافق على اخوهم بدون مايسال عنه !!!
فابوها ما كلف نفسه يسال واكتفى بسمعة اخوانه الطيبه وللاسف طلع اخوهم
سيء الاخلاق وفاضحهم وهم ظنوا انهم بتزويجه بنت ملتزمه واهلها ملتزمين ومن عايله
راح يتغير !!! جنوا عليها وراح يتحاسبون انهم ماوضحوا ان اخوهم سيء الاخلاق
اكتفوا بس وقالوا انه غيور وهو مو غيور هو شكاك ودايم يشك فيها لانه لعاب !!
ويظن ان زوجته مثل الحريم اللي يعرفهم !!!
فرغم حرص ابوها على تزويجها متدين وملتزم الا ان ابوها ندمان كيف انعمى
في هالموضوع وما اهتم يسال عنه رغم حرصه في مثل هالامور !!!!
بس مثل مايقولون النصيب والمكتوب فوق كل شي !!!
وياريت تقولويلها قصة قريبتي خليها تلحق على نفسها قبل تظلم معاها طفل ماله ذنب
وتنفصل عنها قبل ما ياثر عليها ويخرب دينها هي بعد !!!
والمفروض تضحي فيه لاجل دينها والله بيعوضها
لانه من ترك شيئا لله عوضه الله خيرا منه
والله الموفق
24-07-2005, 07:17 PM
ضوابط المشاركة
العرض العادي
