انصحك بفتح جلسة ودية تخُص هذه المشكلة....
و اطلقي فيها عنان مشاعرك تُجاه سولكه !
لكنني أأكدُ عليكِ اللطف في المعاملة و الكلمة الطيبة ...!!
ثم وافنا - بعدها- بدوافعه ...!

أسأل الله لك صلاح الحال .... آمين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

هذي المشكلة ، ما ابغى اجبره اجبار بالجلوس معي واغلاق هاتفه ، انا دقيقة ونبيهة السط الايماءات انتبه لها .. فيترك جواله ويبدا يحرك رجوله او يطقطق باصبعه ع الطاولة
اعرف اذا سوا هذي الحركات يعني خلاص يبغى يرجع لجواله وجالس ع اعصابه
واذا تجاهلت هالشعور كلها ثلاث دقايق وهو راجع

__________________
سبحان الله وبحمده ، سبحان الله العظيم

ع العكس مافي اي حياة يعيشها .. تويتر واله اي تغريدات فقط متابعة
واتس اب متابعة للقروب
انستغرام متابعة

فيستحيل اني اجاريه بعالمه لان عالمه اصلا واضح ولا يستدعي هذا الادمان

__________________
سبحان الله وبحمده ، سبحان الله العظيم

طيب اصلح الحال وتكلم مع اخوك قبل ماينهدم بيته 😤 سواءً صرت زوجته او لا احتسب الاجر بالمسيكينه زوجته

__________________
سبحان الله وبحمده ، سبحان الله العظيم

الموضوع تعدى الانشغال والتسلية بس هو مو حاس

__________________
سبحان الله وبحمده ، سبحان الله العظيم

قد يبدو ان هذا هو الحل الوحيد ..
مع اني اكره شحذ المشاعر جدا جدا

لكن بضغط ع نفسي وبكلمه ..

امين شكرا لردك ❤️

__________________
سبحان الله وبحمده ، سبحان الله العظيم

السلام عليكم ورحمة الله
اختي غادة بقول كلام لك ولكل زوجة تعاني من نفس مشكلتلك
وانا اقرا شكواك من زوجك تذكرت نفسي بداية الزواج ولمدة تقريبا خمس سنوات او اكثر
تماما تماما كنت مثل زوجك ويمكن اكثر
لدرجة ان زوجتي كانت تقول لي سالفة وتنتهي منها وانا مدني عالجوال ومدري اش قالت وتعيد لدرجة انها تصيح عشان تنبهني وافز فجأة
حاولت زوجتي وسوت كل طريقة وانا زي الجدار
تلبس وتكشخ الله وكيلك ما اعبرها ولا اهتم فيها ولا اسولف معاها
والله يا جماعة الخير مدري ليش كنت على هذي الدرجة من التبلد واللامبالاة
لدرجة ان امي تطلع احيانا عندنا وانا نفس وضعي ساحب على امي وزوجتي وجالس على جوالي تويتر وخرابيط وشبكات

الخلاصة المفيدة : ان زوجتي بدأت تسحب علي شوي شوي وانتبهت لنفسها كملت الجامعة واشتغلت فشركة مندوبة مبيعات بمعنى اعطتني جوي بالكامل وسبحان مغير الاحوال سارت ورب البيت تجذبني وهي بعيدة عني سرت أتأملها من بعيد وهي تذاكر ولا شعوريا اجي احضنها
فعلا سارت تعجبني يمكن عشان شخصيتي غريبة شوي ما احب الي يفرض نفسه علي احبه يكون بعيد يجذبني ويشدني اكثر

متأكد ان زوجك شخصيته زي شخصيتي ،،،
نصيحتي لك اعطيه جوه وانتبهي لنفسك وابعدي شوية شوية حملي كتب عن تربية الاطفال او التاريخ وغرائب الحياة وانشغلي شوية وطوري نفسك بتلاقينه يتقرب منك

زوجك من نوعية الرجال الملول الروتيني الي اذا تعود على شي خلاص انسي يغيره الا بقناعه من نفسه حتى امه وابوه ما يقدرون يغيرون شي فيه

موفقه اختي والله يسخر قلب زوجك لك ويوفقكم فحياة سعيدة

هل جربتي تدخلين عالمه وتبدأين بالتواصل كتابياً معه على الواتس وهو بالعمل او بمكان اخر غير مكان تواجدكم

ثم تدخلين بتسجيل مقطع صوتي لك سوالف عابره وطفلتك جنبك تلعبينها وصوت ضحكاتها ظاهر بالمقطع الصوتي
هذه كانت من اجمل اللحظات تجعلني اركض للمنزل بس بلحق على الجلسة الحلوة والضحك والوناسه

اتوقع روتينكم اليومي ممل وسوالفكم مع بعض نوعا ما ممله لما تسولفين مايهمه ماتتكلمين عنه ولما يسولف ممكن ما يهمك او نبدل كلمة ما يهم الى ما يستهويكم هذا النوع من السوالف
تدرجي بالسوالف من كتابي الى صوتي الى ان تصبح السوالف بينكم وجه لوجه

لي صديق لما يتصل علي اعرف انه سيقول سالفه غير مهمه ولا تستهويني ولا تعجبني سوالفه احياننا ما ارد واحياننا ارد واختصر اني مع اطفالي

اجمحي بالسوالف الى المود اللي يعجبه وبينتبه لك

^
^
شكرا على ردك

اليوم جاء من الدوام وحطيت الغداء وتغدا ماقال كلمة واحدة لي كان ع جواله ..

وأنا انقرفت ، فـ رحت لغرفة الملابس وطلعت دولابي وجلست اعيد ترتيبه لساعة ونص

وهو ع حاله ..
نام ولما صحى طلب شاي ..
سويت الشاي وجلست وكان معاه جواله قلت له بنبرة جازمة : بتمسك جوالك باخذ فنجالي وبشربه بالمطبخ .

وترك الجوال ، وهذي بتكون استراتيجيتي الجديدة ، اذا مسك جواله بروح عنه واجلس لوحدي 😅 ونشوف ايش النهاية ..

صح تذكرت ، اخذت عهد ع نفسي لو طلعنا لمطعم او كافيه ومسك جواله .. باخذ كوبي او عشائي وبطلع اجلس بطاولة ثانية 😌 ونشوف وش بيصير ..

طبعا لما ترك جواله ماحكينا ، مافيه شيء أقدر أقوله صراحة تعبت من كثر ما اسولف معاه .. خلصت كل سوالفي ..

بس حتى لو ماتكلمت ، مارح يفتح جواله ✌️

__________________
سبحان الله وبحمده ، سبحان الله العظيم

. الله يعينك غاده بس اذا سكر جواله سولفي اي شي خاص فيه او فيكم بالبيت الاطفال او سولفي بالامور الخاصه فيه مباراه شوفيها معاه حتى لو كنتي ماتهتمين بالكوره او عالم سيارات زي كذا وانتي ادرى بزوجك بس اهم شي ماتصير جلستكم صمت بيمل وبيفتح جواله. اتمنى فهمتي على ياقلبي كتاب قريتيه طبخه اي شي. 😉الله يعينك ويسهل لك امورك. وشوي شوي مافيه شي يجي بالساهل. الحياة يبي لها صبر.

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه