اختي
لفت نظري كلمه في موضوعك
وهي ان جواله الايفون
والحقيقه ان الايفون هذا ابو المصايب كلها
والي فهمته من كلامكانك ماقريتي الاسم الي في الرساله
وعلى فكره الايفون حتى وهو مقفل يعرض اسم صاحب الرساله وكامل الرساله
الى في حاله وحده
اذا كان مركب برنامج اسمه هوز هير
تطلع الرساله بدون اسم طبعا هي ليست رساله نصيه مرسوله من جوال لجوال
ولكنه برنامج مثل الشات
لكن العن منه مليون مره يحدد الي تبحث عنه ذكر او انثى متزوج او اعزب وبالكيلو متر وكم العمر
وترسله محادثات وصور ومالمات صوتيه مجانيه عن طريق الواي فاي
احتمال كبير جدا مايكون متزوج تكون محادثات عن طريق هذا البرنامج
طالما انه مقفل جواله برقم سري فالاكيد فيه شيء يخشاه ويخاف تشوفينه
اذا قدرتي تدخلين على الايفون دايركت ادخلي على الصور راح تلاقين كل شيء في الصور
عموما انا الافضل اشوف انك تصارحينه المواجهه افضل من نترك الوسواس يلعب فينا والافكار تبحر بنا
في كل يم
المواجهه افضل شيء
وترا بكل امانه الرجل اذا خان مرده لبيته ولزوجته اتمنالك كل التوفيق

__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو

فارس الكلمات اتقي الله "ملعون من خبب امرأة على زوجها أو عبداً على سيده"

لاتشكك الزوجة بزوجها وتفتح لها باب لايسد

يااختي قومي صلي ركعتين من قلبك لله وادعي الله بقلب صادق واستغفري دون توقف بنية أن الله يسحل مشكلتك

وصدقيني لن ترتاحي ويهنأ لك بال إلا إذا صارحتيه

فإن كان متزوج بشرع الله فاصبري واحتسبي بما انه غير مقصر وعادل

وإن كان غير ذلك فتصارحي معه عن الأسباب ومالذي يتمناه ولم يجده

احرصي على هدوء النفس وترديد الإستغفار حتى وقت المصارحة فله بقدرة الله سحر عجيب

ابتعدي عن العصبية واللوم والإنتقاد لأن ذلك سيجعله ينفر منك

بل تخيلي نفسك انك تحلي مشكلة صديقة لك وتصرفي على أساسها

وبعدها ضعوا النقاط على الحروف ولاتتركي بيتك أبداااا بل اعطيه فرصة ليعود ويتوب

اعرف عزيزتي أن الأمر صعب جداااااااااااااااااا

لكن ثقي بما أن الله معك فلن يخذلك

وخيانة الزوج ليست معناها نهاية العالم وتمرضي نفسك من أجله

اهتمي بنفسك وصحتك وابناءك

نسأل الله الهداية والصلاح وان يبرد الله قلبك عااااااااااااااااااجلا غير أجل

__________________

حبيبتي..
الله يفرج همك.. ويقويكِ

أنا حاسة فيكي.. انتي انصدمتي.. ومااتوقعتي يصير شي زي كد أبداً
في الزمن دا كل شي صار متوقع..
وبالذات مع النت ووسائل الإتصالات الحديثة..

(صارحيه)
بس قبلها لازم تستعدي نفسياً.. ادعي ربنا انه يساعدك..
و جهزي كلامك الي حابة تقوليه..
أهم شي تكوني قوية.. وما تبيني ضعفك..
وبما انك شفتي بعينك .. لازم تواجهيه بهدوء..

وحسب شخصيته تدخلي للموضوع.. خليكي هاديه
و قوليله أنا شفت رسالة جاتك وفيها هذا النص .. مين الي راسلتلك؟
وأسأليه عن الرقم السري..
وشوفي ايش يقولك..

وان شاء الله تكون نزوة وتعدي..

__________________

>> لا إله إلا أنت سبحانك إني كنت من الظالمين <<

سواء كان زواج او خيانة .. في الحالتين يوجد امرأه اخرى في حياة زوجك ..
والمرأه اذا علمت ان هناك امرأه في حياة زوجها سواء بالحلال او الحرام ستكون لها نفس ردة الفعل ..
صدمة وجرح وبكاء وحزن واكتئاب وندبة تستمر معها طول العمر ..
لذلك لا تشغلي بالك لمعرفة هل علاقته بالمرأه حلال او حرام لأن ردة فعلك هي نفسها في الحالتين
وحاولي تستردين زوجك بذكائك وكيدك الرباني يعني عذبيه على نار هادئة اهتمي فيه ودلليه لحتى يتعلق فيك ةلا يستطيع فراقك .
وينسى تلك المرأه التي اقتحمت حياتكم..

