موضوع رااائع

بصراحه انا اعاني من ارتابه ومااظن اقدر اتخلص منه وذلك بسبب الظروووف
لان زوجي مقعد ومايطلع فياليت تعطوووووني حلول

__________________

الأخت سوسو..
شكرا لمرورك يا قلبي..
زي ماقالو الأخوان والأخوات ممكن تجددي في تغيير مكان الأثات.. أو شراشف السرير
ومن شكلك ولبسك وتسريحتك..

ان شاء الله باقي الأعضاء يعطونا أفكار جديده

__________________

>> لا إله إلا أنت سبحانك إني كنت من الظالمين <<

و اذا كان مقعد ..
هذا مش مانع من الخروج ..

شعرك غيري تسريحتك مره افرديه ومره لميه ومره قصيه ومره اصبغيه
ملابسكم نوعيها
عطوركم غيروها لاتقعدين طول عمرك وانتي بعطر واحد حلو التنويع والتجديد
حتى شخصيتك خلي كلامك مره جدي ومره مزح ومره عقلاني ومره طفله ومره عجوز كله حكم ومره شابه مهويه ومره دلوعه ...الخ....
حتى العلاقه الخاصه نوعي وغيري في اوضاعها وغيري حتى في تعاملك معها مره مولعه ومره بارده مره مشتاقه ومره متردده مره تتقربي ومره تتدلعي وتتمنعي مره تذوبي .....الخ...
غيري ترتيب البيت او غيري اثاث البيت اذا كانت الميزانيه جيده
غيري اكلك وطريقة طبخك جيبي اكلات من تحت الارض نوعي في الاكل
ارقصي مع زوجك سلو من باب المزح والتغيير رقصي عيالك معك تونسي او العبي ولعبي عيالك معاك
النزهه خارج المنزل
احتفلوا في البيت باي مناسبه في العايله زي مثلا نجاح بنتك ترقية زوجك تخرجك حفل زواجكم
تابعوا برامج جديده غير اللي دايم تتابعوها
عطري المنزل بملطفات ومره بخريه ومره فواحه ونوعي في الروائح اللي تضعينها
اقرؤا كتب جديده اشتري كتب ثقافيه جديده اشرطه دينيه اوتعليميه او تثقيفيه
العبوا بلايستيشن وتحدي مع بعض العاب تحبوها
اخيرا لاتنتظري زوجك يكسر الروتين اصنعي السعاده في بيتك بنفسك
ربي يسعد ايامكم كلها يارب
احترامي للجميع

صراحة أقوى حركة لتغيير الروتين هي إن الزوج يسافر لو اسبوع ويرجع (طبعا سفرة عمل وكرف مو وناسة )

وكمان تغيير العطور اللي في البيت والفواحات تعطي حياة ثانية مدري ليه

هذا اللي في بالي الحين

جزاكي الله خير على الموضوع

بصراحة.. لي الان اكثر من خمس سنوات.. ما شعرت بروتين ..
مدري يمكني مو طبيعية .

في نظري لو ماعندي شغله غير زوجي يمكن نصاب بالملل..

لكن إذا صار للشخص أكثر من مجال وتتعدد عنده وسائل الترفيه والعلاقات الاجتماعية مايصابون بالروتين..

لي مجتمعي واهلي وصديقاتي.. وهواياتي..

وزوجي كذلك..

الحياة بشكل عام تطرأ عليها بعض الظروف والمواقف تزيد من ترابط الزوجين وتألف بينهم..

(أزمة- مشكلة - مرض- حمل - ولادة - إجهاض - ضغوطات عمل - سفرأحد الزوجين)

كلها ظروف تقرب الزوجين من بعض ويشعر فيها الشخص بعمق الرابط والحب بعد ماكانا منشغلين بحياتهم الطبيعية.. وهذا بحد ذاته يكسر الروتين.

طبيعة حياتي.. زوجي يطلع للشغل الساعة 6 الصبح.. يرجع ثلاث العصر.. يتغدا وينام الييييين المغرب.
من المغرب الى 12 بالليل نقضيه على حسب المزاج..

بالنسبه له هو-
ممكن يروح المغرب الين العشا لأهله ويرجع..
أو ممكن مايرجع يروح للإستراحة..
ممكن مايطلع من البيت خير شر.. على حسب مزاجه..

بالنسبة لي-
ممكن أروح لأهلي.. أو أكون متواعدة مع صحباتي.. ممكن يجوني خواتي..
ممكن أقعد في البيت ما أطلع برضو على مزاجي..

ممكن نكسر الحالتين بالحالة الثاثة اللي هي:

الحالة المشتركة - ممكن نقضي الوقت مع بعض.. نطلع نروح كفي.. نروح السوق نتمشى ونلعب بنتي ونتعشا برا..

ممكن نروح حديقة وناخذ قهوتنا وشاهينا وحلانا ..

يعني بكيفنا مافي برنامج معين..

شلون تصير هذي الحالة؟!
مثلا:-
يقولي: وش عندك اليوم ؟
أقوله: والله مدري يمكن أروح لأهلي..
يقول: شرايك اليوم نطلع مع بعض؟
أقوله: تمام وين نروح يقول مثلا (الحديقة) خلاص اجهز القهوة وهو يروح يجيب لنا حلا ولا يجيب تشكيلة شوكولا
بدون ترتيب مسبق ونستانس وننبسط ونغيير جو..

وممكن العكس أنا اللي أطلبه..

بس عشان تكونون في الصورة.. الحالة المشتركة ليست هي الغالبة ويمكن هذا السبب مانحس بالملل.. بالعكس لما تحصل لنا الحالة المشتركة نكون اثنينا مبسوطين واثنينا مشتاقين لأنه يكون لنا فترة ما طلعنا مع بعض.

مو معنى هذا انه مالنا دخل في بعض باقي الايام..
خلال اليوم في رابط بيننا بالتليفون في جو عائلي وقت الغدا

يعني مثلا وهو عند أصحابه يدق علي مرة أومرتين..
وهو طالع من بيت أهله يدق علي..
وهو طالع من الاستراحة يدق علي..

أنا جاني شي يضحك ولا خبر معين أدق عليه وأقوله .

لكن اللي أقصده بالحالة المشتركة اللي هي ((الخصوصية))..
هذي مو كثير..

إجازته الرسمية-
طبعا ما يقدر ياخذها إلا بعد سنة ونص, سنتين , سنتين ونص(على حسب)
نسافر فيها استجمام.

يعني بشكل عام حياتنا مزدحمة مافيها مجال للروتين.

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

اختي الفاضلة بامكان الانسان ان يحارب الروتين القاتل بما يلي :
1- التركيز على اسلوب الالفة والمرح والابتسامة مما له اثر عميق بين افراد الاسرة ....
2-الدعابة التي تريح القلب .. وتساعد على الاسترخاء....وتساعد على تخطى المصاعب والتعامل معها بهدوء وروية وايجابية ...وتساعد على التواصل المستمر مع افراد الاسرة بكل حب وعطف ...والبعد عن الكآبة والاحزان ..
3-جلب بعض الالعاب الجميلة التى تدعو جميع الافراد للمشاركة فيها
4-التجهيز للخروج الى اماكن مسلية
5-القرب من الطبيعة الخلابة لكسب يوم من الاستجمام والاسترخاء بالمناظر الجميلة ...

__________________

أشكرك عزيزتي أم داليا على المشاركة..
صحيح يا سوسو .. الخروج من البيت حتى لو مرة في الأسبوع أو الي تقدري عليه..

__________________

>> لا إله إلا أنت سبحانك إني كنت من الظالمين <<

يا هلا والله ..بأدمنتك وبكل الأخوات
صراحة أفكارك تجنن.. ماشاء الله .. لازم اكتبها في ورقة
صحيح ممكن تجي أفكار على بالنا بس الواحد وقت الإحساس بالملل يحس انه الدنيا مقفلة في وجهو

__________________

>> لا إله إلا أنت سبحانك إني كنت من الظالمين <<

عزيزتي ..سمو الأميرة
صحيح كلامك فكرة البعد لفترة بسيطة تولد الإشتياق..
أنا عن نفسي خليت زوجي يروح مره دورة برة البلد وكنت حامل في التامن وماقدرت أروح معاه
بس صراحة كان وقت الشغل قليل فقلت لا والله ههههههه مااخليه يروح لوحده واقنعت اخته تروح

معاه

__________________

>> لا إله إلا أنت سبحانك إني كنت من الظالمين <<