اتفق معك كلامك صحيح 100%
وأتمنى ان لايظن البعض اننا نساوي بين الحرام والحلال ويفهم مقصودنا خطأ
ولكن نحن النساء نرى الحالتين وقعها مؤلم لأن كلاهما معناه وجود امرأة في حياة الزوج

وبالفعل اسحبيه لك بمكر النساء الذي مدحه الله

ابحثي عن قصص الدكتورة ناعمة الهاشمي واستفيدي من أفكارها الرائعة

والله يهدي سركم ويسعدكم

__________________

اقتباس:

المشاركة الأصلية كتبت بواسطة فارس الكلمات وترا بكل امانه الرجل اذا خان مرده لبيته ولزوجته اتمنالك كل التوفيق

الرجل لو خان مرده لبيته و زوجته
و المرأه لو خانت
ي ط ل ق ه ا
كما ذكرت في احد ردودك السابقه
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!
أي تفكير عقيم هذا
؟؟؟؟؟؟؟؟؟

__________________
]

[COLOR="Green"]ألف شكر أخواني وأخواتي على نصائحكم ربي يفرجها علينا كلنا ياااااااااااااااااااااااارب.....


طب في حاجه بقولكم هيا...تقريبا من سنه صارلي موقف مع زوجي برضه...

كان متغير ويباني أقطع إجازتي...عشان كان معايا إكتئاب من المدرسه والمديره فا أخذت إجازه مؤقته لمدة ترم...

وكنت والله والله بحاول أرضيه....بس هديك المره حسيت بدأ يتغير... من أقل شي يسووي مشكله ويعصب...وأي شي يعلق عليه وما يعجبه....وخلاني أشك فيه...... وأضطريت أفتشه طيب.....وحصلت في محفظته بطاقة صراف وحده وشفت إسمها بعيني....

وزعلت وما عرفت ايش أسوووي وصرت أدعي الله....وكلمت أختي ونصحتني بالصبر والدعاء عشان عيالي....وأحاول أسترجعه وأرضيه...وما أخلي وحده غريبه تخرب بيتنا...طيب


وكمان دي المره الرساله...لا يكون عشلن عادي سكت وسامحت عشان عيالي...

وأنا في قلبي حاسه...إنها نفس الشخص هيا إلي كانت بطاقتها عنده وهيا نفسها إلي مرسله الرساله ...حسبي الله ونعم الوكيل...حسبي اله ونعم الوكيل

يعني عارفه انه الرجال متزوج وعنده عيال...كمان تاخذه وتخرب بيتي؟؟؟ ليش؟؟؟ ليش؟؟؟

أنا خايفه أنصدم من رده لمن أناقشه.....لوو قالي الشرع محلل 4....و موو حرام.....أجل طب ليش بالسر؟؟؟ ولا أمك وأبووك مايعرفوا؟؟؟ لأنه عارف إنهم ما حيوافقوا ولا أنا حوافق أصلا...صح ولا؟؟

يمكن عشاني معلمه في منطقه ثانيه وأجلس بالأسبوع وأجي اخر الأسبوع وأرجع الجمعه ثاني....قدرت تتضحك عليه وتاخذه مني؟؟؟

طب مني أول ولا أخر وحده تتدرس في منطقه ثانيه...يعني زوجي غير ؟؟؟ وهوا بنفسه شجعني زمان إني أتوظف عشان كانت عندنا ديون أول الزواج...ولا كنت ما أبى أروح.....يعني عشاننا أتوظفت وعشان أشيل عنه وأساعده...

طب أنا بتعب وبشتغل موو عشان مستقبلنا سوا ومستقبل عيالي....ما فكر في دا الشي ؟؟؟ ما قدر؟؟؟

حسبي الله ونعم الوكبل....حسبي الله ونعم الوكيل دنيا وأخره في إلي يخربوا البيوت العامره...[/COLOR]

غلطتك من البداية

لماذا ابتعدت عنه وجعلتيه فريسه سهلة للذئبات من النساء الخرابات البيوت

موو خفت أطلق وأخسر عيالي....وحاولت أرده ليا وأكسبه وأرضيه....

و أتحسن حالنا وحسيت انه صار أحسن....وفضلت أدعي الليل كل ليل...أنه ربي يردلي زوجي ردا جميلا

بس برضه أهوا ثاني طلعتلي دي الرساله....

وللمعلوميه أنا مني قديمه في التدريس ليا بس 4 سنين...في بداية زواجنا جلست كم سنه في البيت بدون وظيفه...بس بسبب ديونه وراتبه الضعيف...أقتنعت اني أتوظف عشان يصيرلي راتبي الخااص وشوويه أشيل عنه...وهادي جزاتي في الأخر !!!

وبعدين دي السنه هوا غير وظيفته بعمل حر ويجيب بضايع من منطقه ثانيه ويضطر يجلس هناك يوم عند قريبه..وهوا شريكه في العمل على قوووله يعني...

أنا ما أبغى أصير بالنسبه له أم العيال...يجي بس ياكل وينام ويلعب العيال شووويتين...ويروح العمل ...وفي الليل ياخذ حاجته مني وبس.... ومخربة البيوت صاحبة البطاقه والرساله...تكون حقة الحب والدلع والحنان والثقه...؟؟؟؟

نفسي أسترجع زوجي ويكوووووون بس ليا أنا لوحدي زي زمااااااااااااااااااااااااااان....الله يرد كيدهم في نحرهم ياااااااارب مخربات البيوت العامره...يااااااااااااااااااااااااااااااارب